الله يكون فعونك حبيبتي اكيد انتي تقولي هذا الكلام بس لانك الحين فحالة غضب وقهر بس الاكيد ان شاء الله اذا ارتاحت نفسيتك بتغيري قرارك يا اختي الطلاق ماهو حل لمشاكلك استغفري ربك ليل ونهار وراح تلاحظي بالفرق ان شاء الله

رغم اللي سواه زوجك بس والله أتعاطف معاه هو يحبك يادلوعه صدقيني بس طبيعته واسلوبه الجاف هو اللي يخليه كذا
وظروفه السيئه اللي هو فيها الآن كمان زادته سوء
أعطيه فرصه يالغاليه وتوكلي على الله
وياليت لو تقدري تروحي لأهلك ولا اي واحد من أخوانك تريحي وتبعدي عن الجو اللي في البيت صدقيني تتغير نفسيتك وتهدأ
والله يوفقك ويسعدك ويفرج همك ويهدي زوجك ويحنن قلبه عليك وعلى أولاده

__________________
أشتقت لكم جداً 💔

حبيبتي دلوووووعه .. الله يعينك ويفرج همك ياااارب ..

الحمد لله انك عطيتيه فرصة .. وانتي بعد عطي نفسك فرصة .. غيري شوي من الروتين .. اعملي اشياء تغير من
مزاجك ونفسيتك شوي .. وتعرفين كل ما اقنعتي نفسك اكثر ان كل الظروف سواء الزينه او الشينه من رب العالمين
وله حكمة .. كل ما ارتاح بالك وارتاحت نفسيتك وحسيتي بالرضا اكثر ... لو الماضي يفيدنا في شيء كان ما سموه
ماضي ... انسي وعطي نفسك فرصة ايضا وابدي من اول وجديد .. زوجك في حالة نفسية وتوتر .. اذا ما تبين
تراعين حالته النفسية لا تزيدينه .. تصرفي بعقلانية .. ما دام انكم عايشين فكل لحظة هي نعمة من الله .. تقربوا من
الله مع بعض ... ادوا صلاة قيام الليل مع بعض .. تصدقوا مع بعض .. ابتعدي عن التوتر والتفكير في اللي صار ..
الحمد لله الله نجاكم منه .. انتي تستاهلين كل خير يالغاليه فاعطي زوجك فرصة ولا تعاتبينه طول الوقت .. وبإذن الله
بيتغير حاله وبتكسبينه مره ثانيه بطيبتك وقلبك الكبير .. وصدقيني هو يحبك ويبيك .. فإن شاء الله خير حبيبتي ..

ادعو الله من كل قلبي ان يوفقكم وييسر اموركم ويسعدكم في الدنيا والاخره ..

