اخي الكريم انا كلمت اختي وطلبت منها رايها في المشكلة ومقصد طليقته..هل يعتبر تلميح او لاء؟
تقول اختي
( انا برأيي لما قالت شاريه العشرة مو معنى هذا انها تبي ترجع لك
بالعكس اهني هي اكدت انها تعزك وتحترمك كأخ وليس كزوج
ابدا لم تقصد العودة ولما قالت هذا الكلام فهي تقصد انا مو ناسيه طيبتك وانك فعلا مو مقصر
تبي تذكرك بعد ان بينكم أولاد..
هي تعزك وتقدرك خاصة لما قالت ان هدية الولد بيني وبينك
هي تحاول توضح لك ان صورتك أمام الأولاد لازالت صورة الوالد الحنون
صدقني مافيه امرأة تطلب من زوجها يتزوج عليها إلا إذا كانت مو قادرة تحبه
هالشي مو بيدها..روحها ما سكنت لروحك
حتى مع وجود الأولاد هذا مايعني انها تحب واحد ثاني لاء ابدا
بالعكس هي تبي لك الراحة والسكينة بس مع زوجة اخرى
تبيك تعيش حياتك كأي زوج يحب زوجته وتحبه..
صدقني الحقيقة انها لو تبي العودة صج كانت استعملت معاك مية طريقة تفهم من خلالها انها تبي ترجع
بصراحة شخصية هذي المرة تشبه شخصيتي لحد كبير علشان جذي انا اكثر وحدة فاهمتها
كلمتها انها شاريه العشرة..تقصد فيها انها ماراح تنسى اللي بينكم وبتظل تذكرك بالخير دوم
انت عزيز عليها وتتمنى لك الخير والحياة السعيدة بس بعيد عنها..ما تكرهك ابدا وتعزك مثل اخوانها واكثر
نصيحتي انساها وحاول تتزوج وتبدأ حياة جديدة..وانا متأكدة اذا تزوجت راح تكون اهي اول المهنئين لك )
هذا كلام اختي..اللي ممكن يكون صح ويمكن يكون خطأ
وعلشان تقطع الشك باليقين بادر او حاول انك تسوي مواقف تخليها تتشجع وتبادر مثل ما قالت اختي على امل اللقاء..,,,
__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين
06-03-2011, 04:37 PM
ضوابط المشاركة
العرض الشجري