السلام عليكم ورحمة الله وبركاته
اختي شهزدا شخبارك ان شاء الله بخير
انا عضوه يديده بالمنتدى واول موضوع شفته وقريته هو موضوعك حبيبتي
وهو اللي شدني وحفزني إني اسجل بالمنتدى واشارك
بصراحة مب عارفه شلون ابدا معج بالموضوع
بس تااكدي حبيبتي ان الحق والصواب كله معك وانتي ماغلطتي في شي
وماقدر اقولج مثل ردود بعض الاعضاء غيري من رايك وشخصيتك عشان زوجك
صح ان هذا زوجك وله حقوق عليك لكن انتي ممكن تغيري اشياء كثيرة وتضحكي
وتسوي المستحيل عشانه بس ماراح تقدري تغيري من طبيعة نفسج اللي تعودتي عليها
من لمن انتي صغيرة حبيبتي هذه ظروف وعادات وتقاليد تعايشيتي وتربيتي فيها
من لمن انتي كنتي صغيرة لو غيرتي من هالاسلوب ماراح ترتاحي نفسياً
لانك عشتي طفولتك ومراهقتك وحياتك كله بهذه الاسلوب مع اخوانك وابوك الله يخليهم لك
ولايحرمهم منك فالكل تعود على شهزدا بعفويتها وضحكتها اللي تشفي الصدور ومرحها
وغنجها ودلعها وانتي حتى لو حاولتي تغيري شخصيتك عشان زوجك
بس ماراح تقدري تتقمصي شخصية ثانية عشان تسعدي هالزوج
انا مب قاعدة احقدك عليه او انفرك منه بس زوجك للاسف ماهو بس يغار عليك
الا زوجك يشكو من مرض الغيرة لانها زادت وتعدت حدود المعقول
الغلط والعيب مب منج منه اهو ولايفكر بهالطريقة والعناد راح يمتلكك
الكل يقول لج بيني له انك تحبينه اكثر بس انتي جربتي وطلع فوق كل هذا يشك فيك
ولللحين مب مقتنع من انه تحبينه حب يختلف عن حبك لاهلك
مشكلة مجتمعنا العربي انحصر على حب معين قليل من يدرك ان هناك انواع مختلفة للحب
وكل حب له حياة وبيئة وشعور مختلف ,,, حبيبتي من حقج انج تعيشين هالسعادة
وترى مافيها شي لو حبيتي وحظنتي ابوك واخوانك ,,,, انا انقذ كل من صار ضدك
لما قلتي انك تحظني وتبوسي ابوك واخوانك ... ينتقذونك ع شي مالهم حق فيه
كاانك مسوية جريمة وترى هذه حقك تعيشين بهالانسجام والشعور السعيد الللي ماينوصف مع اهلك محارمك""
مشكلة مجتمعنا انهم يعيشون باحكام مقيدة لدرجة ان بالنسبة لهم من يبوس او يحظن ابوه او اخوه
ان مسوية جريمة ,,,
حبيبتي هذا ابوك واخوانك ومهم غرب محارم مو غلط ولاعيب بس للاسف طريقة عقول العرب ومب الكل تغيرت وهذا اللي سبب ضياع بناتنا لانهم ماحصلوا الحنان والعطف والود من الاهل ,,, ومب كل المجتمعات وخاصةالمجتمع السعودي للاسف انهم متقيدين وايد لدرجة ان حتى على اعيالهم وبناتهم يقسوون عليهم ,...,
عشان جذي البنات صار لهم فراغ عاطفي وينجرون الى الشباب والى الطريق الغير سوي
لكن لو حصلوا الاهتمام والحب والحنان من الاهل والاخوان والاب مستحيل انهم يفكرون ان يحبون
او يكلمون شخص ثاني لان ماعندهم فراغ عاطفي لان اهل البنت بيطغون على كل هالعاطفة الجياشة
ويملؤن قلب بنتهم حب وحنان وماراح تحتاج لشخص تبني معه علاقة حب وماتدري وين يكون مصيرها ,,
الحل الوحيد انج تجلسين مع زوجك جلسة صراحة وتصاريحنه بكل شي لاتقعدي تجاملينه وتبيني له انج تغيرتي
وانج ماعاد تهتمين بعلاقتك مع هلك لان هذا راح يدمر زواجك ويدمر عيشتك مع هلك
لاتخسرين هلك كل شي ولاانك تخسرين هلك يبي يحاسبج يعاتبج على شي من حقه مو على هلك
كلميه وصارحيه وقولي له انا احبك واموت عليك ومب حابه اخسرك وانا طبيعتي هلون وماقدر اغير من شخصيتي ولكن مع كل هذا قاعدة اسوي المستحيل عشانك لكن انت للاسف من اوهامك وشكوكك صرت تشك حتى بكلمة احبك وتحس انها مجرد كلمة اقولها لك وماتحس بمعناتها قولي له انا وحدة اهلي ماقصروا معاي بالحب والطيبة والعاطفة والحنان والود والرحمة عوضوني اخواني وابوي الحمد الله عن فقدان الام والظروف اللي عشتها وقاسيتها من وانا صغيرة ,,,,
وانا طبيعتي مع اهلي جذي ولاتقارن سلوكك مع اهلك مع اسلوبي مع اهلي لان كل اسرة تعيش في بيئة مختلفة ونمط مختلف لكن عشانك زوجي حاولت اغير من نفسي كثير وماهتم بهلي عشانك وصرت ماروح بيت اهلي عشان ماتحس اني اهتم فيهم اكثر منك لكن مافي فايدة شتبيني اسوي اكثر من جذي انا ماقدر اخدعك او اجاملك في شي ياانك تغير وتخفف من غيرتك هذه لان مو غيرة هذه مرض او ان ننفصل ومع كل هذا لازم تفكر بعقل وبمنطق مو بعاطفتك وبقلبك وبشكوك وانا لما احس انك بتتغير وبتخف غيرتك الزايدة هذه انا مستعدة اكون معك وماتخلى عنك ... وبيني وبينج كل شي ولاانج تحملين انصحج لاتحملين وتتورطين .....
وماعليج من ايي احد انتقدج وصار ضدج بس انا حطيت نفسي بمكانج وعارفه شكثر انتي تعبانه ومتضايقه
بس تااكدي ان كل اللي انتقدج ماعاش مثل عيشتج وجرب اللي عشتينه من هموم والم وحزن وفراق او ان متقيد بعاداته وتقاليده ومب قريب من اهله ,,,, لان اهله ماعودوا على العيشة اللي عودك ابوك عليها ..
وانتي يشهزدا باين عليج بنوته طيبة وحلوه وخلوقة وبسيطة ومرحة وماراح اقولج مثل رد بعض الاعضاء ان هو يحبج ومابتلاقين واحد يحبج هالكثر بل العكس هو اللي ماراح يلاقي بنت بمواصفاتك وشخصيتك الاكثر من مرحة واسلوبج الجذاب وبساطتج ومحبتج له ,,,, وانا مو قصدي اوقف ضد زوجك بس انا واقفة مع الحق والصح والعدل ,,, وفكري وشوفي شنو اللي يصلح لج اتميين معاه او تنفصلين منه ,,والارزاق بيد الله والله يوفقج ويسعدج ويهديه لج ويخفف غيرته الزايدة ,,,,
الله يوفقج حبيبتي ويسعدج يالغاليه
محبتج : حــــــــــلآ
التعديل الأخير تم بواسطة حــــــــــلآ ; 08-01-2011 الساعة 07:17 AM
08-01-2011, 06:55 AM
ضوابط المشاركة
العرض الشجري