سبحان الله ماشفت الا السلبيات
اخي ان كنت ترى المشاكل فهادا مش معناه انو هادا هوة السائد لانو باختصار انسان سعيد وراضي بحياته الزوجية
شو بدو يكتب؟
تفتكر حينزل موضو يقول انا سعيد ياجماعة؟
يعني نادر متلاقي حد عمل هيك خوفا من العين ولانو مافي داعي ولانو السعادة ماحد بحكي عنها
حنكون قاعدين نسوان في جمعة وتلاقيني قلت مثلا
عارفين انا مبسوطة مع زوجي؟
ولا حتلاقي وحدة تقول بدي اقلكو شي صار معي مشكلة
تفتكر مين اكتر بنحكا ؟اكيد المشاكل
غير هيك كتير مشاكل يتم طرحها وصاحبها معصب ومنرفز وحالته حالةفيكون في مبالغة
ثم ليش ماشفت مشاكل النساء انا بشوف اغلب المشاكل نسائية وكلها عن خيانات الرجال او بخلهم او ضربهم والي بسكر
يعني شايفة الي مفروض يتشائم من الزواج النسوان مو الرجال بالاغلب

وازا احنا حنفكر زي تفكيرك شوف شو حنقول

اوف زواج مسؤولية حمل وتعب وولادة ورضاعة وتربية والله ملل
وحنقول
يجينا واحد يتحكم فينا البسي هادا وماتلبسي هداك
ولا بدو حقوقه الشرعية واحنا تعبانين وطابخين ومو فايقين
ولا حنقول يييه ولا اهله ولا امه اوف عليهم كلو واجبات وحقوق ولازم ازورهم والا الحكي مابسلم منو
ويعني بدي اطلع مكان لازم يوصلني ورجله عرجلي وكل شوي اتصال يلا روحي
عاد غير انو الرجال احيانا يطلع ويتاخر والوحدة تقرف وتتدايق
وكمان اتحمل ظروف شغله ومادياته
وطبخ ونفخ ومافي حرية زي بيت الاهل
ولا حنقول افرض بكرة زهق وراح تجوز؟


هادا لو حنفكر بناحية سلبية حنشوف كل هادول بشكل سلبي
ولو فكرنا بشكل ايجابي حنقول
في احلا من انو الواحد يلاقي حد بحبو
واطبخ لزوجي وياكل من ايدي واجيبلو اولاد قطعة مني ويحبني اكتر ؟
وياسلام زوجي بموت فية ومابحب اتاخر برة البيت عشانو بخاف علية وعشان بشتاقلي
وزوجي دايما بحبني وبحب اكون جمبو ومعو
انا حكون لزوجي احسن انسانة لانو وقتها عمرو ماحيفكر يخونني
مافي احلا من انو ازور اهلو واحب حماتي بالنهاية هية الي جابت زوجي حبيبي للدنيا بعد امر الله
غير هيك بصراحة حلو الواحد بحس بيتو مملكته الخاصة في بيت الاهل مابنملك كل شي
في بيت الزوج بنلاقي حد يدلعنا ويجيب هدايا ويفرحنا
وبتحكم انا في الاكل و ترتيب البيت و بربي اولادي زي مبحب
وكتير مميزات
وانت يااخي مميزات الرجال كتير في الزواج
بياخد امور ماعمرو كان بحلم فيها من حب وحنان و....كتير امور

فلشي النظرة التشاؤمية
وامور الهرمونات والحمل والولادة ماتبقا طول الحياة فترة وبتعدي والرجال بتحمل زوجته لو بحبها
ويعني مو قادر تتحمل زوجتك كم يوم في الشهر لما تكون معذورة؟

فكر بايجابية الزواج خلقه الله مودة ورحمة وفي القران هيك تقول الاية

اعتقد كلام الله فوق كل كلام

وازا كان الزواج هالايام نكد بالنسبة للبعض فهوة بسبب جهلهم هما وبسبب تقصيرهم وبعدهم عن الدين

ولو كل الناس عاشت في نكد في الزواج هادا مش معناه انو الغلط في الزواج
الغلط في الناس
الزواج اصله المودة والسكن والرحمة والسعادة وكل ماهو جميل

وفقك الله اخي .......

__________________