أنا برأي الأعضاء الي يقولوه في ردودهم وسع نطاقك اذا متأكدين ان في حد يوافق على ظروفه ياريت تساعدو وتدلوه عادي مافيها شي ممكن تلاقو طريقه للتواصل عن طريق إدارة المنتدى أما إذا ما كان مو حواليكم حد بس تنصحوه انه يدور فالشاب راح من عمره 4 سنين و ماله داعي يضيع قدهم على انه يلاقي محسسيني من ردودكم انه بيتزوج وحده من امريكا ولا من فرنسا الرجال يقول بياخذ وحده عربيه وكلهم خير وبركه النساء في كل البلاد واحد الي يختلف العادات والتقاليد وتفاصيل صغيرة ترجع للمجتمع بس لما تكون انسانه متدينه وملتزمه وتعرف حق الزوج وحقوقها اعتقد وقتها مابتفرق المصريه عن السعودية عن السوريه عن اي جنسية عربيه ثانية انا مادري متى بنتعلم احنا العرب ان الي يجمعنا شي واحد وانا مافي فرق بينا لمتى نعتقد اننا دائما الأفضل والاخر هو السيء
مثل مافي سعوديه محترمه وقنوعه وبنت ناس وعيله كمان في فلسطينية محترمة ولبنانية محترمه ومغربيه محترمة وبنات عيل وناس نرجع لموضوع العادات الأبناء مابتربيهم الام بس بيربيهم الاب والجده والعم المحيط الي بيعيش فيه الطفل هو الي بيكسبه العادات الحسنة والسيئة وماتنسوا ان الزوجه العربية بتكون وحيده ببلد الزوج ومثلها مثل الطفل بتكتسب العادات مع العشره المهم انها تكون من بيت محترم وعندها استعداد وتتقبل أنها تعيش في البيئة السعوديه
ومن هنا اخوي لو كنت قررت وعزمت على انك تسافر ياريت تختارها بطريقه صحيحه اقعد مع اهلها شوفها الشوفه الشرعيه اقعد وخد واعطي معها بوجود اهلها عن افكارها وياريت تكون معاهم واضح بخصوص أحوالك الماليه عشان تعرف بالضبط المستوى الي حتعيش فيه قولها انك بتكوني مستوره بس ماتغرك المسلسلات الخليجية وتتوقعي اني اعيشك بقصر ولا اصرف عليكي في السوق كل يوم بالالف خليها تكون هيا واهلها على بينه وإذا حصل تفاهم وبعد الاستخاره اتوكل على الله ومايهمك كلام حد
هاذي حياتك وانت الي لازم تقرر كيف بتعيشها
اسفه على الإطاله بس رد بعض الاعضاء ازعجني وضايقتني فكرة انهم تاركين موضوع التكلفة ومركزين على موضوع سعوديه ولا لأ
طيب إذا بنات البلد رافضين وين يروح بنفسه الرجال !!!!
استغفرك اللهم ربي وأتوب أليك
التعديل الأخير تم بواسطة أحلامي بسيطة ; 08-12-2009 الساعة 12:22 PM
08-12-2009, 12:15 PM
ضوابط المشاركة
العرض الشجري