سوري حنون: يمكن بسبب العمل ويمكن بسبب أشياء أخرى

بس ليش ها الاحساس اللي في قلبي ان الزوج خلاص ظمن زوجته وما يتودد لها مثل قبل !!!

وأقل مثال الاسم اللي يناديني به تغير ... قبل الزواج كان غير كان يقوللي حبيبي ..عمري .. وباسم دلع قريب من اسمي وهكذا

الحين أحس انه صار يستحي ما يناديني الا باسمي وبطريقة تقليدية ...

أتمنى مرة يقوللي ويناديني باسم دلع او حتى حياتي وراح اقول له لبيه من قلبي !

شكرا لك

---

pink.20: لا ولو

ما ضايقت ولاشي عزيزتي

بس انا ما أبغيه خاتم في اصبعي ..أصلا ما أحسسه انه تغير أو قل اشتياقه لي

لكن اخليه في نفسي واتساءل في قلبي ليش ما يتغزل فيني مثل أول ؟

أحيانا أقول يمكن بسبب الحمل وتغير الجسم بس هذا ابدا ما كان عائق بيني وبينه او في الحقوق اللي علي له

ولا أقدر ابين له الشي لأنه راح يقول انه شي تافه وما يستاهل تتكلمين فيه وتسوين منه سالفة

أحيانا اقول راح اسوي مثل جميل وهناء لما كانت باردة وما تغار عليه ابد ولا تعبره وهو ميت يبغيها تغار !!

بس مثل ما قلتي .. خير الأمور الوسط

شكرا

---

جناين ورد2008:

قلتيها يا أخت جناين

الريال ما يحب المره اللزقة وأنا ما أبغي اصير لزقة

بس أحيانا يا ناس ابغي زوجي يعبرني ويشتاق لي اكثر وأنا اطنشه وأتدلع وأتغلى ...هههه هبلة أنا

شكرا لك

---

__________________
الظلال تمد ايديها لنا !
هل يا ترى تكون ارفق علينا من الضوء؟

السيكولوجى:

وليش يا أخوي داش معصب

يعني علشان هو رجل راح تدافع عنه !

يمكن انا مب رومانسية لذيك الدرجة يعني ما أحب الرومانسية البايخة اللي مالت مسلسلات ورسوم متحركة

بس ابغيه يشتاق لي ويعبر عن شوقه لي ويقوللي انه يحبني بدون ما أسأله : تحبني ؟ لأني أحسه سؤال محرج وما يحبه الرجل من زوجته

بس شكرا على اقتراحاتك

ان شاء الله احاول اسوي مثلها

---


سحابة الصحراء: كلامج منطقي 100% وانا واعية له االشي

بس الواحد أحيانا يقول يااه ليش اتغيرنا فجأة وشو السبب

بس هذي هي الحياة

شكرا لك

---

apple-green:

ههههههه

هذي كانت ايام الخطوبة

الحين لو اسويها ماراح يعبرني

الحمدلله ع كل حال

شكرا لك

---

حمد بن محمد:

ايه كلامه زين

شكرا لك

---

أميرات:

شكرا على كلامج الحلو

كل كلمة قلتيها صحيحة

بس أنا أحب الحب لما يكون فيه شوق ويظل مشتعل دوم

وأدعي الله دايما انه يخلينا عشاق مو بس متحابين بل يكون شغوف فيني واكون اعشقه

يمكن ها الشي صعب في الحياة الزوجية بس اكيد تظل المودة والرحمة بيننا

شكرا لك

---

الفهدي:

شكرا اخوي كلامك حلو

المشكلة يمكن اني ما افهم كيف يعبر زوجي عن حبه لي

او يمكن صار هو ما يعرف !!!

__________________
الظلال تمد ايديها لنا !
هل يا ترى تكون ارفق علينا من الضوء؟

كما تدين تدان

الاخت الكريمة ارجوا انكي لا تاخذي الجملة السابقة بحساسية


تمنياتي لكم بدوام السعادة ان شاء الله

__________________

لاإله إلا الله وحده نصر عبده وأعزّ جنده وهزم الأحزاب وحده لاشيء قبله ولاشيء بعده
-*-*-*-*-*-*-*-*-*-*-*

لا اله الا الله محمد رسول الله

فعلا هي ليست بمشكله بقدر ماهي احتياج ؟؟؟

اعلم ان في بعض الاحيان تسيطر عليك تلك المشاعر المتسائله

تبحث عن استفسار

لما تغير ولما الحال لم يبقى كما هو عليه ؟؟

هكذا هي الدنيا

اذا اردتي فعلا ان يعود لسابق عهده

أغربي عن وجهه

اتكلم بكل صراحه وشفافيه

المسأله تحتاج لفتره نقاهه وبعد لكي يتجدد الماضي وتتوهج تلك المشاعر

التواصل اليومي يقطع الشوق

هذا اعتقادي والله اعلم

لكن

تأكدي ستستقيم الامور وتزهر امنياتك يوما

ومن دون اي مبادره بسيطه منك

لان بعض الاحيان

يحقق الرجل امنيات المرأه دون اي لمحه

يأتيه مجرد الهام انه يجب عليه فعل ذلك

اصبري وسترين ان كلامي فعال وواقعي 100%

تحياتي

__________________

فترة الخطوبه تختلف تماما عن الزواج

لا بد ان تتغير الحياة بعد الزواج ويتغير الوضع انتي كنتي بعيده عنه وكان يشتاق لك اما الان انتي معاه لكن حاولي تجددي بحياتك ومو خطاء انك تتصلي عليه وتسالي عنه بالعكس يمكن لو تعود على هالشي منك ولو ما تسالي عنه راح يستغرب الحاجه اللي لازم ن}من فيها ان الزواج حياه تختلف تماما عن ما قبلها لازم نتقبلها ونعايشها والا راح تنتهي بالفشل

__________________