اقتباس:
المشاركة الأصلية كتبت بواسطة المسداني
بصراحة رغم أنه فات الفوت
أنت غلطان في اختيارك زوجتك
كيف لم تسأل عن تدينها و عن عباءتها و عن أبسط أخلاقياتها
بغض النظر عن من المخطئ فيكم و بغض النظر عن طريقتك القاسية و طريقتها العنيدة
أنتما مختلفان تماما
|
صحيح انه الموضوع مايخصني لكن انا ابي ارد على هالكلام.
انا شخص مقبل على خطوبه
ان شاء الله ولا اقول عن الناس اللي بخطب منهم انه فيهم شي او عيب لكن هذي تجربتي قبل اول مافكرت بالخطوبه
اهلي: يلله ابشر لقينالك وحده نفس طلباتك
انا: اخيرا, الحمدلله. (بعد كذا بديت اسأل ونا فرحان عن كل مافي خاطري الى ماوصلت لها الاسئله)
انا: هي تلبس عبايه مخصره؟
اهلي: وش هذا السؤال المتخلف؟ العبايه ماهي مقياس على الاخلاق وكل البنات الان يلبسون هالعبايه واذا هذى تفكيرك والله ماراح تلاقي احد واصلا احنا مابندور لك لانك بتفشلنا, وبعدين عيب نسأل البنت انتي وش عبايتك.
انا: بس هذا مقياس على اشياء ثانيه اهم وبعدين مو لازم تسألونهم شخصيا ممكن تسألو...
اهلي: بلا مقياس بلا هم, ياما بنات العبايه على الراس واهم خربانات وبعدين هذي اشياء تتفق فيها مع زوجتك بعدين, كل زميلاتنا اللي تزوجوا تغيروا بعيد الزواج, هذي فلانه كانت تكشف والان العبايه على الراس وهذي فلانه وهذي وهذي
انا:طيب مو مشكله (امري لله مالي غيركم), اذا تبي تتوظف بعدين, هل عادي عندها انها تتوظف في مكان مختلط؟
اهلي: لا؟ انت الظاهر ماتبي تعرس يلله بس خلاص مافيه بنات!!!
انا: -انواع الصياح-
واعرف ناس كثير مروا بنفس حالتي. ناهيييييييييييك عن الناس اللي يخبون ويخفون العيوب والافكار التعبانه يعني اذا قبل الزواج سم وابشر وكل شي حاضرين والبنت حتى تقولك لو تبي اصير عبده عندك ماعندي مانع بس بعد الزواج تبدى الحقيقه فالظهور. وهذا مو دايم يكون خداع ممكن تكون البنت فعلا ناويه تتوب وتتحسن لكن بعد الزواج تفتر او ترجع لرفيقات السوء. والعكس ايضا صحيح ياما ناس تعبانين ورأفنا على اللي انخدعوا فيهم حالتهم تحسنت بعد الزواج وصاروا افضل بالف مره.
للاسف الواحد مايضمن شي فالزواج. والله حتى لو اخذت بنت عمك اوخالك ممكن ان الواحد او الوحده تنصدم بشريك الحياة اللي يتغير 180 درجه بعد الزواج. والله الوضع كله توافيق من الله والواحد ماله الا انه يسوي اللي يقدر عليه ويتوكل على الله.
وبالنسبه للاخ مذيع انا ضد انك تستشير فهالامور على النت (اكره مواضيع الاستشاره فاشياء مهم عند العامه) ياخي النت مليان بالناس الحمقى والسفهاء -انا ما اتهم احد فالمنتدى انه احمق- اللي ممكن يخربون حياتك لان العقلاء فالدنيا هم الاقليه فما بالك بالطلاق؟ ناهيك عن مشكلة طرح الوضع من جهه وحده, كل قضيه لازم نسمع فيها من الطرقين وانا اذكرك بحديث المرأه اللي جت تشكي للرسول صلى الله عليه وسلم ان زوجها مايتركها تصوم ولا تصلي... ما اذكر الحديث بالظبط لكن زبدة الكلام انه طلع الحق مع الزوج رغم ان طرح الزوجه كان مقنع 100% انه هو الغلطان... كيف يمنعها من الصوم والصلاة؟
عذراً (إن شاء الله ) تكتب كما بين قوسين /الاشراف
11-07-2009, 11:01 AM
ضوابط المشاركة
العرض الشجري