أخوي الله يوفقك ويسهل كل أمورك ..

بالنسبه للي خطبتها أهم شي تكون خلوقه وتعاملها رااائع ومحتشمه .. وتخاف الله ..

أنا من رأيي تكون معها صريح إذا كان الشي اللي فيك ضروري تعرف عنه ..

أحسن من يجي بكره وتصير مشكله كبيره بينك وبينها وتصيرون على كل لسان ..

مافيه أحلى من الصراحه إذا كانت في موضعها السليم ..

طليقتك لاتجيب طاريها أبد عند زوجتك مستقبلا" أعتبر نفسك كانك أول مره تتزوج عشان أنتم الأثنين ترتاحون ..

خلك قوي كرجل ولين من الداخل في تعاملك ولاتظهر الضعف عندها وخلك دائما" واثق من نفسك ترى هذي أهم نقطه ..

مو عشان عندك مشكله معينه تفقد ثقتك ويبان ضعفك ..

طبعا" أنا ما أقصد تكون قاسي بالعكس حلو التفاهم بين الزوجين وحلوه الرومانسيه بينهم والكلام الحلو ..

وحلوه الرحمه والحنان لكن أنا قصدت شخصيتك مع أنه مايحتاج أقول

لكن من باب التذكير بالشي وأحيانا" الواحد لما يمر بظروف قويه تهتز بداخله أشياء كثيره وهذا شي

طبيعي لأن حنا بشر ..

إذا أكرمتها وأحسنت معاملتها وخفت الله فيها بإذن الله راح تملكها وراح تنسيك الدنيا وتنسى أصلا" إنك كنت متزوج

سابق ..

أهم شي المشكله اللي أنت تعاني منها لاتركز عليها كثير ..

ولاتركز كونها طبيبه وأنت لا .. ولاتفتح باب المقارنه في يوم من الأيام ..


أخي الكريم عليك بالإستخاره وبكثرة الدعاء أن ربي يسخركم لبعض ويألف بين قلوبكم ترى الدعاء أقوى سلاح ..

الله يوفقك ويسعدك ويرزقك الذريه الصالحه

أطيب المنى