المتهندم ..

ماقدر اخطيها دحين كلمت اهلي قالولي انت لسا ما عندك شي كيف تبغا تخطب !

طبعا ما جبتلهم سيرة عنها .. بس فتحت الموضوع بشكل جدي يعني ..

قالولي انت ما عندك بيت ولا وظيفة ولا شي يعني لو اتقدمنا لاحد ما في شي بيقنعهم يقبلو !

وحاولت يا متهندم اني اسيبها والله بس ما قدرت ..

حاولت اقولها انا خايف ربنا يعاقبنا احنا الاتنين .. تقولي انت شكلك ما تبغاني وتبغا تسيبني باي طريقة ومو عارف .. حاولت والله حاولت .. بس ماهي راضية تقتنع يعني تحسب اني مابغاها .. ولو سبتها كدا خايف ترفضني بعدين او ماقدر اوصلها

حاس اني باسوي شي غلط بس نفسي اصححو ومو عارف كل ما احاول اروح من طريق ينسد عليا ..

كل يوم ادعي ربي يختارلي الطريق الصح .. وفالنهاية يجمعني بيها =(

بس ماني عارف =(

الله يسعدك يا رب دنيا واخرة على مشاركتك ..


شروق الضلام ..

شوفي ردي فوق ..

وشكرا ليكي على ردك .. يسعدك يا رب

واشكر الاشراف على نقله الموضوع للمكان الصحيح .. يعطيكم العافية

اقتباس:

المشاركة الأصلية كتبت بواسطة Big H المتهندم ..

يا رجل أنا خطبت وأنا أدرس وكنت عايش على مكافأة الجامعة

وتخرجت الحين وصار لي تقريبا سنتين خاطب وإلى الحين ما ملكت ولا شفتها ولا كلمتها لأني أنتظرها تخلص دراستها

إنت أصلا في الخطوبة ما راح تدفع شي مجرد بس كلام إنو نبغا نخطب فلانة لفلان

وبعد سنتين سووا ملكة وتصير زوجتك شرعا

وبالنسبة للمهر إنت حتى لو اشتغلت بعد التخرج ما يمديك تجمع المهر بسرعة تحتاج مساعدة من والديك

أما بالنسبة للبنت فهي يا أخوي شايفتك مع احترامي ضعيف واستغلت حبك لها وضعفك في إنها تربطك بها

والمرأة فطريا ونفسيا تعجب بالرجل اللي له كلمته واللي ما يتابعها على الغلط

لو هي تحبك فعلا ما راح تنتظر غيرك

خلك جاد معاها وقل لها كلمة جادة ونهائية أنا ما أبغى هذا الطريق أبغى الطريق الحلال وأنا بجيك من الطريق الصح حتى ربنا يبارك لنا في هذه العلاقة وأنا كرجل أخاف ربي سأوقف المكالمات حاليا إلى وقت الملكة

لا تعلق يا أخوي قلبك إلا بربك لأن هو اللي يدري بالأصلح لك وإن شفت هذا الشي بيحرمك من لذتك

يا أخوي الدنيا قصيرة واحنا أعمارنا أقصر فما يسوى نضيع أعمارنا فيما يضرنا

والمواقف هذه امتحان من الله لنا حتى يعرف هل نطيعه ونؤثر ما يرضيه أم العكس وعلى أساس تصرفنا في هذه المواقف نرى النتيجة يوم القيامة

وغمسة واحدة في الجنة تنسيك الدنيا وما فيها

فإن كنت حازما فطنا فاختر ما يسعدك وإن آلمك في البداية فالألم لن يستمر

__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)