حمد الله على سلامتك يالغلا والله لايعيدها عليك أما أنا الحمدالله ماقد سارت معي لحالي بس مرة صارت معانا أنا وزوجي وعيالي كنا مسافرين ديرتنا إجازة وقفلنا بيتنا وأخذنا المفتاح معانا ورحنا طال عمرك قضينا إجازتنا وأنبسطنا شهر كامل عند أهالينا عقبها خلصت إجازة زوجي ورجعنا للمنطقة إللي كنا ساكنين فيها عاد وصلنا وحنا هلكانين من التعب مسافرين بالبر على سيارتنا 2000 كيلو وصلنا بيتنا تقريبا الساعة 2 باليل ونزلنا من السيارة عند باب البيت قال زوجي جيبي المفتاح بفتح الباب
قلت له المفتاح معاك قال لا أنتي آخر وحدة طلعتي من البيت ذاك اليوم وحنا مسافرين
المهم جلسنا معاك قال معاكي وآخر شئ قال زوجي والحل الحين وين بنلاقي لنا نجار في ذا الوقت يخلع لنا الباب جلسنا شوي نفكر وكان الشارع فاضي وجيرانا كلهم مسافرين
عقبها طرت لي فكره وقلت لزوجي جيب مفتاح الكفر حق السيارة وجيب لي حجر أو قطعة طوبه وماقصر راح جابها
وشلتها وحطيت مقدمة مفتاح الكفر بين الباب والكيلون حق المفتاح وأضرب عليه بالحجر مرة أنا ومرة زوجي إلين خلعنا الباب ودخلنا بيتنا كان لو مرت علينا أي دورية بالشار ع من الشرطه وحنا بهاذاك المنظر نخلع الباب في ذاك الوقت المتأخر كان كمشونا يحسبونا حراميه نبغى نسرق بس ربك ستر علينا المهم بعد ماجلسنا وريحنا شوي جينا نبغى ننام إلا وباب البيت مخلوع كيف ننام وباب الشارع مفتو ح وباليل عاد أختك في الله عندها خبره شوي بتركيب كوالين الأبواب ورحت فتحت كيلون باب المجلس الداخلي وركبته بدال
الكيلون الخربان إللي خلعناه وقفلته ونمنا طبعا غيرت القطعه إللي يدخل فيها مفتاح الباب فقط طولها قد الإصبع تفكها وتطلعها وتركب غيرها وبالأخير طلع مفتاح بيتنا عند أهله بالديرة أخذه واحد من العيال من در ج السيارة وجلس يلعب فيه وطيحه في بيت جدانه
والحين صار لي درس صرت أنسخ من مفاتيح الأبواب الخارجية من كل باب نسخة ومن مفتاح السيارة نسخة وأحطها بشنطتي وين مارحت تكون موجودة معي لأن زوجي حتى مفتاح السيارة كثير أوقات ينساه داخل السيارة و يقفل عليه فيضطر ياخذ النسخة إللي عندي والحمدالله عقبها ماعاد صار لنا شئ من هالمواقف
أنتي حاولي تنسخي لك نسخة من مفتاح الباب وخليها معك بشنطتك أو محفظتك و ين مارحتي تكون معك لوقت الطوارئ .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله