مع انه احيانا يغثني .. أعطيه وردة .. يروح يقول لي تعرفين وش اسمها ؟ تعرفين وش الفوائد الطبية حقتها ؟ قهررررني و بصراحة انا زعلت وقتها !! .. . المهم كل شي فيه كامل و الكامل وجهه سبحانه بس فيه نقطة وحدة مضايقتني .. شكله .. هو بصراحة مو وسيم .. يعني سميييين و صدره كبير شوي و له كرش .. أنا خايفة ان هالشي ممكن يأثر على علاقتنا في المستقبل .. اقصد بعد الزواج .. يعني اللحين .. اقول له البس ثوب يناسبك اكثر .. و الصراحة اني ما احب اشوفه لابس بدلات .. احس تبرز عيوبه اكثر .. بس بعد الزواج .. ما راح يجلس لابس الثوب كل الوقت .. يني وش راح تكون حالتي بعدين ؟؟ راح انفر منه ؟؟ راح نتخانق ؟؟ وشو ووو ارجوووكم اخواني ساعدوووني .. |
ههههههه حرام عليك صدقيني مع العشرة حتعشقيه وكمان تغآري عليه من البنات
بس لازم يكون لك دور بالموضوع طيب كلميه وقوليله انت حلو بس لوتنحف تصير احلي اكثر خلي اخوانك يجبروه يشترك بالنادي الي هم فيه ^_^ صراحه ماعندي شي اقوله لك غير الله يحببك فيه يارب وربي زوجك احسه طيوب يكفي انه كريم + اخلاق + رومانسي + دكتور ماشاء الله تبارك الرحمن ولا تحاولي تسوي مقارنة بين خطيبك الأول وخطيبك الحآلي >> علشان ماتتعبي ولا تعبي خطيبك معاك |
اختي بغيت استفسر، انتي تقولين هو سمين ثم زاد وزنه يعني تقريبا كم فوق ال 100؟ و لازم يسارع و يسوي تمارين رياضية لأنه المفروض يسويها مب علشانك علشان نفسه هو و صحته و دامه بالمجال الطبي فهو أعلم بأضرار السمنة و أثارها السلبية على الصحة. و قولي له إذا ما كان وسيم أقلها الرياضة راح تشد جسمه تقدرين تشجعينه و تروحون اثنينكم لنادي رياضي، هو علشان ينزول وزنه و يشد جسمه و انتي إذا كنتي مثله برضو بتستفيدين أما إذا كنتي نحيفة فراح يشد جسمك و تزيدي لياقتك البدنية. و صدقيني بقلة الوزن و ارتفاع اللياقة راح تحسين بالخفة في المشي و الحركة عموما. و دامه سمين أجل الله يعينك تطبخين له أكلات و تنوعين و تشكلين له يعني شدددي حيلك من هالناحية خصوصا إذا كنتي منتي راعية طبخ. و ايش اللي يضايقك في صدره يا ليت توضحين لا تستحين قولي. |
طيب هي وش قالت؟
هي خايفة إنها ما تقبله بعد الزواج و هذا يمكن يحصل و ما يضرها لو طلبت منه إنه يسوي رياضة و هذا يعتبر من التزين لها مثل ما الرجل يطلب من المرأة الزينة و الجمال و الشكل الحلو فأكيد هالشي حق لها بعد المرأة تحب من الرجل مثل ما يحب منها و تكره منه مثل ما يكره منها السالفة مو سالفة كبري عقلك، بالعكس هي مثل النظرة الشرعية (( أحرى أن يؤدم بينهما)) الشكل له دور في القبول، و اللي ترغبه هي منه مقدور عليه و لا هو مستحيل أو يعجز عنه. إلا إذا كان هو خايف يسوي ريجيم لأنه معروف السمنة تحلي الوجه فإذا نزل وزنه قلت وسامته أكثر. فهذا شي ثاني يعني وده ينزل و ما وده لكن من نظري أهم شي صحته هي ألزم ما عليه. |
سبحان الله يعني ربي عوضك وكمان ماأقتنعتي
يااختي احمدي ربك هذا موعيب كبري عقلك موضروري انه يكون وسيم طالما انه خلوق وحبوب منصب احترام توكلي على الله |
هههههههههههههههههههههههه
قولي له خفف وزنك وعصبي عليه ............لاتصدقين ترى امزح لا يكرشك لا دلعيه واهتمي فيه وانصحيه يعني لجيه وسويله جدول بس مشي كل يوم ساعه +شرب 10 كاسات ماء ويمشي لمدة ساعه كل يوم والله لينزل وزنه غصب بس لجيه وقليله هاه مشيت اليوم ... وخليه ياكل يفلها بس زي ما قلت خليه يمشي ويشرب ماء وربي ليخس ان شاء الله اما بالنسبه للتذكر فانصحك بكتاب يجعل تفكيرك ايجابي وليس سلبي يعني يحمس ذاكرتك بالاشياء الحلوه وهو كتاب جميل وظريف وخفيف وهو كتاب ((افتح النافذه فثمت ضوء )) للكاتب دـاحمد المنيف الله يسععععععععععععععععععدك دنيا واخره |
فكرة المشي ممتازة و خصوصا أن الخريف قرب و بدى الجو يزين في الليل، ياااا زين المشي في الليل وناااااسة كانت عادة لي فيما مضى، أمشي كل ليلة ما لا يقل عن 30 دقيقة. لكن ما أأيدك في فكرة شرب الماء و ابدالها بشرب الشاي الأخضر لأنه يساعد على تخفيض الوزن بشكل صحي أكثر و الماء يتسبب في امتلاء الجسم و زيادة الوزن و بالنسبة للأكل يخفف منه بالتدريج يعني يبتعد عن الدهون و السكريات و المشروبات الغازية و حببيه بالأكل الصحي و خليه يستبدل أكله بأكل ثاني مفيد و صحي و مشبع يعني لا يجوع نفسه لأنه كذا بيكره الريجيم و في طريقة قريتها انه يقدر ياكل 6 وجبات في اليوم لكن بكميات قليلة ما تحسسه بالجوع و بنفس الوقت ينزل عليها في دوامي كنت أجيب معي من البيت زبادي و خيار و أحيانا جزر بالحافظة و أفطر عليهم، صح ما أكلهم كل يوم بس تقريبا 3 مرات بالأسبوع و إذا جا وقت الغداء أطلب سلطة سيزر بالدجاج و إذا حبيت أحلي أكل من صحن الرطب أو التمر. مثل ما قلت هذا مب أكلي اليومي لأن الانسان بطبعه الملل لكنه يساعد في المحافظة على الوزن و انقاصه. في موظفات علقوا علي واو أكلك صحي بعضهم مشجعين و بعضهم غيرانين لكن ما علي منهم أهم شي أكل اللي أبغي و اللي ينفعني. آسفة أخذت راحتي بالكلام و الرد إن شاء الله أفدتك،، |
أختي لا تزعلي من كلامي
بس تفكيرك مادي ، و الشئ هذا راح يتعبك في المستقبل و دايما فكري ( أنا إيش اللي ناقصني و يعيبني ) مو هو إيش ناقصه ؟ ممكن كان تزوج وحدة و شافته ملك جمال ؟ حكاية إنك تقرفي منه ، فلإنك تقارني و ما يجوز كذا ترضي زوجك يقارن بينك و بين وحدة صارت أجنبيه عنه ؟ |
صدقتي ياليت في شئ يمسح الاشياء السيئة من حياتنا
والاهم من ذلك احمدي ربك انه عوضك بواحد بيحبك وبيخاف عليكي وش تبغي بالجمال ؟ اهم شئ في حاجه تغطي على حاجه |
تعويذة عشق ..
اذا كانت ملامحه مايعيبها شي بس السمنه مخليه وجهه فاطس ... عاااااااااااااااااااااااااااااادي .... لانه بعد النحافة راح تطلع ملامح وجهه ويصير حلو لكن اذا كانت ملامح وجهه قبيحة ( حتى لو كان نحيف ) يعني عنده مشكلة في خشمه فمه ...الخ هنا بصراح ماادري ؟؟؟ اما موضوع السمنة ...لاتقلقي منه ...شفتي الثلاثة اللي جابوهم في قناة المجد في برنامج " ناخذ ونعطي " واحد منهم كان وزنه 135 والحين صار 70 اكتشفنا انه وسيم جداً ... لكن كانت وسامته مدفونه بين الشحوم .... |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|