إن شاء الله أموركم تعدلت الحين ؟

اشكرك ياروح الطير بصراحه على اهتمامك بالموضوع..

الحمدلله الأمور تعدلت...

اذا تبون تعرفون اللي صار راح اقوله ,

كنت يائس تماما انها تجي تعتذر
وكنت لو مااعتذرت راح اخليها حتى لو سنه اكون رسمي..لين تجي تعترف بخطأها...
ولكن الحمدلله .. ارسلت لي ورقه فيها كلام طويل : تعتذر وتبرر لي موقفها كامل
وانا اسفه يا خالي ومن هالكلام عاد طويله الرسالـه
وبعدها انا رحت لها وجلست معها كلمتها واني ماصربتها وقسيت الا لمصلحتها الآن وبالمستقبل ولأنها امانه
نفس الكلام اللي كاتبينه هنا قلت لها مع كلام طويل نصايح
عاد هي فتحت صنبور المياه غرقتنا بهالدموع ماشاءالله
وانا بلطف الجو خليتها تبكي ورحت غرفتي طلعت مظلتي وجيتها وحطيتها على راسي


ووعدتني انها ماراح تتكرر معي او مع غيري سواء الان او بالمستقبل
قلت لها لو زوجك اللي طالعه من وراه رافعه صوتك عليه ومسكره بوجهه..ان يذبحك يقطك بيت اهلك
...

ووديتها مطعم واشتريت لها هديه ومشيتها .
والحمدلله .. بصراحه كابوس مزعج لها ولي اولا وآخيرا
وطاح الحطب و الحياه حلوه

وشكرا جزيلا لكم
واسأل الله لكم التوفيق والسداد في الدارين

ما شاء الله تبارك الرحمن.

تصرفك ممتاز (بالضبط كما يفعل أخي في مثل هذه المواقف) .. والنتيجة التي حصلت عليها ممتازة جداً وتدل على أن البنت ما شاء الله متربية بس هو الشيطان اللي لعب في راسها شوي والحمدلله رجعت لعقلها.

الله يحفظها ويخليك لها .. وصدق من قال إن الخال والد.

__________________


اللهم طِيبَ الأثر .. وحُسْنَ الرحيل.