الله يجزاكم خير يارب ردودكم كلها عين العقل والمنطق الله يوفقكم ويالنسبه للاخ ابوحكيم اي الجواب على سؤالك اي نعم هو يبي يتزوج وهو عنده زوجه علشان كذا تصعبت الامور عليه اكثر
شاكر للجميع الاهتمام

هداه الله وهدانا!!!!

ما دام العيب منه .. وفي نفس الوقت زوجته تعايره وتنغص عليه عيشه بسبب هذا العيب .. فلماذا الإبقاء عليها وزيادة حجم المشكلة .. يعني لا ينجب ويسعى للزواج عليها؟ .. والله إنها ضربتان موجعتان .. فليسرحها يا أخي بإحسان لعلها تجد نصيبها وذريتها مع شخص آخر .. وليبحث هو عن صاحبة عيال عله يجد في أبنائها بعض العوض.

__________________


اللهم طِيبَ الأثر .. وحُسْنَ الرحيل.

اني عن نفسي ما عندي اي مشكله لانو هاي الشغله ارزاق من الله يعني مو صوج البشر هاي شي من الله

لهذا السبب انا سألت سؤالي
والأخت مهره سبقتني وقالت ما أود قوله .

بصراحه أمر صاحبك عجيب !!

في ناس اعرفهم

متزوج والعيب منه ما اييب عيال

ويبي يتزوج ثانية

واخذ ارملة صغيرة عندها بنت وولد

وماشالله كبروا العيال وهو ربى العيال

وكبرهم

والزوجتين مع بعض في بيت واحد

الله يتمم عليهم ياربي


راح يلقى بس يحتاج الدعاء

__________________
لا اله الا انت سبحانك اني كنت من الظالمين

اخوي ,,,,الله سبحانه ما وضع داء الا وله دواء فابحث عن الاسباب مثل التلقيح المجهري او الصناعي

وان هي ما تبي وتقعد تعايرك طلقها وغيرها الف وحده
المشكله من البنات الي يرفضوا ويقولو لا ابي عيال غريبه هل تعلمي الغيب وهل متأكده راح يجيك نصيب من بعدها وهل متأكدة انك راح تنجبي اذا جاك النصيب هههههههه ولله في خلقه شئون

والله يخوي الخاسر الاول والاخير الفتاة هي الي بتقعد في بيت ابوها لين ما تعنس وخلي توقعاتها تنفعها الي يشوفها يقول تعرف الغيب هههههه
واما الشاب لا ليس الخاسر لانه هو الي يخطب وينتقل من زهرة الى زهرة لعل وعسى يجد نصيبه

رفعة الجلسة

ابو حكيم حياك الله اخوي المشكله يا اخوي ابوحكيم انه هي ما طلبت الطلاق علشان يطلق ولا يبي طلق وهي ما طلبت يقول ليش وهو يتوقع انه حتى لو تزوج غيرها بتجلس والاخت موهبة الكويت ما شالله عليهم اللي تعرفينهم والله يتمم عليهم يارب هو يبي بالضبط بالضبط زي كذا واخوي كاره العزويه ههههههههه اصبر لا ترفع الجلسه برد على كلامك بقول صح وميه بالميه الله يوفقكم جميعا

لا ما عليك اخوي كاره خذ راحتك صراحه كلامك عين المنطق فعلا ما اقدر اقول شي لانه فعلا الزواج والانجاب والموت والحياة والرزق كله بيد الله سبحانه ولا احد يضمن يععني حتى اللي ما فيها شي وتطلقت علشان زوجها عقيم ما تضمن انه يجيها اولاد وانا قسم بالله العظيم اعرف ناس عاشو مع بعض 12 سنه والزوج عقيم واهل الحرمه ابلشوها تطلقي علشان العيال وتطلقت وتزوجت ولد عمتها وعنده ولد ووبنت من زوجه سابقه يعني سليم ما فيه شي والحين لها سنين معه ما جاهم عيال ومتحسفه تتمنى تتطلق وترجع لزوجها الاول شي سبحان الله شي غريب والله يدل على ان ربي له حكمه وكان الله سبحانه يقول انا اللي ارزق العيال بعد اذني ومتى ما اردت ذلك
مو علشان سليم او عقيم لانه كم عقيم ايضا رزق بذريه فسبحان الله الرزاق شكرا لك اخي كاره العزوبيه اخوك انسان

أخي السلام عليكم ورحمة الله وبعد
الانسان لا يقنط من رحمة الله فالله رزق زكريا و رزق ابراهيم من امرأة عجوز و رزق مريم بنت عمران من دون زوج فيطلب الله
و يدعوه و لا ييأس
أما من ناحية زواجه هناك فتيات يقبلن بمثل هذا الرجل ويسعدن معه و هناك أرامل لها أولاد و هي صغيرة في عمرها و تريد تربية أولادها فهي تحصن نفسها ويكون هذا الزوج عم لهولاء الأبناء و يحن عليهم و يربيهم و يأخذ أجر رعاية الأيتام و يمتليء بيته بالسعادة و الهناء -نعم الدين الدين الإسلامي - قل لصاحبك يبحث و لا ييأس

__________________
إن الكرام إذا مــا أيســروا ذكروا من كان يألفــهم في الموطن الخـشن

أخي كاره العزوبيه كلامك جدا قاسي أن كنت تتكلم عن المجتمع وقسوته فالأجدر أن لاتقلد هذه القسوده وأن يكون لك مبدأ من باب الأنسانيه يعني راع مشاعر الآخرين...

أما من باب قوانين المنتدى

ارجوا الألتزام بعد التعقيب على الردود إلا من صاحب الموضوع وعدم الخروج عن الموضوع ليصبح الموضوع وكأنه دردشه

كل رد يحمل هذه الصفه سيحذف

__________________