جزاك الله خير على الموضوع

وطبعا الموضوع فيه أبعاد أكبر من التي ذكرتيها , فأنتِ سلطتِ الضوء على الزوجة الأولى فقط

ومما لا تعلميه أختي

أن كل رجل يتزوج على زوجته لأجل أن يقهرها - غالبا - ينتهي زواجه من الثانية بالطلاق

لانها نزوة نفسية أراد فيها أن ينتصر من زوجته الأولى - محبوبته - فلما رآها انكسرت أمامه وتهدأ ثورة نفسه من الانتقام منها ينظر للثانية فيرى أنها لا حاجة لها في حياته فيطلقها ويرمي بها بأقرب مزبلة ....

وهذا ظلم أكبر من ظلمه للأولى

فهذه قهرها وظلمها وآخذها بجريرة غيرها وجعلها وسيلة لتأديب غيرها ومافي هذا الأمر من خدااااع ومكر لها ولأهلها ومن ثم يطلقها ولربما وهي حامل ...

وتعالي أسألي عاد عن طفله من الثانية كيف حاله وكيف حال أبوه معه ...

بصراحة هذه مأساة وكارثة ومصيبة تحل على بنات المسلمين

وحسبنا الله ونعم الوكيل

الله يجزاك بالجنه اختي 00
نعم وانا معك في اضافتك 00
فمن لم يقدربيته وزوجته السابقه 00 فلن يكون فيه خير لبيته وزوجته القادمه 00 وللأسف

كل الشكرلك غلاتي




اخي ابوحكيم
قصدت * * عندما يحترم 00000000

__________________

الأخت الغاليه شقرديه أعتذر منك تجاوزت موضوعك ونسيت أعلق عليه ونطيت أرد على أسئلة الأخ أبو حكيم وكان نفسي إن أسئلته تكون بموضوع منفصل لحالها ماتتلخبط بعض الردود واليوم جيت أشيك على موضوعك ولقيت نفسي مارديت على موضعك وحسيت نفسي دخلت لصفحتك بالعرض والله إني تفشلت منك وصار وجهي لو ح على قولت أختنا الغاليه مهره

وحابه أعتذر لك على دخولي الصاروخي بموضوعك المهم يا قلبي موضوعك ممتاز جدا وعشره على عشره وصدقتي بكل كلمه كتبتيها وفي الحقيقه إن هناك بعض من الأزواج وأشدد هنا على بعض وليس الكل علشان ما أحد يهاجمنا البعض من الأزواج يتزوج وبعد عدة سنوات من الزواج يكون بينهم أطفال وعشره تبدأ تنموا عنده حاسة الشم وحاسة النظر وحاسة السمع وحاسة التذوق فيكتشف بعد إكتمال نموها عيوب زوجته أولها رائحتها كريهه ثانيها لسانها سليط وماتعرف الكلمه الحلوه وثالثها مافيها جمال و لاتتشيك وتلبس مثل الحريم و لاهي بحلوه وأنا كنت شايفها يوم الزواج بس قلت أصبر وأمري لله ما أبغى أكسر بخاطرهاو أكيد مع العشره توجد بها صفات حلوه والجمال يجي ويروح ويبقى جمال الروح

ولاتعرف تطبخ طبخها ياملح يامحروق يامهروس وآخر شئ حاسة العاطفه أحسها بارده جدا
من هاذي الناحيه وماتتفاعل معاي وتعبت وأنا أشر ح لها وأفهمها وأثقفها بس حسيت إنها ماراح تتغير لو إيش يصير وبصراحه أنا فكرة أخطب وأتزوج غير ها وهيه تجلس معززه مكرمه في بيتها وبين عيالها وراح أعدل بينهم
طبعا هاذا أسلوب بعض الرجال إذا بغى يتزو ج يجلس يدور ألف عذر وعذر علشان ما أحد يلومه وأنا أ كره هاذي النوعية من الرجال كره العمى ليه هو ماشافها أول ماتزوجها ماطلعت عيوبها عنده إلا لما طرأ على باله الزواج فأنا أعتبره إنسان ماعنده أخلاق ولاذوق لأنه أولا ماقدر العشره إللي بينهم ثانيا حتى لوزوجته توجد فيها عيوب كان من الأولى سترها و عدم فضحها قدام الناس وتزوج ولايخلي زوجته شماعه لأخطائه إذا هي ماتعرف بالكثير من الأمور وعايشه في مجتمع طابعه عيب

