اختي ملك شادي صحيح انا نظرت نظره تشاؤميه و انتي بنفس الوقت نظرتي تظره تفاؤليه زياده عن اللزوم

وبالدليل هذي الجمله



والله يعطيك العافيه على المشاركه

====================

صدقتي و فعلا هذا اللي يرعبني لأنه اذا الواحد كبر بالسن يبي يكون في احد حوله يونسه


هو لو فيه بنت بالمواصفات اللي تقولين عليها كان ماعاد شفتي طلاق ولا مشاكل بس البنات اللي تتكلمين عليهم ينعدون بالاصابع و الوالده الله يحفظها من اول وهي تدورلي (مع اني قايلها ما ابي اتزوج) و مافيه من اللي تقولين عليه(اقصد انهم قليلين جدا جدا جدا جدا جدا).

انتم ليش معتبرين رأيي تشاؤوم ، مو هذا هو الواقع ؟ ولا انا عايش في عالم ثاني ، انا ودي اعرف اللي يقولون الزواج حلو متزوجين ولا عزابيه لأن المتزوجين هم الوحيدين اللي يقدرون يفتون في هذا الموضوع اما العزابيه عايشين في احلام ورديه ، الرجال يحسب انه اذا تزوج زوجته بتصير مبتسمه 24 ساعه واذا رجع من الدوام بتستقبله عند الباب و تضمه و بعدين تحطله العشى وهي متقطعه من الفرح و هكذا و البنت تحسب انها بتتزوج رجال شهم و كريم و بيشيلها بعيونه و انه بيغرقها كلام حلو و اذا زعلت بيبوس يدها بس ترضى ، وهذي هي التخيلات اللي اتكلم عنها.


المشكله هنا و اللي هي اننا بدل ماننبسط نجلس نحل في هالمشاكل و من مشكله لمشكله اجل ليش اتزوج واجيب لنفسي وجع الراس ؟!!

افهم من كلامك ان في بنات مايحبون السوق او روحاتهم قليله

ماقلت 24 ساعه لكن اغلب الوقت لأن الانسان يقضي اغلب وقته ببيته

اللي اقصده انا ان الزوجه لها حقوق ولو ابي اهضم حقوقها كان يصير الزواج احلى منه مافيه اجيب وحده تطبخلي و تغسلي و تنظفلي و متى ماعجبني جلست معاها و ما اوديها إلا الاماكن اللي تعجبني و على جسب مزاجي و ما اخليها تروح عند اهلها و اصدقاءها إلا بالقطاره لكن مايصير اجيب زوجه واهينها ، يا اقبل فيها بحقوقها ولا خليها في بيت ابوها حتى ماتدعي علي <-- مسوي حقاني صح

اما بالنسبه لتعاملي مع اهلي فهو من احسن مايكون و ما ادري ليش ربطتي كلاميعن الزواج بتعاملي مع اهلي



فيه مشاكل لكن ولله الحمد مافي شيء يُذكر يعني مرتاح بحالي كذاا (قولو ما شاء الله)

اخواتي كلهم متزوجات و ازواجهم هم اللي مبتلشين فيهم يودونهم ويجيبونهم هههههههههههههههههه ولا مانع من كم مشوار بين كل فتره وفتره

و مافي احد في العالم له حقوق عليك عدا امك و ابوك و الحمد لله لكن ليش ازيد على نفسي مسؤوليات يعني اروح اسحب البنت (اتزوجها) من بيت ابوها حتى اجل اخدمها ، لا خليها في بيت ابوها هو اللي يوديها و يجيبها و يلبي طلباتها


انا كل اللي اعرفهم مثل ماقلت سابقا على حالتين :
1- إما انهم في مشاااكل
2- او انهم راضيين بالمصيبه اللي هم فيها و مستحملين يعني لا مبسوطين و لا زعلانين (يمكن يميلون الا الحزن اكثر)

لكن ماشفت احد بحياتي كلها متزوج و سعيد بحياته الزوجيه وانا هنا اتكلم عن اللي متزوجين لهم فتره طويله و اتكلم عن الحاياه الزوجيه يعني علاقته بزوجته مو علاقته بالناس لأن اغلب الناس اللي تشوفونهم صحيح تلقاه مبسوط مع اصدقاءه و اقاربهويضحك و يروح ويجي لكن علاقته مع زوجته تكون متوتره.


حتى العزوبي اللي ببيت اهله حياته اهون من المتزوجي ( راي شخصي)

ههههههههههههههههههههههههههههههه حتى في مكان الخبطه تبون تتحكمون فيها <--يفهم كل شي غلط

المساله مو مساله فرض شخصيه انا اقدر بكل بساطه اقولها لأ و اذا مو عاجبها تشرب البحر ، لكن من العدل بما انك تعطي امك هي نفس الشي تبي تعطي امها و برايي هذا حقها

انا استفدت من تجربه الآخرين و اتعظت فيهم و مو لازم ابلش نفسي ، الحين لو كل واحد قال مايصير استفيد من تجارب الناس كان خربت الدنيا


وشاكر لك مرورك و مشاركتك في موضوعي

=============================

انا معك ان هذا طبع وفي الغالب ماله دخل بالزواج لكن بسبب ان في مجتمعنا الحرمه تحط رجل على رجل و كل شي يجي عندهاو الرجال يسوقلها و يشتريلها و يصرف عليها و اذا احد مرض هو اللي يروح للمستشفى واذا انفجرت ماصوره في البيت هو اللي يصلحها فتصير البنت (وهذا الاغلبيه وليس الكل) تفكر في اشياء كماليه وانا معك في رجال اسوأ من الحريم من هالناحيه.


اجل انتم مثلنا

و من قالك ان الكلام هذا مو صحيح ، الحين في السعوديه نسبة الطلاق كبيره جدا لدرجة انها وصلت 60% (عندي رابط المصدر بس اظن ممنوع احط روابط) لكن اللي يبي يتاكد يكتب في قوقل "نسبة الطلاق في السعودية" و يشوف.

لا تزعلين من رايي بس هذا الكلام اللي انا اقول عنه موجود في الكتب و القصص الخياليه فقط.
الحين صارت بدل ماتشيل عنك حزنك صارت تزيده عليك.

========================

الحين صار كل الناس عايشين بسعاده وفالينها وانا الوحيد اللي متلحط لحالي

========================
انت للحين متاثر بالفلم اللي شفته و ضروسك طالعه <--- لا تزعل ترى امزح معك
انا متابع موضوعك من الاول واذا اهلك ماوافقوا علمني انا ازوجك بس لا تجيني بعدين وتقولي ورطتني
==============
الاخوان و الاخوات الله يجزاهم خير ماقصروا و ابدو اراءهم وانا احترم اراءهم كلها و اثاروا نقاط مهمه جدا لكن يظل السؤال وين ممكن او هل يوجد اصلا بنت بالمواصفات الخياليه اللي يتكلمون عنها ؟؟؟