11-02-2010, 01:02 AM
|
المشاركة الأصلية كتبت بواسطة sa33
يا حبيبتى يا بنت مكه
تعرفى والله امبارح طول اليوم عايزة ادخل وأكتب لك لكن الظروف ما كانتش مناسبه لذلك قلت ادخل النهارده وأقول لك اللى عندى لعله ينفعك أولا لازم تعرفى انك ماشاء الله تبارك الله طول ما انتى عندك الارادى والعزيمة دى يبقى اكيد اكيد باذن الله هتوصلى لهدفك اياكى اياكى من الاحباط وفقدان العزيمة وتذكرى دائما انه بمجرد ان ينوى الانسان بصدق تنزيل وزنه فان جسمة يفرز هرمون مسؤول عن فقدان الوزن ليساعد الجسم على اداء مهمته بسهوله فمجرد النية وحدها تعمل على التخسيس ( ده مش كلامى ده كلام الدكتور بهاء) المهم تانى حاجه بقى اعملى اللى هأقول لك عليه بالضبط وخبرينى بالنتيجة بعد ست ايام من اول ما هتبتدى تطبقى كلامى وانا متأكدة بنسبة 100% انك هتلاقى نتيجة طيبه اولا لازم مشى ساعه ونصف يوميا اول ما تصحى من النوم وقبل تناول اى شيئ (المشى على معده فارغة ) لمدة ساعه ونصف بلا اى انقطاع والمشى يكون متوسط الى سريع وليس جرى مشى بخطوة واسعة فقط ثانيا اشربى يوميا 12 كوب من الماء البارد ليس المثلج لكن بارد فقط وقسميهم على طريقة اختنا الرائعة سعاد اضبطى الغفوة فى موبايلك على ساعه بحيث يرن المنبه كل ساعه فيذكرك بشرب كوب كبير من الماء وصدقينى لن تشعرى بأى امتلاء يضايق فى معتدتك بل سيظل جسمك يحرق على مدار الساعة ثالثا انا عندى نظام رجيم هأكتبه لك هنا ولو حبيتى تمشى عليه هتكون النتيجة أكيدة لأنى جربته شخصيا قبل ذلك وكانت نتيجته معى فتاكة بشرط الالتزام التام بالمقدار اللى هأكتبه لك بس الأهم قبل ما اكتب لك الرجيم انك تقسمى وجبة الغذاء على قسمين يعنى قسمى الوجبة بالنصف تماما وكلى اول نصف ثم اصبرى ثلاث ساعات على الأقل ثم تناولى النصف الباقى لوطبقتى هذه التكنيكات اؤكد لك للمرة الألف انك هتبشرينى بنتيجة مذهلة بعد 6 ايام فقط واليك الرجيم (بس حتى لو مشيتى على رجيم المشرفه بتاعتك لكن قسمتى وجبة الغذاء لقسمين والتزمتى بالرياضة وشرب الماء على مدار 12 ساعه يوميا فسوف تكون النتيجة مرضية أيضا باذن الله الفطار : قطعة جبن ابيض فيتا قليل الدسم بوزن 30 جرام + شريحة توست دايت أو رغيف سن بوزن 25 جرام +كوب شاى بحليب خالى الدسم (الحليب يكون 100 مللى فقط) و يحلى بالسكر الصناعى الدايت + طبق سلاطة (يتكون من خيارة ونصف حبة طماطم ونصف حبة فلفل أخضر ونصف حبة فجل ابيض وورقتين خس ونصف كوب جرجير ورأس بصل اخضر) الغذاء 1- ربع دجاجة مشوية منزوعة الجلد + 6 محشى كوسه ( المحشى انا بأعمله بالمقادير التاليه:500 جرام كوسه + بصلة متوسطة +2فص ثوم +كوب من الخضرة اللى هى شبت وبقدونس وكزبرة خضراء+3 ملاعق كبيرة ممسوحة من الصلصة +25 جرام رز بسمتى +ملح وفلفل وكمون ونعناع يابس وكزبرة ناشفه وقرفه وكل التوابل اللى تحبيها وأنا ماعنديش وقت اقور كوسه واحشى فيادوب بأقطعها حلقات وأحطها فى حله مع كل المكونات وأحيانا احط معاهم الدجاجه واغلى الكل مع بعض لحد ما ميته تنشف اهدى النار واسيبه بتاع 5 دقايق وبعدين اطفى )+سلطة (نفس الفطار لكن بمضاعفة كل المقادير) 2- علبة تونة +سلطة+رغيف خبز بر (50 جرام) 3- 8 ملاعق فول (200 جرام ) +سلطة+ رغيف خبز بر(50 جرام) 4- 2 شريحة لحم ستيك مشوى(184 جرام قبل الطهى) + طبق سلطة 5- 6 ملاعق مسقعة دايت(( انا بأعملها بالمقاديير التاليه وبأكلها كلها مش 6 ملاعق بس والمقاديير هى 500 جرام باذنجان اسود مدور وبصله متوسطة مبشورة وفصين ثوم و2ملعقة صلصة ممسوحة ونصف قرن فلفل رومى اخضر و150 جرام لحم صدر دجاج مفروم وكالعادة كله على بعضه وعلى النار مع شوية ماء وملح وفلفل لكن خدى بالك انا بأحمر الباذنجان فى صينية فى الفرن بدون اى دهون الأول لحد ما يبقى لونه اصفر ذهبى)+سلطة +رغيف بر (50 جرام) 6- ربع دجاجة مشوية +خضار (أى خضار تشتهيه بس ابعدى عن البطاطس والبسلة والجزر والبقوليات ) وطبعا طريقة الطى كالعادة بالبصل والثوم +4 ملاعق رز (25 جرام رز بسمتى قبل الطهى)+سلطة العشاء: كوب زبادى خالى الدسم وزنه 180 جرام +2 ثمرة فاكهه (برتقالة وتفاحة) أتمنى انك تستفيدى من كل كلامى ولكى كل الحب والتقدير والله يوفقك. ولانسى أخذ دواء الغدة حتى يرتفع معدل الحرق لديكى. موفقة باذن الله. |
|
المشاركة الأصلية كتبت بواسطة dodi_dabdoobi
السلام عليكم و رحمة الله و بركاته
انا داخلة عالسريع و حااااااااااااااقده على جسمي نفسي اضرببببببببببببببه بجد ترا يا بنات حالتي مرة صععععععععععععععبة ابغى ابكي صار لي مدة ما ادخل الموضوع لكني باعمل ريجيم و انا ساكتة في حالي بصراحة تعبت تعبت تعببببببببت اليوم كملت اسبوعين مشي كل يوم و الاكل اكل دايت و اغلب اكلي فواكه و خضار و منوع و فيه عيش و البان و لحوم و كل شي بس قلييل و تخيلو ما نزلت الا يمكن نص كيلو بس و اللي يقهر اكثر ان جسمي من بعد ما كنت نشتركة في مركز كانو يعملولي جلسات جي فايف و تدليك و كريمات تخسيس صارت بطني اكبر و اعرض من اول كأنها ناقصة اصلا !!! و اليوم عندي فرح قريبي و ما عندي الا فستان واحد قسته يا دوبك قفل يعني يمكن لو جلست انضغط و تبان الفضايح قهر قهر قهر قهر والله قــــــــــــــــــــــــــــــــــهر حالبس الفستان بالشكل دا غصب عني و رايحة الفرح غصب غصب عني مو بكيفي و لو انه عندنا في اهل زوجي عزا بس خالتي كثير مناسبات ما رحت لها و بتزعل لو ما رحت اليوم انا ما كتبت ابغى الحل انا كتبت فضفضة من القهر و كان صعب الحرمان اللي راح و كله على هزة نص كيلو و يمكن اقل  الله المستعان |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري