انا مستغربة من بعض الردود هنا الي تزيد الطين بله وتزيد نفور الزوجه من زوجها .... هل يرضيكم ان يحصل طلاق وتنتهي هذه العائلة لترضوا غروركم ... وتدفع الزوجه والابناء ثمن نصائحكم الشيطانيه

خافو ربكم في كل كلمة تقولوها ممكن يترتب عليها خراب بيت... حسبي الله ونعم الوكيل

اذا انتي ماتقدري تدبري امورك وفاشلة بحياتك الزوجية وممكن في عداد المطلقات الي بيخربوها ويجلسوا على تلها ايش ذمبها المسكينه انها تكون مثلك ...

عزيزتي صاحبة المشكلة الامور الشكلية لا يجب ان تلتفت لها الزوجه وترميها خلف ظهرها ومايقاس الحب أو عدمه بكلمه....

الحب معاشره بالمعروف تفاهم موده أفعال يعني اذا زوجك اوقات كثيره سعيده وياه وكثير من الاحيان ملبي احتياجاتك وجا على أوقات كان معصب او متضايق فيه وقال كلمة تعكس طبع الرجل الشرقي الي بطبعه شي من العصبيه والتسرع ... خلاص تنسين الي كان بينكم كله وماتفكرين الا في الكلمه هذي بس ... مو كل كلمة تقال تقصد المعنى .. يمكن يكون متضايق من امور في البيت او خارج البيت وانتي زدتي عليه الضغوط فجات الضربه فيك ... انا برايي انك تعطيه مجال من الحرية واذا حب يكون لحاله احيانا لإعاده التفكير في امر ا لا تضغطي عليه ودائما ابحثي عن الامور الي تضايقه فيك وحاولي بكل الطرق تحليها .... وانشا الله زوجك راح يكون سعيد معاك ولا تلتفتي للكلام فكثير من الكلام يقال ولا يقصد ... وربي انشا الله يسعدك ويسخر زوجك لك ويفرح به قلبك