حبيبتى فترة التبويض بتختلف من سيدة الى اخرى فلا نستطيع ان نقول انها فى اليوم العاشر على الاطلاق

فترة التبويض عشان تعرفيها صح لازم تعرفى الدورة بتجيلك كل كام يوم ابتداء من اول يوم لنزولها الى اول يوم للدورة التى تليها

بمعنى اذا كانت الدورة تجيلك كل 29 يوم
فتكون حساب فترة التبويض كالاتى:
29 - 14= 15

يعنى يوم التبويض هو اليوم الـ 15 من اول يوم للدورة و تحسبى قبلها يومين و بعدها يومين يكون عندك 5 ايام هى اهم 5 ايام فى الشهر عشان الحمل و اذا عاوزة متحمليش تجنبى اللقاء فى هذه الايام

و عند نزول البويضة بتعرفيها انك بتحسى بالالام مثل الالام اللى بتجيلك فى الدورة بس على اقل منها
و كمان بتنزل افرازات تشبه بياض البيض و كل ما يكون قومها متماسك كل ما يكون قربتى من اليوم التى تنزل فيه البويضة

البويضة بتنزل فى القنوات لمدة 36 ساعة لكن ممكن الجسم يحتفظ بالحيوانات المنوية و هى حية لمدة 48 ساعة


و بالنسبة الى حبوب منع الحمل انا معنديش فكرة عنها بس اللى اقدر اأكدهولك انك لازم الاول تتأكدى انك مش حامل قبل ما تخديها عشان اذا كنتى حامل ممكن بعد الشر تسبب تشوه للجنين

ربنا يحميكى من كل شر


اذا كان عندك اى سؤال انا فى الخدمة

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة