.. سؤال :
داش حرب انت او مالج على البنت ؟؟

.. وكل شوي تدخل أطراف ثانيه بينكم ( اختك , أمك , اخوك ) والله أعلم منو بعد ؟؟

.. ومبين عليك خاطرك بالمصروف الا تعطيها اياه , الحل .. أقطعه عنها وفكها من منتك وحنتك عليها ..

.. نصيحه لك بما أنك عصبي ,, عندكم ( فريز ) .. روح خذ لك ثلج , وأكله وبرد على قلبك .. وطفي نار عصبيتك ..

.. لانك ترد على الاعضاء بعصبيه .. ليش يعني ؟؟

.. غير أسلوبك في الكلام , وفي التعاطي مع الآخرين .. وأحترم الآخرين ..

..

على فكرة أول مرة أرد رد قاسي على أحد .. وهو انت .. تدري ليش ؟؟

.. لانه أسلوبك في الرد مو حلووو .. فأنا قلت أكلمك بنفس أسلوبك ..

علشان تحس بشعور الآخرين لما تكلمهم بهذا الاسلوب !!

.. أدري بتعصب وبتكتب رد مثل باقي ردودك ويمكن أعظم بعد !!

بس مو مهم ..

المهم أنك تفهم أنك شاب وحليوة وزقت وأبضاي , و( ديموقراطي ) , وكريم وحنون ..

لكن ينقصك الاسلوب .. والاحترام .. والهدوء ..

.. وهذولا ممكن تكتسبهم اذا انت فعلا حاب تغير وتطور من نفسك ..

..

__________________

__________________

يا اخي يجب عليك ان تفهم خطيبتك وهي تفهمك
اذ هيك عملتو قبل الزواج كيف بع الزواج
الله يهديكم ويوفق بناتكم

لا والله بالعكس انا احترمك لانك رديت علي رد قاسي لاني حسيت بلاحساس نفسه بس ياخي هذي طريقت اسلوبي الناس تفهم اني نفسيه وعصبي حيل بس من داخلي غير ماقدر اغير خلقت الله او يمكن ينقصني على قولتك نقص في التعامل مع الاخرين بس ياخي انا لو مو ضايقه فيني الوسيعه ماجيت وكتبت هل كلمتين

وبعدين لاحظ كلام الي يدش يطنز انا اطلب النصيحه ما اطلب الاستفزاز ومشكلتي اتنرفز من الي يستفزني وسموحه وع راسي يخوي وماي ورد

طيب يا اختي ........

دامنج جرحتي انصحي خليج من الفاظي وغيرها الي يعجبك اخذيه والي مايعجبك قطيه بالبحر

خير الخطائون التوابون

وان اخطيت عليج انا اسف

والله يسامحك

الله يعطيك العافيه

افهمها واحنه منقطعين مانكلم بعض بالفتره هذي

صعبه على الرجال لما ينجرح من زوجته وهي تكون الغلطانه ويتاسف لها مره وثنين

احيانا نقول التسامح شجاعه بس مره وثنين وخمس وبعدين ونهايه والنتيجه ؟

صدقني صعبه الكلام غير الفعل

ارجوكم يا اخواني ...

اذا شفـتو بيني وبين شخص حصل خلاف ما اطلب من احد يعبر عن مشاعر الشخص الاخر .. وانا داش اطلب النصيحه مو الاستفزاز وانا اسف على الازعاج

يــاخواني ياخواتي- وربي والي خلق هـ دنيا والي فيها؟

انا ما امن عليها .. انا كــنــت ادق عليهــا تلفون واقول لها حبيبتي اكلتي تقول لا... اروح المطعم وجيب لها اكل وفواكه وعصاير .. بحوثها انا اخلصها لها شغل المكتب لها انا اخلصه لها ... انا احب زوجتي؟ واحب اساعدها بكل كبيره وصغيره

بس قاسيه والله ماتحس فيني حجر قلبها

انا الي تحملت الغربه بمرها وبمرارتها انا الي تحملت قسوت ابوي وقسوت الدراسه انا الي اخطيت مره وثنين وثلاث وعشر وتعلمت من اخطائي ؟ ماقدرت اصبر على حبها؟

الي سوته فيني الله يهديها ماخلت فيني اعذار ياما قلبي سامح وعتذر

ارجوكم افهموني انا ابي شخص يكتب الكلام من قلبه وعقله مابي جمل وسطور طويله ابي جوهر الكلام

ماتذوق عيني النوم ولا عرفت اداوم مثل الناس

انا احبها حيل... ورب الكعبه كل ماطلع سوق مكان عيني بالقاع ماحب اطالع بنات والسبب لاني ما ارضى احد يطالع زوجتي وخايف عليها

ولاني مخلص لها

مامداني واخذتها وما مداني سويت كل هذا


حتى مرات يقطون كلام عليها اختي بنت الفقر وبنت الفقر وتهاوش معاهم

ياناس افهموني اتعب والله اتعب

اوكي تبون اعترف راح اعترف يمكن انا تصرفاتي طفوليه وماعرف اسولف ؟

بس صادق بقلبي وحاسيسي

ليش هدنيا جذي؟ ليش لما اندفع بحاسيسي وقلبي يصير هل كلام

اخي الفاضل/
لازم يكون عندك تصالح مع نفسك .. لازم لما تسوي شي تكون مقتنع فيه مليون بالمئة
لازم قبل لا تسوي الشي تحسبه ,, لازم قبل لا تتحجى توزن الحجي
لأن كل الأمور اللي إنته فيها سببها التسرع والإندفاعية
صدقني الحياة أبدا ما تسوى إن احنا نذبح عمرنا ونقطع في روحنا , الحياة صج صعبة
وربما احنا لما نحب , نعشق الطرف الثاني وايد
ونحسه إن دنيتنا ومافيها , ربما الطرف الآخر يحبنا وايد بعد
لكنه متواخذ علينا بسبب تصرفاتنا أحيانا
آنا مادري وما اقدر أقيم على كيفي
بس ربما زوجتك من الناس اللي تسامح بس ما تنسى
ويمكن هذا السبب في عدم إحساسها بك مثل ما تقول
آنا ما راح أنصحك وأقولك سو جذي ولا تسوي جذي
بس كل اللي بقولك إياه حاسب قبل لا تسوي أي شي
فكر ألف مرة
حتى لو كنت مهستر ومعصب لازم توقف نفسك
صح بتفشل مرة ومرتين وثلاث
لكن صدقني مع مرور الوقت راح تتغير
عصبيتك ربما تسبب لك أمور إنت غي غنى عنها
ما أبي أطول في الحجي وأهذر
يمكن لانك مو أي حجي تتقبله
لكن صدقني الحياة مهما كانت قاسية إلا إنها تعلمك أمور وايد
و إنت لازم تتغلب عليها
ومثل قلت التجارب اللي نمر فيها , صح تكون وايد قاسية علينا لكن تعلمنا أشيا وايد احنا كنا غافلين عنها
فكر .. تصالح مع نفسك .. ولا تتذكر الماضي وقسوته عليك
لأان هذا راح يؤثر على نفسيتك ويضايقك أكثر

أتمنى أكون قلت لك شي مفيد
والمعذرة لو خطيت ف شي من كلامي
تأكد إن بدون قصد ....


ودي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

__________________