الحمد لله مبروك أخوي والله يوفقك .

أخوي أنا شفت زوجتي من ثاني يوم بعد ما خطبتها . يعني اليوم خطبت . قال لي أبوها تعال بكرة شفها . وهذا قبل الموافقة سواء مني أو منها وما بعد سألوا عني . لكن الحق أن الزوج لازم يشوف زوجته وهي تشوفه ليكون بعدها الحكم في بقية الأمور . أما أن الواحد يخطب مجهول وهي تقبل رجل مجهول فهو يذكرني ببيع الغرر والجهالة فليس لأهل أي فتاة أن يمنعوا الخاطب أن يرى ابنتهم خاطبها ، وهذا في صالح ابنتهم وفي صالح الخاطب .

وأستغرب أكثر مثل حالتك يا أخي . يعني تملكت عليها وصارت زوجتك وتقول جت الشوفة منهم !!! بعد أيش ؟ هذا حق من حقوقك لأنها زووووجتك وليست بمنتهم . وأول مرة أشوف واحد ما يشوف زوجته إلا بعد مدة من الملكة . ما شافها أثناء الخطبة نبلعها ، لكن ما يشوفها بعد الملكة إلا متأخر فهذي اللي ما تنبلع وعلى العموم أخوي الله يوفقك ويسعدك ، وراح تكون هالأمور من الذكريات الجميلة في حياتك إن شاء الله . واحمد ربك أنك ما خفت لا تقوم وتختبص ويصير لك مواقف حرجة معها وتمسكها عليك طول العمر وتعيرك بها ( بالمزح ) مثل اللي صار لي أول ما طلعت معها بعد ليلة الزواج ضيعت مكان الفندق اللي كنت أبغى أروح له مع أن مكانه معروف ، وهي إلى اليوم تذكرني بها