حبيبتي المصريه شوفي انا فاهماكي احيانا الانسان بيكون خايف من اللي جاي بكره
اعذريني انا حاسه انك من كتر تعبك ومعاناتك اللي حصلت زمان في الماضي جعلتك تخافين من التجربه الجديده بشكل لا ارادي
انا كنت مثلك تماما قبل ان ارتبط بزوجي كنت اخاف من كل من حولي الحبيب قبل الغريب
ولكن يا حبيبتي لا تستسلمي للافكار دي طلاق ايه وليه
والله زوجك تماما مثل زوجي في هذا الموضوع وكان زوجي بينقل ليا كلام مامته لما تكون زعلانه مني
وكلامها في زعلها بيكون صعب ولكن انا اللي بحل المشكله بنفسي زيك تماما من غير هو ما يدخل فيها
شوفي يا حبيبتي انا عاجبني كلام الاخوات اللي قالولك انك تتكلمي معاه بهدوء
انتي حاسه انه لن يستجيب لكن لا صدقيني انا مجربه كان ليا مشكله مع زوجي بسبب شخص من اصحابه
وكنت لا اطيق ان اسمع سيرته لانه اذاني كثيرا لكن زوجي يحبه فطلبت منه اكتر من مره انه لا يجيب ليا سيرته وكان لا يهتم كل مره يحكيلي عنه ومع مرور الايام ومره بعد مره الان اصبح ميجيبليش سيرته ولا كانه موجود وانا ارتحت والحمد لله
حبيبتي كل راجل فيه عيوب مش معنى ذلك انك تخافي تتجوزيه انا عارفه انك خايفه لانك حتكوني في محافظه تانيه متعرفيش فيها حد
لكن والله صدقيني هذا من فعل الشيطان زوجك واضح ما شاء الله يحبك ولكن انتي لسه مخدتيش عليه لما تاخدي عليه كويس هتعرفي ان عنده صفات جميله تخليكي متفكريش في العيوب البسيطه الموجوده في اي رجل لانه طبيعتهم غير طبيعتنا قربي منه وحاولي تعرفيه كويس انا بقالي خمس سنين بحب زوجي ومعرفتوش الا السنه دي صدقيني
وبعد ما عرفته كويس بقيت اتغاضى عن اي شيء يضايقني منه بقدر الامكان ومن جوايا بقول لنفسي فاكره لما عمل معاكي الموقف الفلاني واتذكر حبه ليا وبعدها بكون هاديه جدا
ومتأجليش الكلام لحد ما تحصل مشكله ربنا يوفقك يا حبيبتي
__________________
( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))
16-01-2009, 11:00 PM
ضوابط المشاركة
العرض الشجري