والله تعبانه ومتضايقه واحس ضغطي مرتفع وجفوني تورمت من البكاء اليوم بسبب موقف صار في بيت اهلي الصباح اخوي نازل ضرب وصراخ في بنتي ولما تكلمت عليه وهزأته صارخ علي وامي زعلت مني وتقول اني انا وبنتي رافعين ضغطه آآه

__________________

لا اله الا انت سبحانك اني كنت من الظالمين

اقتباس:

المشاركة الأصلية كتبت بواسطة &دلوعة مودي& والله تعبانه ومتضايقه واحس ضغطي مرتفع وجفوني تورمت من البكاء اليوم بسبب موقف صار في بيت اهلي الصباح اخوي نازل ضرب وصراخ في بنتي ولما تكلمت عليه وهزأته صارخ علي وامي زعلت مني وتقول اني انا وبنتي رافعين ضغطه آآه

ياحياتي وربي حااسه فيك الحل الوحيد تخففين زياارات


عيالك مكانهم الاصلي بيت ابوهم وكرامتهم فيه حرااام كل شوي متهزئين

اجلسي ببيتك ابرك لك انتي تكثرين زيارات تبين البر وماحصلتي الا المشاكل


واذا زوجك مره طلع بعياله للملاهي او لاهله او مكان قولي حطني عند امي شويه

احسن تروحين بدونهم

الله يفرج همك ياااااارب ويهديها ولازم تاخذين هذا درس لمعاملتك لعيالك

__________________
لااله الا انت سبحانك اني كنت من الظالمين

والله خليتيني ارجع اكتب تاني

بس ابغى اسألك سؤال انت ايش وضعك بالضبط بين اخوانك واخواتك من جميع النواحي

يمكن نقدر نساعدك اكثر...

سألتها كثيرررررررررررر

وقلت لها ليه يا امي تفرقين بيننا وذكرتها بحديث الرسول اتقوا الله واعدلوا بين اولادكم

كان ردها لي انتي تفرقي بين اولادك قلت لاطبعا قالت انا مثلك

واختي كانت حاضره وغيرت الموضوع بسررررعه ماتبغاني ااثر على امي بكلامي

تبغى الدلع كله لها ولاطفالها

__________________

لا اله الا انت سبحانك اني كنت من الظالمين

لا يا اختي مو اختي الصغيره هذي اختي اللي بعدي على طول وانا الاخت الوسطى واخوي اللي اكبر مني على طول كمان دلوعها هو وبناته وهو مش الكبير فيه اكبر منه

__________________

لا اله الا انت سبحانك اني كنت من الظالمين

كلامك صحيح اختي

وعيالي كرامتهم في بيت ابوهم

لكن ما اقدر اتركهم ولو تركتهم عندي اطفال صغار محتاجيني لازم يكونوا معاي واذا اخذتهم هات يا اهانات وصراخ في بيت اهلي

اليوم زرتها الصباح لما وديت اطفالي المدرسة وصار اللي صار بين اخوي وبنتي وجيت منهم وجفوني متورمه من البكاء ومتضايقه ونكدت على اطفالي لان ماعندي احد اتكلم معاه غيرهم ابوهم مسافر الله يرده بالسلامه واليوم المغرب اتصلت فيني زعلانه وتكلمت معاي بلهجه قويه ليش ماجيتي
وتحججت اني مشغوله بشغل البيت والاطفال وكأنها ماصدقتني هي عارفه اني ماجيت عشان المشكله اللي صارت بين اخوي وبنتي وارتفع ضغطي منها

__________________

لا اله الا انت سبحانك اني كنت من الظالمين

انا الاخت الوسطى انا اللي اشارك جميع اخواتي واخواني همومهم واوقف معهم اعرف اني غاويه نكد لكن هذا طبعي ماقدر اشوف احد متضايق وما اسأل عنه او اوقف معاه

والوالده الله يطول بعمرها ويسخرها لي دائما تشكي لي انا ودائما تثق برأيي ودائما تخليني واجهه اجتماعيه لضيوفها وزيارتها لان خواتي يرفضون يستقبلوا ضيوفها او يزوروا معها اللي تبغاه اما انا اوافق على اي شي تطلبه مني

الوالده دائما اذا حصل بينها وبين احد اخواني الاولاد او البنات خلاف جعلتني انا حلقة الوصل بينها وبينهم يعني اكثر وحده تشكي لها انا

وانا الوحيده الموظفه بين اخواتي البنات

__________________

لا اله الا انت سبحانك اني كنت من الظالمين

الله يسخر لك الوالده ويهديها ياااارب
بصراحه تصرفها غريب من جد غريب الله أعلم وش الي بقلبها أهم شي حاولي تعوضي عيالك وتغرقيهم بالحنان علشان لايتأثروا لما يشوفوا تفرقة أمك بينهم وبين عيال خالتهم وفهمي أمك بأسلوب حلو أنها ماتبين قدام عيالك أنها تعامل عيال خالتهم أحسن أو تحبهم أكثر علشان مايكرهوا بعض وتنشئ بينهم عداوة للمدى البعيد
أصلح الله حالكم وأسعدك ربي يالغالية

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

في ردي السابق كنت كاتبة رد طويل شوي ...لكن بعد ما كتبته رجعت وعدلته ما ادري ليه ؟؟؟


الحين لما رجعت أقرأ موضوعك .... أبيك عشان عنوتي بس تجربين اللي بقولك عليه وتجربينه بحذافيره مهما طال بك الزمن .. مصيرك تذوقي ثمرتها وأسألي مجرب :

1- لا عاد تضيقين صدرك بسبب تفرقة الوالدة بينكم .... لها عليك في الدنيا حق الطاعة والبر وانك ما ترفعين صوتك عليها وتدعين لها .... والآخرة خير وأبقى ...
صحيح بيضيق صدرك ان امك مب زي معظم الأمهات لكن وش يسوي الواحد ...

2- طنشي ثم طنشي ثم طنشي كل ما تشوفين وتسمعين من تصرفات وكلام جارح .... وكأنك لا ترين شيئا ...
خليك أجمد من الجماد نحو هذه التصرفات ولا تظهري ضيقك أبدا ... حتى يعتقدوا أن ما أمامهم صخر وليس بشر ..
أعرف شوي صعبة بس قوي قلبك واكظمي غيظك وابكي قد ما تبين في بيتك ... مع أنه مع الوقت لو تطبقين اللي اقولك عليه بتصيرين عن جد صخر ولا راح تبكين ولا حتى على وسادتك ..

3- خصصي لها يوم واحد في الأسبوع فقط لا غير ... في البداية بتتصل وتتشره وتزعل وتخانق ... لا تسمع منك الا ان شاء الله وابشري واذا صار وقت جيت ومن ذا الكلام ...
استمري وتمسكي وبتلاحظ مع الوقت انك أصبحت بروتين واحد .. وهو يوم واحد في الأسبوع والذي ستتغاضين فيه عن جميع التصرفات الجارحة ولا كأن شي صار ...
تراها بتتصل كثير وتضايقك بس تحمليها ولا تغلطين .... يعني خليها تفش خلقها فيك واحتسبي الأجر ...لكن لا تتنازلين عن يوم واحد في الأسبوع ..

4- لا تتنازلي عن حقوق أبنائك مهما كان في منزل والدتك ... ولكن ليس بالصراخ ولكن بالتفاهم والتعامل مع الأطراف المباشرة في المشكلة ... لو يحصل لك تخلين عيالك مع أبوهم مرة في الشهر من هذه الأربع مرات في الشهر يكون زين ...
لا تتعاملي مع من يريد حشر نفسه في مشاكل الأولاد .... خلي تعاملك معهم مباشرة وباللين والتفاهم ..

5- هاديها ولا تنتظري كلمة اعجاب او شكر .... اهدي وانسي انك هديتيها شي .... ولا تنتظري منها استخدام هديتك ولا يضيق صدرك اذا ما استخدمتها ..انتي سويتي اللي عليك ..
احرصي على اهدائها اذا رأيتي تحسنا في تعاملها معك .... وامتنعي عن الهدايا اذا ساءت الحال أكثر ...
لأن الهدية تعزز السلوك الجيد فإذا أهديتها في وقت زعلها ..سيزيد زعلها مستقبلا ....فأهديها في وقت رضاها ..

6- كلميها مرتين او 3 اسبوعيا وجهزي موضوع أو اثنان للحديث فيه ولا تتطرقي للمشاكل الأسرية وحاولي ان تكون المكالمة ليست بالطويلة جدا ..

7- لا تحكي لها عن وضعك مع زوجك سواء كان جيدا أم سيئا ولا تتناولي علاقتكم العائلية الخاصة بك ..

8- لا تهيني أبنائك من اجل احد حتى لا يكبروا وهم مهانين معتادين على إهانة الغير لهم ...حامي عنهم وكوني مثالا في عزة النفس ..

9- لا تتشرهين عليها ولا تقولين لها عن التفرقة بينكم ولا شي أبدا .... لا تعاتبين أحد أبدا لأن هذا يظهر ضيقك من هذا الشيء فيزيدون منه ... قلت خليك عادية ولا كأن فيه شي ولا عمررررررك تتشرهين او تعاتبين احد منهم أبددددا



أخيرا وليس آخرا ... لا أظن أنك اذا اخذتي مطرقة تريدين كسر صخرة كبيرة جامدة وطرقتيها ساعة واحدة ولم تنشرخ حتى انك ستستمرين في الطرق ... بل ستتركينها في حالها ...

وكذلك أهلك اذا رأوا منك جمودا في ردود الفعل على تصرفاتهم التي يريدون بها ازعاجك ... ولم تعد تؤثر بك أفعالهم ...فلن يستمروا لأنك صخر جامد ...


أتمنى ان تعلمي أن ما ذكرته لك لم أذكره من فراغ

الله يفرج همك ،،،

اختي حاولي تزوريها يوميا لكن لاتطولي عندها فقط خصصي ساعتين او ساعه

واحس انها راح تعدل معاملتها واذا سالتك قولي مشغوله او زوجي طالب مني ما اطول عشان لا ازعجكم