روح الطير

استشفيت من ردودك بالمنتدى إنك قوووية وعندك التطنيش زي السلام عليكم للي ينرفزك ويضايقك
لكن طلعت خطأ !!

شوفي ياروح إنتِ تقولين زوجي مافيه أمل يتغير لأنه طبعه كذا !
وأنا أقولك ماراح تتغيري لأن طبعك كذا وتفكيرك كذا وشخصيتك كذا !
لذلك ياعزيزتي بما إنك فاهمة طبع زوجك وتفكيره واسلوبه في الإهتمام وحتى رغباته
حاولي شوي شوي تسوين اللي يتمنى منك
ليش تبغين تكرهينه ؟ وتقهرينه ؟ صدقيني بعديــــــــــن راح تكرهين نفسك لأنك سويتي شي مو طبعك وراح تنقهرين من نفسك بعد
هذا زوجك مهما كان ما دامك مو جاي في بالك الإنفصال الأفضل إنك تضبطين حياتك ونفسك معه
اللي عرفته منك إنه رجل صامت والرجل الصامت بنظري أصعب شي لأنه غامض وكتوم لكن تقدرين تعرفينه من التجارب
اعجبه الشي الفلاني وانبسط منه وتكلم عنه عندك حاولي تسوينه له
شاف تصرف وسكت ماقال شي هذا الشي مايعجبه ابتعدي عنه
احلى صفة بزوجك إنه يحب الإهتمام يكون منه وأشوفك مو معطيته فرصــــة !!
ياأختي وش أحلى من زوج يهتم فيك ويداريك وإنتِ تتغليـــن عليه
اضغطـــــي على نفسك وخليكِ مثل مايتمنى صعبة المنال مثلي
حتى المسؤوليات المفروضة عليه اتركيها بطيب نفس ولو سأل عن شي ناقص قولي له ليتك تسووويه لأني ماأقدر !
خليه يحس بأنه رجل مسؤول وإنتِ تلجأين له
مسألة إنك تقولين هو امرأه بجسد رجل وأنا رجل بجسد امرأه .. اسألي نفسك لأني ماأدري كيف وصلتوا لهالمرحلة
هل هو اللي تنازل وتغاضى عن كل مسؤولياته في وقت إنتِ اللي بادرتي فيها وإنتِ ساكتة ومبسوطة بعملها ؟
يعني تعود عليك كل شيء إنتِ وترك كل شي عليك وبنفس الوقت متضايق منك إنك أخذتي مسؤولياته
أو فعلاً مثل مافهمت إنه من عند أهله وهو لا مبـــالي ومطنش الدنيا وعجّــــــاز !!
نصيحتي ياروح لا تسوين شي يخليك تحسين نفسك مو إنتِ ، ابدأي حبة حبة بالتغير لـ تتلائمين مع زوجك وطبعه كما هو
مو علشان تكرهينه أو تقهرينه لأنه الحياة أولاً وأخيراً حياتك والسعادة سعادتك
اتمنى تكوني فهمتي قصدي وأكون فهمتك مثل ماتتمنين ..