السلام عليكم ورحمة الله
الحقيقة انا واصلة حدي من كثر الهجومات والردود السخيفة وكل هذا لمجرد اني زوجة ثانية
وكل وحدة تحط نفسها مكان الزوجة الاولى وتقوم تهجم علي قمة الضعف ماتسونه وقلة حيلة من حقولكم
واتمنى من الي منعتهم من المشاركة بمواضيعي لا يشاركون والا بضطر ارد رد ماهو كويس لاني مليت
اعتقد انه اخر موضوع بتكتبه لاني قررت ان اغير حياتي بكل شئ لا اريد ان كون ضعيفة ولا الحكمة تخوني قررت ان احب نص زوجي وليس كله ولعلي اعيش معه بدون حب ربما مودة ورحمة وغلا
لم استطيع التاقلم بدرجة حبي له وانا اعرف انه ليس لي لوحدي ..وقلت لكم اني يوم اقدمت على خطوة الزواج منه لم اكن اعلم اني راح احبه كل هذا الحب....وانا لا اعلم الغيب لكن قدر الله ماشاء فعل..
بخصوص الرسائل الي ترسلها زوجته لمن تشاورت مع اهله واهلي قالو ارسلي لها حتى انتي وبساعات متاخرة زي ماتسوي هي ..وقلت لزوجي ترى برسلك رسائل بدل غرامية اباحية وقوية بعد وشرايك؟؟
قال ارسلي واذا هي جنبي بخليها تقراها وحسيت انه مبسوط..قلت وش مستفيد انت؟؟
قال حلو حرمتين يتهاوشون علي ...! هنا حسيت ان زوجي لا يملك من محكمة المعددين شئ ولكن رغم المشاكل الي تصير والي راح تصير بسبة الرسايل الا وفي الاخير راح يرضي غروروه
الحقيقة انا لا احب هذا الاسلوب..ولا ودي اشبها بشي هي تسويه..ولا ابي ارسل رسايل لزوجي هي مو من قلبي لاني اثبت حبي بالفعل وليس بالكلام وخاصا انه مااراح يرد على الرسايل فاحس اني مضظرة وليس بمحض ارادتي...انتم شرايكم ارسل له واخاف اقعد ارسله اخليها تتعلق فيه اكثر وانبهها لكذا امور ..لاني صرت منبه لها من يوم تزوجته.....عموما انا ماني مقتنعة بكوني ارسله واغيضها لمجرد اني بس ابغى اغيضها لانها والله ماهمتني ولكن تزعجني فقط ...هل ارسله والعين بالعين والبادي اظلم ولا احترم عقلي افضل...ابي ابو حكيم والاخ البليغ والاخ تعاندني واالاخ الرسمي يردون علي ويعطوني مشورتهم
وكذالك الاخوات الفاضلات ولكن بدون هجوم لاني والله فاض بي الكيل من يوم سجلت بالمنتدى وانتم تهجمون وانا ساكتة ...خلاص ستووووب

__________________

صابرة حبيبتي لو انتي انتهجتي أسلوب عدم الاطلاع على هاتف زوجك صدقيني بتريحين رااااسك
لا بتعرفين هي رسلت ولا لا ....
وفي نفس الوقت ارسلي له وانتي مرتاحة نفسيا لأنك من قلبك حابة تعبري له عن مشاعرك له بغض النظر هو رد ولا ما رد
أغلب الازواج ما يردون على الرسايل الغرامية بس يفرحون بها وتعني لهم الكثير

يعني دام هو ما فرض عليكم عدم الارسال سواء انتي أو هي فإنتي لا تلتزمي بعدم الارسال بس لأنه في يومها ولا تعتبرين وجوده هناك عائق لعدم الارسال
أنا زوجي ما يدخل تلفوناته البيت ولما أرسله يقرأهم لما يطلع السيارة لوحده يعني ما توصله وهو مع زوجته ا
لكن لو فرضا هو معاي وطالعين وهي رسلت ما بقدر أعرف ولا بتحترق أعصابي لأني ما بفتش وراه ولا بسأله من أرسلك عشان ما أضايق نفسي

ياحبيبتي انا مافتش بجواله بس اغلب الوقت جنبي وتجيه رسالة يمكن من باب الشك ابي اعرف من رسل له
ولما اعرف انها هي خلاص اطنش ..لكنها اثارت انتباهي من كثر ماترسل وتدق
تخيلي امس داقة تقوله الولد مسخن وهو لا مسخن ولا شي بس تبيه يجيها..واقسم بالله لو اعرف ان فعلا ولدها مسخن كان اقوله روح وبدليل ان زوجي ماراح لانه يعرفها تتحجج..انا لو احطها براسي احرقها باي شي تبغاه لو فعلا استخدم ذكائي بس ماودياحطها براسي عشان ماتكون اكبر همي ولا ودي اكون منبه لها
ودامها اختارت الحرب ابيها تجلس على عماها..انا يوم قابلتها رحمتها وقلت باعتبرها زي اختي وكنت اوصي عليها زوجي وابلغ لها سلامي معه فحطيت انه من باب اولى اني احترمها يوم زوجي يكون عندها واطلب الاحترام بمقابل مااسويه..للامانة مثاليتي مع ناس غبية ماتنفع وانا ماحب اطلع من ثوبي واللبس ثوب المكر والكيد

__________________

مدام زوجك ماعنده مانع وانت تعتقدي ان هذا افضل حل لترتاح نفسيتك ارسلي . بعدين من قال لك لنك اذا ارسلتي راح تتعلق فيه اكثر وهي اصلا دايما ترسل , يعني هي بادية قبلك . ترا زوجك مميز لا تخسريه عشان حركاتها الاستفزازية !

صبووورة اخيرا شفناك والله فقدتك كثيييييييييييييييير

بصراحة زوجك قهررررني
اثبت نظريتي اللي تقول انه الرجل المعدد مايحب ولا وحدة من زوجاته لا الاولى ولا الثانية ولا حتى الرابعة

المعدد مايحب الا نفسه وده يثبت لنفسه انه دنجوان زمانه اللي قادر يملك قلوب النساء وانه هارون الرشيد كل النساء حوله
وربي انقهرررت عليك حبيبتي

شوفي انا ماني قادرة انصحك بس راح اقولك لو انا مكانك وش اسوي

اول شي اعيش لنفسسسسسسسسسي اعيش لنفسي وبس
اعيش حياتي مثل ما انا ابي
وهو امسحه من قائمة حياتي تمااااااااااااااااما

اذا جاني اهلا وسهلا امضي معاه وقت لطيف وابسط نفسي وامتعها ومالي دخل في زوجته ولا غيرها
عادي ما اعتبره زوجي اعتبره صديق جا يزورني ونمضي وقت حلو بعدين يروح

ادلعه واسوي كل اللي علي مو لسواد عيونه لا وانما اكرام الضيف واجب

واذا راح من عندي بااااااااااااااي يروح مكان مايروح ماهمني
آخذ حريتي واعيييييييييييييش حياتي واعمل كل شي اتمناه
فيه أحلى من الحرية ؟؟؟
والله مافي

فكري في كلامي كويس ياصابرة ولا تجيبي لنفسك الامراض عشان شي ما يستاااااااااااااهل

والله انا قلت لزوجي اذا تزوجت ماراح اجيب لنفسي المرض بسببك وبسبب زوجتك اذا ماعندي قدرة اتحمل باروح اعيش حياتي كفاني ماجاني منك كفاني المرض والصدمات العاطفية اللي جاتني بسببه
وربي مافي احد يستاهل والله

كل انسان همه نفسه وبس محد يفكر في مشاعر الثاني
ليش احرق نفسي عشان انسان مو مهتم لمشاعري؟

عشان قلبي ؟ في حريييييقة ادعس عليه
عشان رغبتي ؟ عاااادي اللي خلقه خلق مليون واحد غيره وصدقيني كل انثى تقدر تفهم زوجها رغباتها ويتعلم على يدها فعااادي زوجك متعلم منك ومتعلم من زوجته الاولى ترى مو هو كذه فنان خلقة لا يخدعك بكلامه ويخدرك

فوقي ياصبورة فوقي واعرفي قيمة نفسك وحبيها

حبي نفسك
حبي نفسك
حبي نفسك

اه ياتالينا ياحبي لك وعشقي لكلامك
احسك تشقين نص عقلي الي مو صاحي وتصحصيه بكلامك
وانا تاكدت فعلا ان المعدد مايحب ولا وحدة يحب نفسه ويرضي غروره
تصدقي قبل لا اكتب الموضوع ارسلت له على بي رسايل بس احتقرت نفسي لاني عمري ماشبهت احد بتصرفاتي ولا عمري سويت شي الا وهو طالع من قلبي
انتي هزيتني هز بكلامك فوقتيني صدقيني
خليتيني اشتاق للحرية
انا بسافر لاهلي وبشوف اشغالي وماني مسافرة عشان هدت حيلي لا والله
بس مرتبطة باشياء تامن لي مستقبلي بعد الله بروووح ادخل بمشاريع واحقق ذاتي ومتى ما حسيت انه لي رغبة رجعت له..وراح اعتبره صديقي مو زوجي واذا جا مااراح اقصر معه بشئ وبعيش حياتي
والله امس من اقوله ارسل عادي قال اي ماعندك مشكلة وصلتني الفكرة وعرفت انه يتلذذ بهالشئ وبدليل انه ماقدر يمنعها ...تالينا انا لو ارسله غراميات ولا يتجاوب معي ويبادلني الشعور والله ماعاد يشوف مني رسالة
لكن كلن وتفكيره ومستوى عقله...تالينا الي خلاني ابعد عن المنتدى حبكم لاني ابي اتواصل مع كل وحدة حبها قلبي بشكل خاص واشرد من العموميات الي الخصوصيات
لكن قوانين المنتدى هدت حيلي ولا قدرت اكبت مشاعري وقرررت الرحيل
تالينا انا احببببببببببببببببببببببببببببببك

__________________

لا قبل لا يتزوجني ماكانت ترسل له
وترسل بوقت مايكون عندي
ابيك توضحين لي كيف زوجي مميز
ايش الي خلاك تقولي عنه كذا يعني عشان غيرة اثنين حريم عليه ولا ايش السبب

__________________

مساء الخير صابره
شوفي يا غاليه
اشوف ان التطنيش افضل علاج لهذه الحركات اقولك ليش لانها من خلال رسايلك راح تفهم انها عرفت كيف تلفت انتباهك وتثق في نفسها ان طريقتها نجحت في استفزازك فلا تتركي لها مجال وهمشي رسايلها لايروح يومك مع زوجك بالكلام عنها يومك نكد ويومها راحه وسعاده انها تشوف رسايلك وانك مقهوره وقاعده تردين لها حركاتها بنفس طريقتها
نصيحه مني تجاهلي كل شي وانسي وعيشي يومك مع زوجك لاتفرق بينكم رسايل استفزاز

__________________

لا اله الا انت سبحانك اني كنت من الظالمين

والله انك صادقة ياحبيبتي دلوعة
اسال الله ان يفرج همك
والله وانا راجعة السعودية اني دعيت لك فوق السحاب وما انساك من دعائي
الله يحنن قلب زوجك عليك ويفتح بوجهك ابواب الخير والسعد والفرح والفرج

__________________

اللهم آآآآآآآمين
جزاك الله خير الله يتقبل دعائك يارب
صابره
الزوج يحب الزوجه الهاديه اللي تريح اعصابه ماتقلقه شوفي زوجك وانتبهي لحياتك وصدقيني لو طنشتي رسايلها راح تمل وتوقف لانه ماحد عبرها لكن لو ارسلتي بتعرف انها نجحت باستفزازك وبتواصل رسايلها
الله يرزقك الحكمه والثبات والسكينه ويسخر لك زوجك ويسخر لي زوجي يارب

__________________

لا اله الا انت سبحانك اني كنت من الظالمين