عيبي القوي واللي بحاول اتخلص منه هو اني بقعد افكر في الحاجة قبل ماتحصل واقلق كتير .. يعني لو في سفر اشيل همه جدا وافكر في كافة تفاصيله قبل ما اسافر وازاي هشيل الشنط وهدي الشيال ايه وهل هوصل بسرعة طيب وهقف طابور .. طيب وعيالي .. ومش عارف ايه واجيب لنفسي الانهيار العصبي من التفكير.. وقلة النوم

تخيلي كل ده في كل احداث حياتي

يعني نفسي انام كدا واسيبها لله .. علما انه في معظم الاحيان بكون ضخمت الامور زيادة عن اللزوم

بس اللي بيكون معايا مش بيحس باحساسي ده لأن غالبا لما بمر بالحاجة اللي كنت قلقانة منها وتطلع سهلة بكون طايرة من الفرح .. فاللي حواليا يفرحوا زيي مايعرفوش كم القلق اللي كونت فيه .. يفتكروني ظريفة وكدا

__________________