يابنت تسوي كذا أو تقولي كذا كان من الأولى أخذ بيدها وحاول إصلاحها بكل حرص و حزم منه كان علمها هو بدل مايبلع ويسجل ويوثق وفجأه صاح أبي أتزوج وحده صغيره وحلوه تدلعني وتدللني و تشوف إحتياجاتي أنا صبرت و صبرت بما فيه الكفايه ليه كذا سنه وأنا منتظرها تتغير و ما تغيرت في شئ و الحين صار من حقي أتزوج الثانيه إللي تسعدني
وتريحني
يعني معقول طول هالسنين وهالعمر هاذي الزوجه المسكينه مالها مواقف وذكريات حلوه معاه مالها فضل عليه بشئ أبد حتى بتربية عيالها ورعايتهم وصبرها عليه مالها أي شئ يميزها عنده وبعض الأزواج للأسف يكذب ويفتري بكلام على زوجته وهو ليس فيها أبد يقول فيها كذا وكذا وانا خلاص ماعاد أحتملها

تبغى تجلس بين عيالها حياها الله تبغى ترو ح لأهلها الله يستر عليها أنا بتزوج وبس وماراح أتراجع أبد يا أخي عساك لاتراجعت بس إرفق إرحم قلب تفطر عليك إرحم إنسانه أنت بكلامك تذبحها من الوريد للوريد

إرحم إنسانه قضت عمرها بحلوه ومره معاك ربة عيالك قامت بحقوقك وآخر شئ تشوه سمعتها بين الناس تطلعها هيه المقصره وإنها زوجه فاشله في حياتها الزوجيه المرأة ماتتغير على زوجها وترفضه وتعصب عليه وتتغير في معاملتها له إلا توجد هناك أسباب لذلك والزوج في الغالب يكون هو إللي يوصلها لهاذا التغير إما بإهماله وتجاهله لها إن أخطئت أو طريقة تعامله معاها بقسوه شديده جدا وعناد وعصبيه فيولد لديهاحاله نفسيه وضغط عصبي وينتج عن ذلك كرهها له وحقدها عليه فلا تستجيب له ولاتطيعه في شئ وتتغير معاملتها معاه بالذات إذا كانت من النوع إللي تحب العناد

أو إنها تعطي وتبذل مشاعرها وتعبها وجهدها لهذا الزوج فلاتجد منه ردة فعل أو شكر تجاه ماتعمله له فيصيبها إحباط
وتتوقف عن الإهتمام به وبالذات إذا كان هاذا الزوج إنسان لعوب وصاحب مغامرات
كيف نفسيتها بتصير مثل هالزوجه أو إحتمال إن عندها عقد نفسيه من طفولتها ومن سن مراهقتها إحتمال مرة بمواقف في حياتها المرأة كائن يتأثر من أي مواقف تعبر عليها في حياتها إذا كانت مواقف حلوه وجميله فستترك أثر طيب وجميل في نفسيتها وحياتها

أما إذا كانت مواقف صعبه وقاسيه فستترك ترسبات وآثار نفسيه تسبب لها شرو خ في حياتهايصعب علاجها وعلى الرجل البحث جيدا في حياة ونفسية زوجته وراء أسباب سلوكها وأسلوب تعاملها معاه وعليه القيام بعلاجها سوى علاج نفسي او معنوي

ماأتوقع إن الزوجه إذا وجدت الرجل إللي يحبها و يحترمها و يفهمها ويهتم فيها و يراعيها و يقوم بحقوقها ما أتوقع أبد إنها تقصر في حقوقه وحتى لو حصل منها قصور زوجها بيعذرها مثل إذا هو حصل منه قصور هي تعذره

لاكن الحين أحيانا البعض يتزوج وإذا سألوه ليش تزوجت يقول زوجتي عجزت وأبغى بنت صغيره وإلا تعاند هو وإخوانه وعيال عمه أو زملائه وصار بينهم تحدي على الزواج وقام أعرس على زوجته وأنا جارتي أقسم بالله الباب في الباب أنا وياها زوجها تزوج عليها وأنا أعرفها والله إنها والنعم فيها من حرمه بس زوجها تزوج والسبب راح عزيمة عشاء مع عيال عمه وإخوانه وصارة بينهم منافسه من يتزوج هو الرجل إللي مايخاف زوجته قام جارنا دق صدره وقال أنا لها والله إنه ماروح بيته إلا وهو مملك على بنت خالته والله إنه هو وزوجته يحبون بعض ومتفاهمين وبينهم عشرة عمر ولحد الآن اليوم إللي عند زوجته الثانية يجي يتغدى ويتعشى عند الأولى يقول لزوجته الأولى مالي غناة عنك وعن طباخك بس وش أسوي بنت الناس ما أبغى أظلمها معي وبالذات عنده منها بنت وولد فالرجل أحيانا يغار من بعض الأزواج إللي يعددون
فيقوم يتزوج مثلهم يعني مسألة تنافس سباق راليات بينهم

وأحيانا بعض بعض الأزواج يتعرف على بنت بطريقه ملتويه ويحبها حب نزوه و يتعلق فيها ويتزوجها وأحيانا أهل الزو ج أمه وأخواته وعماته آه بس ذولي مثلث برمودا يجلسون بعظهم يوصفون بنات الناس ويفصلونهم لزو ج تفصيل وهو يتبسم و يتمنى وتبدأ الفكره تعشعش براسه و يسويها ويعرس على زوجته وأحيانا الزوجه هي نفسها تكون دلخه وتوصف لزوجها رفيقاتها على نياتها وهو يستدرجها حتى تعطيه كل الوصف والمعلومات وماتدري إلا وليلتها منيله على قولة إخواتنا المصريات .

ياحبي لمواضيعك ياشقرديه أنبسط فيها وآخذ راحتي في صفحات مواضيعك تدرين ليش لأنها مواضيع أختي وحبيبة قلبي شقرديه الله يحفظك ويسعدك دوم ويحقق لك كل ماتهواه نفسك يا أحلى شقرديه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

لا تحاتين يا بنت الحكمي .. انا انضميت لج وصرنا ألواح مثل بعض

ما انتبهت اني ما علقت على موضوع شقردية الرئيسي إلا بعد ما قريت ردج.

فالسموحة منج يا شقردية.



عودة للموضوع..

حقيقةً لا أرى أن التأديب والانتقام يستقيمان مع التعدد .. وأحسب أن الانتقام قد ينسف شرطاً رئيسياً للتعدد .. وهو العدل.

وأرى أن الزوج إن أقدم على الزواج الثاني مدفوعاً بمشاعر سلبية تجاه زوجته الأولى فإنه على الأرجح سيقصر في حقوقها.

__________________


اللهم طِيبَ الأثر .. وحُسْنَ الرحيل.

حياك الله وأهلين وسهلين ومرحبتين تشرفنا فيك ياحبيبة قلبنا يا أعز وأغلى أم سلطان عندنا والحمدالله إنك رافقتيني هو أنا وين ألقى صديقه طيبه مثلك يا أحلى مهره بالمنتدى كله
تبغين الصدق والصراحه يامهوره أنت وشقرديه أنا أحس إن الزو ج إللي يتزوج على زوجته على أساس يقهرها ويحرق قلبها أحس إن مافيه ذرة رجوله وإنه متسلط ودكتاتوري ولا عنده إحساس وتفكيره عقيم جدا لأنه ماقدر يستنتج حلول لمشاكله فما عنده إلا حل الهروب لزوجه ثانيه يحسب إنها المربية والمعلمه لزوجته إللي راح تصلح عيوبها و إللي عنده حب الإنتقام و التسلط ماراح يأدبها إلا راح يذبحها بقراره هاذا راح يجيب لها الأمراض الضغط والسكر مبكرا و إحتمال إن زوجته ماجبرته على الزواج من غيرها إلا هو السبب في ذلك هو إللي وصلها لهاذي الدرجه وإلحرمه تتعلم و تتبع زوجها بكل شئ و تعامله حتى بطرق أساليبه إذا كان معاها طيب هيه بتصير طيبه أما إذا صار هو وحش هيه هتبقى وحشه مثله
وحتى لو تزوج وتغيرت الأولى على حسب فهم زوجها فهاذا التغير مو علشان سواد عيونه لا
هاذا كيد نساء فيما بينهم فنصيحه في العجله الندامه وفي التأني السلامه رويدا رويدا بالنساء فإن النساء ماجانا منهم إلا كل خير . الله يحفظ
رأس قايلها ويرده لديرته وشعبه سالم غانم يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله