متى تكون إجازة الزوجة - منتدى عالم الأسرة والمجتمع

27-02-2011, 01:12 AM

#11

أم يوسف2

كبار شخصيات المنتدى

تاريخ التسجيل: Sep 2003

المشاركات: 8,245

الله يعين كل زوجة و ام..

و على قولة امي .. مو الجنة تحت اقدام الامهات .. خلاص اتعبوا شوي

اذا اشتكيت ... و الحق يقال.. زوجي يرحمني.. ياخذ ابنه عني
و يعطيني خيار الغذاء الجاهز.. فاارجع ارفض و اقوم اطبخ
بس لانه اعطاني كلمة طيبة و حس فيني .. الله يخليه

الي ماترحمني امي .. اذا بديت اشتكي
نزلت عليا بقولة ,, انتو مدللات و خرعات
من ايش تشتتكو.. الغسيل تسويه الغسالة و كله توماتيك .. انتيي بس انشري الثياب
الصحون و المواعين .. داخل غسالة المواعين
الطبخ و لا اسهل .. الاغراض تجيك لعندك .. و النار بمطبخك لا حطب و لا يحزنزن
العجين بالعجانة .. و التقطيع بمحضرة الطعام .. و الغلي بغلاية الزيت .. و الشوي بالفرن ... و الكنس تسويه المكنسة ... ايش الفاييدة منكم الواحد يجيب مطبخ متكامل
مجهز باحدث الالات ويوفر على نفسه حن وزن المرة >>>كلام امي مالي دخل
و الكلام يتبع تحت

اول كانو الحريم قايمين بمسؤلية بيت و اولاد و عم و عمة و بيت حما كامل
بالاضافة الى شغل الوادي و الزراعةو الحصاد و جلب الماء من البير على ظهورهم
الطبخ على موقد الحطب و جمع الحطب عشان يحرقوه وو يسوو الاكل
و الغسيل مو دخليه الثياب و استني المكينة تخلص
الا يروحو للنهر و هاتك يادعك لثياب العايلة كلها بيديهم
الطبخ لحاله كان هم ما يلتم .. لانه كل شي يجيبوه بانفسهم
الحليب من البقرة و يعملو منه السمن عشان يستخدموها بالطبخ
و البر و الحب يطحنوه بانفسهم بالحجار لغاية مايصير طحين
و بعدين عجين و خبيز للبيت كله توصل لعشرين و لا 30 قرص
و يرجعو يجيبو ماء مرة ثانية من البير او النهر عشان غسيل المواعين
غيرالاهتمام بالاطفال و باهل الزوج الطاعنين بالسن
و العجيب لما اسالها و الرجال فييين من دا كله
قالت الرجال بس للخلفة ... مايعملوا شي .. غير نزول الوادي من الصبح للظهر

معليش طولت بهذه الجزئية بس عشان ابث فيكم روح التفاؤل
واننا احسن من غيرنا الحمدلله..لانه للاسف ماذكرته لازال موجود للان في قريتي

نعوود للموضوع.. صراحة لا يحق لي التذمر .. بسبب طبيعة عمل زوجي
فانوباته كثيرة و يبات برع البيت كثير بالتالي
ممكن اظل يوم كاامل بدون ما المس شي بالبيت و اكون مجهزة اكل من اليوم الي قبل لي انا و ابني .. فا صدق تمر ايام (يومين و احيانا 3 ايام بالاسبوع راحة برااحة)
و قبل ما يجي زوجي بساعتين اقوم اخلي البيت يلمع من النظافة
و انتهينا ..

طوولت علييك يا كولورز.. بس اليوم من ايام الراحة >>>فاااضية للهدرة و الكلام
نسيت اجاوب على سؤالك ..
متى تاخذ المراة اجازة ؟؟ تتفق مع زوجها على يوم اسبوعيا تكون فيه وجبة الغذا من برا
و بقية اليوم خفيف..و الاطفال ياخذهم ابوهم مشوار 3 و لا 4 ساعات وانتي لك الخيار
تقعدي بالبيت وحدك ترتاااحي و تنعمي ببعض الهدوء او تروحي معاهم او تروحي لاي مكان
زيارات لحااااالك
و
ممكن تاخذي باليوم ساعتين استراحة ..مثلا تنومي الاطفال 10 بالليل و معاك من 10 الى 12
ساعتين فراااااغ تعيشي فيهم لتفسك تقعدي فااضية مع كوب نسكافيه تتفرجي تي في او تقراي
بتحسي نفسك نشيييطة لثاني يوم

تسلمي عزيزتي عالموضوع الحلو

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

التعديل الأخير تم بواسطة أم يوسف2 ; 27-02-2011 الساعة 01:18 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه