ماشاء الله تبارك الله الأخ البليغ والأخ رجل رجال ماعاد خلو لنا شئ نقوله سبقونا في فعل الخير الله يجزاهم خير والحمدالله إن زوجك تجاوب معاك ورد على رسالتك وأنا بقول لك شئ واحد بس وهو قفلي آذانك قفلي آذانك من كلام بعض الحريم الفاضيات
ترى ياما بيوت تهدمت وسبتها نصايح بعض المخربين إنتبهي زين ترى والله ماتاكلينها إلا أنتي
لحالك ومدام زوجك جهز لك بيت وش حقه باقي جالسه عند أهلك خلاص إللي طلبتيه نفذه لك وخذي شنطتك وزهبي عفشك وروحي بيتك ياالله أمشي بلا دلع بنات الحين زوجك ميت على شوفتك بس نفسه عزيزه عليه وحاط في خاطره شوي وأنتي تعرفين يا أختي شكله مسكين الحين يتعرض لكثير كلام من أهله بسبب روحتك عند أهلك فأنتي رجعي لزوجك كبريائه عند أهله حتى يحس إنك رجعتي من حبك وإشتياقك له وبنفس الوقت قولي له أنا أقدر تعبك وأنت ما حطيت لي بيت لحالي إلا علشان تهمك راحتي وسعادتي وأنا أوعدك ماراح أنسى الشئ هاذا لك أبد وأنا الحين رديت لك ونبغى نفتح صفحه جديده مع بعض ونشوف حياتنا ومستقبلنا وأنتي إنسي المشاكل الماضيه كلها حتى لو زوجك جاب طاريها حاولي إنك تلطفي الجو وتغيري السالفه بطريقتك وأنا قلت لك عندي كلمه بس طلعت مني كلمات وأسترسلت بالكلام معليش المعذره و أسأل الله أن يوفقك ويسعدك أنتي وزوجك ويرزقكم الذرية الصالحه يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله