كلي لك يا الغالي

واتمنى من الله عزوجل ان يردكم لبعض رداً جميلا ان كان لكم فيه خيراً يارب.

عزيزي : لا تعطي الموضوع اكبر من حجمه ، كلنا والله نقدر مشكلتك، ولكن برضوا لا تخلي ضغط الموضوع يأثر عليك ويخليك ما تركز با اللي تسويه واللي تفكر فيه.

اولاً:

انت ليش ما تمسك احد من اخوانها او ابوها ، او حتى تجلس مع امها، وتجلس مع امها جلسة ولد مع عمته، يعني تجيهم با الطيب، وبا الاحترام والادب، والافضل لو تجلس مع احد من اخوانها، يعني وتشوف وش في خاطرهم ، هم وش يبون با الضبط، وش يبون من تكبير الموضوع، و وش هدفهم من هذا كله، يعني تعرف الي بخاطرهم، لأني انا متأكد ان اللي صاير مو منها لحالها الا من اهلها بعد.

المهم، ان لقيت خير وبركه ، وان مالقيت شوف كبيرهم الي يعتبرونه كبير، واهم شي ها الكبير يكون له كلمة عليهم يعني لو تتاخذ انت وياه قرار يمشي عليهم وعلى غيرهم ، او حتى على الاقل يطيعونه، موب يصدونك ويردونك على الخرطي.

اقصد من هذا كله خليك هادي،حتى اذا قابلت احد منهم قابله با الطيب وبا الابتسامه والكلمه الحلوه. وحط في بالك يا الغالي ان كل الامور با الكلمة الطيبه والابتسامه تنحل.

هذي نصيحتي لك مبدئياً، واتمنى من الله عزوجل ان نكون افدناك.

اذا عندك راي ثاني ياليت تعطينا خبر.

الله يوفقنا ويوفقكم.

__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.

بارك الله فيك اخوي ولك مني الدعاء

انا تكلمت مع اخوها لانوا هوا الوحيد اللي قدرني نوعا ما ويتفاهم لكن ليس بيده شيء يفعله فاالعناد فوق كل شيء , و اخواته الكبار تاثير لهم عليه واعتقد هم من طلبوا منه أن أذهب لكبير العائلة ,, والمشكلة أن كبير العائلة لن يستطيع إجبارهم على شيء

يعني راح اتوسع ولوخرجت بفائده لن تكون مرضيه لي تماما ولن تكون حاااسمة للموقف هذا مجرد توقعي


أما عن الهدوء إذا قابلت احد بصراحه يكفي طيبة زايده بكون ثقيل شوي وغامض وكلمه وردها فقط حتى يرون قوة شخصيتي