أولا حبيبتي استعيني بالله وكثري من الدعاء وحتشوفي بنفسك .. إلجئي لله بصدق
ثانيًا لازم تحطي في بالك ان أخوات الزوج يغيرو من زوجة أخوهم .. وهذي حقيقة .. أنا عشتها مع زوجة أخوية .. أحاول أحسن لها بقد ما أقدر لكن أشوف أخواتي وتصرفاتهم معاها فأحاول أنصحهم من ناحية وأنصحها من ناحية وفي النهاية المركب ماشي .. حاولي تتماشي مع حياتك وعيشيها بدون ما تدققي .. حاولي تغضي الطرف عن اللي يضايقك ..
ثالثــًا اجلسي مع زوجك واتكلمي معاه انه ما يطلع كل شي يخصكم وأثناء كلامك بيني مشاعرك الطيبة تجاه أهله لكن الزوجين بينهم خصوصية
وبعدين حتى لو قالت اخته هيه برضه غريبة .. أكيد انتي متأكده ان الكلام هذا مو صحيح .. بس مو معنى كده انك ما تلفتي نظر زوجك انك اضليقتي من هذي الكلمة
وأخيرًا حبيبتي حطي هذي القاعدة قدام عيونك (أصلح مابينك وبين الله يصلح ما بينك وبين خلقه) ولا تحلفي كذب أبدًا
أسأل الله ان يسهل أمورك ويهدي سرنا وسركم