الغالية الحبيبة أنين روز

حبيبتي الحمدلله على كل حال ، وربنا راح يعوض عليا ،، أنه على كل شيء قدير..
بالنسبة لما قلتيه لي ، شوفي يا أنين ، أنا من بيئة لو عملت كذا ورحت وكلمت أهلي راح ينرد العيب والملامة لي ، وهي أني كيف وصلت لمرحلة من الضعف والهوان جعلت خطيبي يتعامل معي بهذا الأسلوب ، وراح تكون إهانة كبيرة وطعنة في تربية أمي ، وراح يلزق فيني لقب " تربية حرمة ".

أنا عندهم دايما وأبدا البنت القوية صاحبة الشخصية الحديدية ، ما أريد أهد هذه الصورة ، ولا أريد أتحمل وأحمل والدتي كلام كبير ، ولا أريد مستقبلا نظرة الضعف الي راح تلاحقني من عيونهم ، خليني كبيرة وقوية ، مادام راح لحاله ورحت لحالي ، ربك يستر عليه ويستر عليا ، وحقي راح يأخذه لي رب العالمين العزيز الجبار المنتقم..

وبعدين أختي أنا ببلد وهو ببلد أخر ، ماراح أرجع بلدي إلا بعد العيد إن شاء الله ، فاللقاء مستحيل حاليا..
هذا رأيي ، وياريت تناقشيني فيه إذا ماعليك أمر..
ربنا يسعدك..

__________________

وجهة نظرك أحترمها بكل تأكيد أختي الحبيبة ولكن لي تعقيب على كلامك غلاتي..

انتي تقولي "تربية حرمة" >>>> ونعم الحرمة اللي ربتك يالغلا .لكن اسمحيلي امك مربيتك من زمان كبرتك وعلمتك وها ماشالله عليك صرتي طبيبة قد الدنيا >>>>يعني تعبها ان شالله ماراح واكبر دليل انتي موجودة امام الله ثم امام الناس >>> اسمحيلي اقولك شي انتي لو خبيتي عليها كل اللي صار راح تهتز ثقتها فيكي وخصوصا لو طلقك زوجك امك راح تتسأل عن الاسباب ومو بعيدة تكلم الرجال ويقولها كلام وزياده حبيتي تصرفك بانك تسكتي وماتخبري حد راح يسبب لك مشاكل لها اول مالها اخر وبعدين دائما الناس تقول الساكت عن الحق شيطان أخرس وانتي لك عنده حق لابد انك تاخذيه وسكوتك عنه معناه ضعف وخوف>> ودائما الشخص مايخبي شي عن احد الا اذا كان غلط >>> الناس كذا بتفهم موقفك حبيبتي راح يقولوا تمت ساكته عشان تستر على نفسها.......... اختي الغالية انا استشرت ناس اكبر مني بالموضوع وكان رايهم مثل راي صدقني سكوتك عن الموضوع راح ينحط كل الحق واللوم عليكي

لان اللي صار بينك وبينه أكبر من مشكله عادية تقدري تكتميها داخل قلبك

............. وصدقيني صورتك ماراح تهتز قدامهم لان البنت مهما كانت قوية وشخصيتها خطيرة سبحان الله تلاقينها قدام زوجها تلين وتدلع عكس تعاملها مع الناس كلهم>> وانتي كنتي تعتبري بينك وبين نفسك انها مشكلة وتعدي لكن المشكلة خرجت عن اطارك وحدودك لذلك التصرف السليم انه يسير تحرك الموضوع من قبلكم حتى لو انتي ببلد وهوا ببلد لازم تكلمين احد كبار عايلتكم ويتصل على ابوه ويكلمه بكل اللي صار
لازم يعرفوا انك مظلومة عزيزتي يمكن هوا بغفلة يمكن الشيطان مسيطر على تفكيره وسبحان يجي احد يوعيه ويفتح عيونه على شي الزعل عماه عنه واذا ماصار هيك يكفي انك بيضتي رايتك ورايت امك المسكينة أمام الله ثم امامه وامام الناس

ارجوكي فكري براي كثيرا واستخيري الله وصدقني انا بهالكلام اكون ضمنت سمعتك وحق وحق امك
طيب انتي لاتفكري بنفسك فكري بامك الطيبة لو وصل لها كلام من هنا وهناك شو بتكون رده فعله هل انتي حابة يجي اليوم اللي امك تندم فيه على تعبها عليكي ؟! الله لا يجيب هاليوم

بس انتي اللحين ماعاد قرارك لوحدك حبيبتي اصبح قرار عائلتكم باكلمها


الله يفتح على قلبك وبصرك يا ختي الغالية هالة

واسئل الله ان يفرج كربك عاجلا غير اجل

الغالية الحبيبة أنين روز
أنتي ماتعرفين أهل أمي ، لو عرفوا أنه عمل فيني كذا ماراح يحترموني بالمرة ، هم بيفتكروا أن أمي قوّت شخصياتنا لدرجة التمرد ، فاهماني حبيبتي ، يعني مثلا مايصح تسافر تدرس ، وأمي جاهدت عشان نروح ندرس برا ، وهي فخورة بنا لدرجة ماتتخيليها أمام أهلها وكل الناس ، أي شكوى مني أن الشخص ذا سبني وقال كذا أو سوى كذا راح يمسكون في رقبة أمي ، هذي نهاية دلعك وثقتك بنتك ماعرفت تختار الشخص المناسب ومن كلامهم هذا؟؟
وأنا متأكدة راح يسألوا هي قدمت له أي تنازلات عشان يتجرأ ويعاملها كذا؟؟ فاهماني ياعمري،،،

وحاجة ثانية ما أقدر أقول لأمي على كلامه الي قاله لي، أمي برضه من النوع الي راح يعايرني كل شوي ، وراح تتهمني أني ضعيفة الشخصية وراح تقلبها عليا وأني انا الغلطانة ..

دام الحكاية فيها فسخ خلاص خليها تمشي بهدوء وحسبي الله عليه..
الفلوس رجعها لي قبل أيام..ماقال حتى شكرا..

__________________