__________________

اللهم صلي و سلم على نبينا وحبيبنا محمد عليه أفضل الصلاة و السلام و بعد أختي الحبيبه الغاليه دلوعة كيف حالك إن شاء الله تكوني بأفضل حال يارب وإسمعي يا أختي أنا شغل بالي شئ من كلامك مع زوجك وعندي علامة إستفهام على كلامه ومنها قوله بأنه كل ما شافك يتضايق ليش يتضايق وش الشئ إللي يحس فيه تجاهك
وشكيت إن زوجك فيه شئ مو طبيعي أبد في حياته مغيره وقالبه عليكم فأنا من رأي إنك تخلينه يرو ح لأحد الرقاة الثقاة و يرقيه الرقية الشرعية يا أختي هناك أناس ماتخاف الله في عباده وكل همها تسحر البشر وتشلحه مافوقه وتحته وزوجك سافر لديره الله أعلم وش صار فيه هناك وإلا أنتي فكري بعقلك الفلوس إللي أخذها منك وين صرفها يا أختي المواطن الخليجي ككل العين عليه يمشي وكأنه بنك مصرفي متحرك و عيال الحرام والطماعين كثيرين ولاتستبعدين إن زوجك صابه شئ من هاذا القبيل في هاذي الدوله والله أعلم شكله أنعمل له عمل وغاب عقله وأرتكب غلطته ومن ثما شلحوه فلوسه أو تم إبتزازه بعد إللي سواه هناك وساوموه على فضحه أو دفع المال لهم وفي كل الحالات زوجك وقع ضحية وإللي يمر فيه زوجك الحين من ضيق وحاله نفسيه هو بسبب ما أصابه هناك تحصلينه مأثر على حياته معاكم وأنتبهي لهاذي النقطه زين لأنه مستحيل شخص يصرف مبلغ مثل المبلغ إللي ذكرتيه في عدة أيام قلائل
أنتي أطلبي من زوجك إنه يرو ح
لأحد الرقاة ويرقي نفسه بس أنتي تعالي له من ناحية الشك والوسواس قولي له يمكن عندك عين أو حسد وماينفع معاك إلا إنك ترو ح ترقي نفسك
عند أي شيخ ثقه وأنا برو ح معاك بعد خلنا نرو ح سوى لعلا وعسى ربنا يفرجها علينا وإنتبهي تطلبين الطلاق يادلوعه زوجك بحاجتك وزوجك يحبك بس عنده شئ يخليه يتصرف كذا وربنا أعلم وش هاذا الشئ أنتي إصبري عليه و أعطيه فرصه إن شاء الله يتحسن الحال و يرجع لك مثل أول وأحسن يارب الله يوفقك ويصلح حالك أنتي وزوجك ويألف في مابين قلوبكم بالمحبه والوئام والموده اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

يمكن صحيح ليش لااااا
والله لفتي انتباهي لشيء غايب عن فكري
الله يستر عاد هو مايحب الرقاة ابد

__________________

لا اله الا انت سبحانك اني كنت من الظالمين

حبيبتي

مامر به زوجك والعياذ بالله كفيل لتعبه النفسي ولتعبكم الجسدي

ولكن
جربي القران والعسل فهم كلهم خير وعلاج لااي مرض سواء زوجك معيون او لا

انتي بنفسك
اقريء المعوذتين والكرسي واكيد عندك من المطويات اللي بها كل الاذكار المهمه
او ابحثي عنها بلنت

واقريها بموية الشرب

يعني اقريء بكوب ماء ثم صبيه بدبة المويه
وباذن الله تشفين ويشفى زوجك مما اصابكم
وكذلك
ملعقه عسل بلصباح مع حبه سوداء


القران علاج لااي مرض باذن الله فهو خير ,

__________________
اللهم فرج همي وهم كل مسلم ...

ممكن كثييييير كلام الاخت بنت الحكمي ..... بس كمان ممكن يااخت دلوعه لانه حاس
انه مقصر بس مغلوب على امره او مبتلى ...
حاولي يروح لشيخ او احد يجيه البيت ..

بالتوفيق ..

