من حياة ملخبطة ووقت ضايع الى حياة مرتبة - منتدى عالم الأسرة والمجتمع

03-09-2008, 12:59 AM

ساعات

عضو جديد

تاريخ التسجيل: Sep 2008

المشاركات: 15

نكمممممممممممممممممل

اليوم الثاني دخلت على غرفتي

وحسيت ان غرفتي تحتاج كثيييييييييييييير وبرضو كان نفسي اذا رجع زوجي من السفر يلاقي شي حلو وجديد
فقررت اعمل تغيير
فضيت كل الدواليب والتسريحه والكومودينات
وفكيت الستاير كانت مجمعه تراااااااااب وكاتمه في قلبها سنين ههههههه بس انا زودت همها وقلت لها انا بعد ابرميكي وش رايك

وجبت لونين بويه واحد بيج والثاني اغمق منه بدرجتين وفرشت الارضيه بلاستيك وبدات ادهن بالرول كل الجدران باللون البيج بعدين لما نشف لزقت على الجدار شطرطون بشكل خطوط وبدات ادهن بالرول
اللون الغامق
وطلعت النتيجه مره حلوه بس سويتها على جدارين لاني تعبت
تقريبا نفس الفكره هاذي

مداخله
هالفكره انا سويتها بغرفة اخوي ههههههههه ما عندي غير غرفته اتعلم فيها
بس مو نفس الفكره يعني ضربتها اول شي خربزي بعدين جبت لون عودي وبني
واسفنجه كبيره وهاتك يا خبط في الجدار بس بصرااحه طلع حلوو ويستاهل الدب اخوي

وجبت كنب كان مركون في المخزن لا شغله ولا مشغله ونجدته عند محل بلون عنابي يجنن وعملت معاه خداديه فخمه ما كلفني ولا 100 ريال
وجبت مفرش فخم كنت مستخدمته لولادتي يعني زوجي ما شافه وليه مركون ما ادري بس انا كان طبعي كذا اخبي كل شي للبيت الجديد شفتوا الطبع هذا كيف شين
وجبت ثلاجه صغيره كانت خربانه بالمخزن واخذها سواقي لمحل وصلحها ووضعتها بغرفتي ووضعت فيها عصاير ومشروبات وشوكولا يعني زي الفنادق
واشتريت اكسسوارات وشوية شموع من بد اند باث كان عندهم تخفيض
وصارت الغرفه تجنننننن
تنتظر العريس ههههههه

بالنسبه للملابس عملت فيها نفس ملابس اولادي شي للصدقه وشي رمي وشي كويس والاشياء اللي جالسه عندي اكثر من 3 سنوات مالبستها دعست على قلبي ورميتها لان كثرة الملابس تسبب الربكه
واذا ملابس ما لبستها سنوات اكيد ما راح البسها واذا ملابس ضيقه تعوضي ربك وتصدقي فيها ولا تقولين لا بكرى اسوي رجيم وانحف عطيها احد يستفيد منها احسن
بالنسبه للملابس الكويسه شفت اللي يحتاج تصليح على طول على الخياط بنفس اليوم لاني لو تركته نسيته ويجي وقت المناسبه وترجع المشابك ههههههه

ورتبت مع كل طقم شنطته وجزمته
احط الجزمه بكيس والشنطه بالكيس القماش اللي جت فيه واعلقهم بنفس المعلاق مع الفستان هذا بالنسبه لفساتين السهره واذا كانت نفس الجزمه تنلبس مع كذا فستان احطها تحت الفساتين

واذا في شي ناقص اسجله بورقة المشتريات وكل ما قدرت اشتري شي تعرفون الاسعار ناااار
وبهالطريقه صرت الاقي حاجاتي بسرعه وما اتاخر واعرف ايش ابي من السوق
اذا رحت مناسبات واروح وانا مرتبه والكل لاحظ علي من اخواتي وغيرهم

بالنسبه للملابس الداخليه اشتريت لها علب من ساكو اترتبت كثيييييير
اكيد اغلبكم يعرفها

والاكسسوارات برضو جبت لها اكياس مثل هاذي

مداخله
بصراحه يعني انا ما عجبتني فكرت الاكياس للأكسسوار
لأني دايم استخدمها فلقيت شنطت اكسسوار قديمه عند اختي متزوجه
واخذتها هههههههههه ونظفتها ورتبتها وكانت راح تسترجع فيها اختي لكن هيهات هههه
بالنسبه للمكياج رميت اغلبه لانه عندي من سنوات وخليت عندي بس الالوان الجديده واللي استخدمها وتناسبني والفاونديشن اثنين واحد للبسيط وواحد للسهره وبكذا ما صار عندي كركبة مكياج
ورتبتها في الدرج وجبت العلبه من ساكو برضو

بالنسبه للعطورات كانت عندي عطورات كثييييره ما استخدم الا اثنين منها
مسويه لي كركبه ومخربه شكل التسريحه

اللي ريحتها ما تعجبني طلعتها من البيت
اللي ريحتها حلوه بس قديمه بعضها عملت منها سبري للمفرش
والطريقه سهله تجيبين بخاخ قديم وتضعين ثلاث ارباعه مويه وتفرغين العطر فيه وممكن تضيفين له شوي كحول كماده حافظه تطلع ريحة نفس العطر بس خفييييفه حلوه للمفارش

وبعضها سويت منه صابون
والطريقه كالتالي تجيبين الصابون اللي عندك او اللي يكون بقايا صابون وتبشرينها
وتسوين حمام مائي على النار وتضعين فيه الصابون المبشور مع زيت اللوز حتى يذوب الصابون بعدين تضعين العطر اللي تبين ومعاه قطرات من الوان الطعام وقليل من الماء حتى تتكون عجينه
تجيبين ورق الشمع وتضعين عليه الصابون فب اي قالب ممكن تستخدمين قوالب الثلج
او قطاعة المعجنات اي شكل تبين وخليها في الهواء الطلق حتى جمد وتصير عندك صابونه ريحتها بنفس العطر

يتبع

لا تكتبون

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه