المشاركة الأصلية كتبت بواسطة موهبة الكويت

ماشاء الله موضوع رائع بالفعل

باقولج قصتي مع الرياضة

انا كنت من اعداء الرياضة بالنسبة كانت تعب على الفاضي

صحيح اني مو سمينة يعني وقتها كانت وزني تقريبا 57

بس لما تزوجت - اول زواج- كان اللي ماخذني يموت ويحيا بالرياضة

وبعد ما ولدت وتوفيت بنتي عملت تخفيف في فترة النفاس

فنزلت جم كيلو

وبعدها هو طلب مني اسجل بنادي

وبعد شهرين انفصلنا

فكانت ردة الفعل اني حطيت حيلي بالرياضة

2-3 ساعات يوميا

وظليت مستمرة سنتين متواصلين

طبعا شكلي تغيرا راسا على عقب وصارت عندي معدة مثل السباحات وبطلات هوليوود

وبعدها رحت البحرين ادرس الماستر - الله يفرج على اخواننا -

واستمريت بالمشي

3 مرات بالاسبوع نص ساعة

طبعا سمنت وتغير جسمي

والحين لما تزوجت

واول ما ييت لندن ومع البرد سمنت 3 كيلوات

وزوجي بعد سمن اكثر مني

وحاليا انا معاه في رجيم عشان نرجع الكويت واحنا على سنقة عشرة

اهم ما في الموضوع انه هو معاي ومشجعني