الله يكون بعونك حبيبتي

متابعة معاك : (

شوفي إذا زوجك مايحب يروح لرقاه ترى أخوه عندي زوجي نفس الشئ مايرو ح لرقاة أذكر مرة صابته حساسيه بجسمه كامل وأمتحنته تسلخ جلده تسليخ وكل ما أقول له روح إرقي نفسك يقول أنا بخير مافيني شئ هاذا بس البيض يسبب حساسيه ومره يقول السمك يجيب حساسيه رغم إنه طول عمره ياكل بيض و سمك بس كلامه تصريفه ليه وأنا لو أقول راسي يوجعني يقوم بنفسه يقرأ عليه آيات الرقيه ويقول أوديك لشيخ يقرأ عليك بصراحه أتعجب منه بس أنا ما تركته كان عندي زيت زيتون مقري عليه وأجلس حتى في اليل وأجيب صحن وأحط فيه زيت زيتون من المقرؤ عليه وأسخنه شوي وأقول له بسوي لك مساج دافي عاد هو يفرح يموت في المساج وأدلكه من راسه حتى رجوله وأستمريت على كذا حول أسبوع والحمدالله إبتدت تخف وآخر شئ إختفت من جسمه .
وأنتي الحين كل إللي عليك تخلين أي واحده من أخواتك أو صديقاتك إللي تثقي فيهم تجيب لك ماء وزيت زيتون مقري عليه
والماء خليه في جركل كبير وزيدي عليه مويه كل مانقص شويه إخلطي معاه ماء إضافي علشان مايخلص عليك الماء وكل ماطلب ماء أعطيه يشرب منه بدون مايدري وبالنسبه للزيت جيبي قاروره ثانية وكل مانقص زودي عليه من العلبه الثانيه علشان مايخلص وخليك حتى عيالك ينامو ا وأستعدي زين ألبسي أحسن لبس
وإ كشخي زين وسخني لك شوية زيت زيتون من اللي مقري عليه ودقي عليه باب غرفته وأطلبي منه إنك تسوين له مساج دافئ ودلكيه تدليك صح وأستمري على كذا وبتشوفي نتيجه مذهله بإذن الله تعالى وبالنسبه لسالفة نومكم منفصلين عن بعض هاذا شئ غلط إللي تسونه وهاذا هو سبب تبلد وبرود أحاسيس زوجك تجاهك لأنه كل ما أبتعدتوا عن بعضكم كل ماصارت هناك فجوه بينكم وجفاء وبرود لمشاعركم كل واحد تجاه الآخر أنتي بادري قولي له أنا يبو فلان بنام عندك أحس إني خايفه وأنا أنام لحالي معاك أنا أحس بالأمان
جنبك وتلزقي فيه و لامسي جسده بيدينك أحضنيه لاتقولي ما أقدر لا تقدرين ونص أنت زوجته وعايشه معاه كأنك غريبه زوجك إذا إنتي ما دخلتي
لقلبه و حسستيه بمسامحتك له ماراح يرجع لك بسهوله أنتي عليك نصف العلاج الحين زوجك خايف يطلبك للفراش وأنتي ترفضينه علشان إللي سواه وخايف من ردة فعلك تجاهه لو طلب منك العلاقه الخاصه فما فيها شئ إذا أنتي بادرتيه أقل شئ بكلمات تلمحين له مثلا تقولين له بعد هاذي المده كلها ما أشتقت لنا ولا تحركت مشاعرك تجاهنا ترى حنا فقدناك وفقدنا حضنك الدافي الحين أنتي حسسيه إنك راغبه فيه السكوت يا أختي يجيب الموت ماراح يفيد السكوت أنتي كما يظهر لي إنك غير صريحه مع زوجك في الأمور الخاصه وما عندك الجرأه إللي تقدري تصارحينه فيها وإلا تفاهمي معاه قولي له تعال حبيبي خلنا نتفاهم شوف أنت غلطت وأنا سامحتك وأسأل الله أن يغفر لك ذنبك فما فيه داعي لهاذي العزله والإنطوا ئيه أنا في حاجتك عيالك في حاجتك نبغى نرجع مثل أول أسره سعيده ومتماسكه ونحب بعض ونخاف على بعض حنا مالنا غيرك بعد الله عز وجل وأنت تاج رؤسنا وسندنا بعد الله عز وجل خلنا نطلع ونسافر نروح مكه نغير جو في رحاب بيت الله ونصلي هناك وندعي الله أن يوفقنا و تتصافى القلوب ونفتح صفحه جديده ونعيش حياتنا مثل الناس عيالنا في حاجتنا وحاجة
حنانا وعطفنا عليهم مو كل واحد منا يجلس بغرفه لوحده يندب حضه على مافات أنتي يا دلوعه لازم تصيري دلوعه على زوجك بصدق وحقيقه إقرأي كلامي هذا وأمعني فيه جيدا نسأل الله لك التوفيق والسداد .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يفرج همك ويفك كربتك ويسعد قلبك غاليتي دلوعه
اللهم أمين
لاتحزني فأن بعد العسر يسرا أنصحك حبيبتي بقراءت كتاب لاتحزن للشيخ عائض القرني باأذن الله رح يريحك كثييير

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.