السلام عليكم ورحمة الله وبركاته..
اقولك شئ ولا تزعلي.. وين المشكلة كل هذا مب مشكلة ولا كارثة.. انا معاكِ باهمية الهدية وان الزوجه تفرح فيها، لكن بعض الرجال طبعه ما يعرف للهدايا يعني هو يقولك اشتري الي نفسك فيه ولا مقصر عليك فمفهوم الهدية عنده هو راضك ومصرفك وطلباتك المجابه.. صدقيني لا تخلقي مشكلة من لا شئ.. كيف راح تتصرفي لو لا قدر الله صار خيانة وين المشكلة الخيانة لو الهدية.. الحياة اكبر من هالامور الصغيرة .. والله انا كنت مثلك اتمنى الهدي من زوجي لكن يوم سمعت فوزية دريع كلامها اقتنعت كانت تقول الحياة مب جاب و ما جاب تذكر عيد ميلادي او ما تذكر الحياة عشرة وامان وحب..
وفي نقطة ثانية مهمة لو تزوجك عشان بنته مثل ما تقولين كان ما قدرك بشئ وكانت معاملته جافة ورسمية .. زوجك من النوع الي ما يعرف يظهر حبه لك وفي نفس الوقت يبي يراضيك ولكن بطريقته الرجولية البحته بعكس طريقتنا .. يعني احنا نهتم بالتفاصيل والتغليف وشكل الهدية بينما زوجك يهتم برضاك فقط دون التفاصيل المهم فقط ويعتبر الباقي كمليات لذلك اسرع في ارسال الهاتف للارضاك فقط.. و حاول يسافر معك او يقلد صديقه.. هو حاول لانه ما عنده خبره بالهسوالف.. ليش دائما نظن بالاخرين ظن السوء .. التمس لاخيك 70 عذرا و انتي ولا عذر..
فكري بايجابية الزعل والحزن ياخذ من صحك الانسان ومن عمره.. صدقيني اكتبت لك وانا مرت بنفس التجربة .. لكن الحين الحمد الله.. تصدقي زوجي ما عطاني هدية هالعيد مثل كل سنة .. عادي وخذت الامور بساطة لانه اعرف نيته ومكانتي..
08-10-2008, 02:24 AM
ضوابط المشاركة
العرض الشجري