نواره

انا جبت فلفل احمر واخضر مش الرومى حبيبتى اللى هو الكبير لا ولا الرفيع خالص اللى هو الحر برضه لا فيه فلفل حجم وسط بين الاتنين بيميل للطول مش الاستداره

هتشيلى الفرع الاخضر من الفلفله بالراحه وما توسعيش الفتحه ونضفيها من البذور
هتخلطى مقدار من الجبن الفيتا القليل الملح وتكون ناعمه طبعا وتحطى عليها قليل اوى اوى بقدونس او ممكن ساده على فكره وزيت زيتون وتخلطى الجبنه لحد ما تبقى زى الكريمه
وتحشى كل فلفلايه بالجبنه دى وترصيهم فى علبه وتحطى عليهم فى العلبه زيت دوار الشمس او زيت زيتون حسب رغبتك الزيت قليل اللى فى العلبه ما تمليهاش يادوب كده على وش الفلفل بس
وبالهنا والشفا
خلى بالك حار نار
بس يهبل