اخوي احمد

عدت فقط لاني تذكرت جملة من بعض الاعضاء تكررت

وهي انها عين عمك وبيته

لا يا احمد لا
لا تخلي هذا التفكير يسيطر عليك

نعم العين حق لكن اننا نحدد المصدر ونتاكد منه فهذي جنايه

ومين في حق عمك اللي ضفك من كنت صغير واكيد حبك وانت اغلى عليه من عيونه ومو هاين عليه يشوفك تتعذب ويسكت ولا كأنه شاف او سمع وبنت عمك لا تلومها اذا تحبك ماشااء لا قوة الا بالله مواصفاتك حلوة وفوق كذا انت قدام عينها من سنين

وقضيه انهم استغلوا خلافك مع زوجتك انا اشوف انه من الحب والاحتواء

ولد عمك شافك في مشكله وانت ضايع ولجأت له بالله عليك بيحط خد على كف ويناظر فيك ويقول روح حل مشكلتك بعيد عني اكيد لا راح يساهم مساهمة الاخ المحب المخلص ومساهمته جت على حسب تفكيره ونظرته للحياة ومعرفته فيك وبأخته

بما انه حياتك قاعدة تنهار فخلاص الحل عندنا تعال خذ بنتنا وارتاح من الهم وهذا اضافه على معروفهم عليك من قبل يعني هم الان ( وحقهم >> حطها في بالك ) يشوفون انهم يقدومون لك الخير والخير بعد الخير

انا وانا بنت والله لو اعرف ولد عمي في مشكله مايهون علي لاني تربيت معاه وما اتمنى شي يضره مثله مثل اخواني بالضبط

احمد بالله عليك لا تحط في خاطرك شي مو كويس على عمك وبنته بالعكس اعتبر هذا من المعروف الكبير اللي يقدمونه لك

والله يجزاهم خير بس مثل ماقالوا الاخوان حرام تظلم بنت عمك اذا مالك رغبه فيها
وعمك انت اعرف الناس فيه واكيد تعرف كيف الباب الاصلح في دخلتك عليه ورفضك لبنته بحكمه وتعقل وباقل قدر ممكن من الاحراج

اعتذر للاطاله

والله يوفقنا جميعا

__________________