انا مستغربة الناس بصراحة وردود بعض الاعضاء

المتحرش عموما بيكون اقرب قريب في العيلة وشخص موثوق فيه جدا جدا آخر شخص ممكن يخطر على بالك في الدنيا .. وكمان الطفل نادرا لما بيقول انه اتحرش بيه .. فالنتيجة ان ماحدش بيعرف الجانب المظلم من الشخص (الثقة ) ده

واحيانا بيكونوا في مراكز حساسة

مدرسين - محامين - دكاترة - او حتى ناس ليها علاقة بالاطفال بصفة مباشرة..

ليه مش قادرين تستوعبوا

وبعدين اللي بيقولوا ان بعض الظن اثم

طيب انا لو ظنيت ظن حسن هكسب ايه وهخسر ايه ؟؟؟

اه ممكن اكسب صديقي لو صادق،، ولو هو كاذب هخسر ابني

مين اهم ؟؟!!

هل الحالة تحتمل اني اجرب وأجاذف بإبني ؟؟؟!!.. ولا المرة الجاية اعمل حسابي وأجيب شهود واصوره ؟؟!!

انا اساسا كمان معترضة على ان صاحب المشكلة هيكتفي بقطع العلاقات لإن واحد زي ده لازم يتفضح .. عشان مانسبش أطفال تانية فريسة ليه !!

بس في النهاية ربنا يكون في عونه الموضوع صعب جدا

__________________