لاحول ولاقوة الا بالله



الكلام الى يقال مو هين ابد وكانكم تقولون هى تعصى ربى ليش تتزوج ولا ان شالله تتعاقب استغفرالله العضيم واتوب اليه







يااختى الكريمه كاننا نحاسب ربى سبحانه ونقول ليه كذا والمفترض الى يسوى كذا مايجيه كذا استغفرالله ياختى من احنا عشان نقول هالكلام ورحمه ربى فوق اى اعتبار








يعنى انتى تتكلمين عن بنت خالتك وكانها فاجرة وكانك تتشمتين فيها اول وتقولين هين هين العبى بالحرام بس بكرة انا بلعب بالحلال كل هالشى غلط يا اختى







انا بسالك سؤال انتى عارفه ايش جوات قلبها ممكن عندها حسرة عالذنب ممكن لها عبادة بالسر بينها وبين ربى ماحد يعرفها تكون مخلصه فيها وربى رحمها ممكن تكون تدعى بالحاح ممكن وممكن وممكن







ممكن ابتلاء والخير والشر فتنه وابتلاء ومن قال ان الزوج والمال والجاة والجمال معناتها حظ ورفعه وان غيرة عقاب احيانا ربى يعطى العبد النعم وهو يعصيه استدراج له








انتى تركتى الحرام موبس عشان الزواج عشان ربى يرضى عنك ويجازيك بالاحسن لكن لاتحددين زوج او غيرة ربى يختارلك الخيرة افضل من اختيارك لنفسك









ليش احنا عندنا سوء ظن بالله وتسخط وعدم رضا وقد يصل الامر للحسد والحسد ياختى كانك تعترض على قضاء الله وتقول ليه تعطيه يارب وانا لا ماتعطينى انا استاهل يارب استغفرالله العظيم الله يعفو عنا








انا ماخصك انتى ممكن انا مثلك ممكن غيرنا للجميع ياختى المفترض نفعل مايطلبه الله سبحانه دون مانتظر الجزاء احنا مسلمين وعقيدتنا نعرف ان فيه جزاء اخروى والمؤمن يبتلى وطالعى افضل الخلق رسول الله صلى الله عليه وسلم طرد وعذب وفتن وسحر وكذب واوذى ومات زووجته وعمه وجدة وكذبه قومه بالمقابل الكفار والمشركين لهم الاموال والنصرة وغيرة










فرعون كيف ربى عطاة وقارون وغيرة من القصص افضل الخلق الانبياء ومع كذا فقر وعذاب ومع هذا ماقالوا ولاتجرؤ بالى قلناها لان ايمانهم بالله قوى وماينتظرون الجزاء بالدنيا ومايسون شىء ينتظرون مقابله شى









وبعدين ياختى من قال الجمال او الشكل دليل حظ او زواج اكثر الناس متزوجين وهم شكلهم عادى وخلق ربى حسن والى يتميز بجمال تاخر بالزواج او تتطلق ماله علاقه ابددددد










هذاى ارزاق ربى يوسعها كيف يشاء لعلمته وحكمته واختيارة والخيرة فيما اختارة لنا












وانا ياختى احذرى نفسى ونفسك واخواتى ان يصل الامر ان الواحد يحرق نفسه ويكون قلبه اسود ويحسد الناس خطر الى احنا فيه اول شى انتى من يتعذب والحسنات تحرق وتعرفين سلامه القلب مطلب للفوز بالجنه اهم من كل شى













وانتبهى اختى ان الشيطان يرجعك للطريق يمكن ربى يتليك ويبلتى صبرنا نصمد ولالا امام الفتن والمغريات ومرة ثانيه لو شفتى بنت مبتليه بمعصيه قولى الحمدالله الذى عفانا مما ابتلاها به وفضلنى على كثير ممن خلق تفضيل كثيررا مع الدعاء لها والنصيحه فهذا حقنا على بعض نحن مسلمين مونقول بانفسنا استمتعوا بكرة بيجينا احسن










اسال الله ان يوفقها بنت خالتك ويسعدها وان يعفو عنها مامضا وفات ويستر عليها واسترى عليها ياختى وادعيلها بالثبات وخلى قلبك ابيض










واسال الله ان يرزقك ويعوضك ويثبتك يارب ولاتصير اكبر همك حاولى تفرحين لها وتمني لها الخير بكرة لو حصل معها شى ممكن تندمى الله يتمم لها













اتمنى انك تعذرينى على قسوتى معك والله لولا انى اتمنالك الخيروانك اختى بالله ماحكيت كذا الله يسعدنا واياك

__________________
اللهم اغفرلى ولوالدى ولاهلى ولزوجى والمسلمين والمسلمات الاحياء منهم والاموات