انا جربت ورحت دبي
قويت قلبي وقسيته وقررت اني انبسط مع زوجي واسترجع ايام شهر العسل
والله اني انبسطت مووووت وغيرت جو وغيرت النفسية ورجعت لبيتي ولمسؤليتي بروح غيييييير
غير اني انا وزوجي قربنا من بعض كثير
اللي حصل اني تركت اطفالي عند امي الله يخليها ولايحرمني منها
واحد منهم كان رضيع وياخذ صدري ، وامي عودته على الرضاعة صح تعبت معاه الله يجزاها الجنة بس والله السفرة تستاهل التعب وكنت في السفر ادخل دورات المياه في موعد الرضاعة واحلب صدري عشان لايجف الحليب
السفرة كانت بحدود ستة ايام
وتركت بنتي عمرها سنة و10 اشهر ماتفهم شي لسه صغيرة وماتدري وين الله حاطها عااادي قسيت قلبي وتحملت
وعلى فكرة مو اول مرة اسويها ، سبق سويتها وسافرت مع زوجي وكان عندي بنوتة عمرها 6 اشهر ، والثانية عمرها سنتين وثلاث شهور نفس الشي قسيت قلبي ورحت
والله اكلمك من واقع تجربة ، لاتخلي زوجك يحس انه اطفالك اخذوك منه
لاتخليه يحس انه اطفالك اهم منه
لاتخليه يحس انك مربية للاطفال وزوجة في المنزل ، لكنك لاتصلحي ان تكوني حبيبة ورفيقة درب
لاتخليه يحس انه محتاج انثى تشاركه ادق تفاصيل حياته
لاتخليه يحس انه فاقد انثى يعيش معاها لحظات الغرام والعشق المجنون والخلوة مع بعضهم من غير التزامات البيت والاطفال يناموا ويصحوا مع بعض ، ولو جا في بالهم فجأة يخرجوا مع الصباح بدري مايشيلوا هم الاطفال اللي نايمين كيف يتركوهم واذا اخذوهم ممكن ينكدوا لانهم ماشبعوا نوم و ...الخ من مشاكل الاطفال
حبيبتي خليها سفرة شهر عسل لان اطفالك صغار ، وخلي السفرات العائلية لما يكبروا اطفالك ويفهموا ويصعب عليكي تتركيهم عند اجدادهم
خذيها مني عن تجربة
زوجك سبق وسافر لوحده
معناه السفر عنده شي مهم
الاولى عدت ، الثانية عدت ، صدقيني بعد كذه راح يحس انه محتاج انثى تشاركه
كوني انتي هذه الانثى ولاتخلي زوجك محتاج شي
الله يسعدكم ويهنيكم
22-01-2011, 08:07 AM
ضوابط المشاركة
العرض الشجري