يا بنات الله يهديكم
احنا مش قلنا الميزان بس يوم الجمعه وغيره ما توزنوش مهما حصل لكم
أنا مع انى بأقول واعيد وازيد فى الكلام ده الا انى وقعت فى نفس الغلطة الاسبوع الماضى وبعدهااقسمت الا اكررها وعاهدت نفسى على كده
انا زودت رياضتى من ساعه الى ساعتين مشى يوميا غير الايروبكس ومشيت على النظام الغذائى بالحرف فقلت لنفسى على يوم الاربع اللى فات يالله اتوزنى وشوفى نتيجة الصبر بتاعك اكيد هتكونى نازله 2 كيلو على الأقل وطلعت على الميزان ولقيت وزنى ثابت لم يتحرك ولا جرام فجاء لى حباط شديد ورجعت قللت الرياضه لساعه ونفس نظامى الغذائى ويوم الجمعه ماكانش عندى اى امل انى اكون نزلت ولا نصف كيلو لكننى وجدت نفسى نزلت 1100 جرام وفرحت جدا بالنتيجة يبقى سيبوها على الله ولا توزنوش نفسكم الا مرة واحدة بالاسبوع ويفضل أن تكون اول ما تصحوا من النوم وتدخلوا الحمام اكرمكم الله وتكون ملابسكم خفيفة جدا او بالملابس الداخليه حتى يتضح وزنكم الحقيقى لأنى مره اتوزنت الصبح وكنت لابسه لبس ثقيل وعلى الليل كنت مخففه لبسى واتوزنت لقيت الفرق 400 جرام يعنى كان 400 جرام زيادة من اللبس بس.
27-05-2009, 10:02 PM
ضوابط المشاركة
العرض الشجري