المشاركة الأصلية كتبت بواسطة روح الطير

- أمس خرجت من البيت و لإنه الجو جاف و كنت مغسلة الصحون ،.
فقمت دهنت بس ( كفّي ) بالكريم .. لإني بعد ما أغسل الصحون أدهن يديني بالكريم ..

و مانتبهت إنه الكريم ( معطر ) و الحمدلله إني عمري ما تعطرت قبل لا أخرج من البيت
و يوم ركبت السيارة عشان بأروح السوق، زوجي قال لي : من فين ريحة العطر ؟
( مع إنه زوجي عمري ما حسيته يغار )
قلت له كريم و مانتبهت إنه معطر ..

جاب لي قارورة موية و قال دحين تغسلي يدك..
و ليه تدهني كريم قبل لا تخرجي ووو إلخ

و غسلت يديني و أنا ( ميييييييتة من الضحك ) ..
عجبني شكله و هو كذا يوقف السيارة و يجيب قارورة موية ووو إلخ

( زي هذه المواقف ما تزعلنا يا رجال ، بالعكسسس .. زوجي و حريص علي ..
و أمر ما يخالف الشرع و لا الدين )

-------------------------------------

لكن ..

أروح البنك مع زوجي عشان تجديد البيانات و تغيير كلمة السر و غيره من مصالح تخصني ،.
و لإنه ما عندهم فرع نسائي ، فجلست أنا و زوجي قدام مكتب الموظف ..
و طبعا المكاتب مفتوحة و ماهي داخل ( غرف منفصلة ) ..

و الموظف بدل ما يعطيني الجهاز عشان أدخل كلمة السر ..
يقوم يعطيه لزوجي و يقول له ( دخل كلمة السر ) للبطاقة ..
و كأني ( رجل كرسي قدامه ) ..؟؟؟؟؟

و الله كنت بأشتكيه للإدارة و إنه يسيئ معاملة و خصوصية العملاء .. بس سكتت عشان زوجي ..
و الحمد لله إنه زوجي أصلا محترم خصوصياتي في اللي تتعلق بالبنوك ..


و على العكس في الخارج ، يوم رحت للبنك عشان أراجع بشئ يختص بحسابي و زوجي واقف معاي ..
الموظف سألني ، تسمحي لأحد يدخل معاك و لا لأ ؟
قلت له إيوة ممكن ..

و يوم جلسنا أنا و زوجي أمام مكتبه ،، قام الموظف يغير جهة الشاشة عشان ماحد يقدر يشوف
كشف الحساب تبعي و خصوصيات حسابي ..


و الموظف اللي عندنا ، مخلي ظهر الكمبيوتر علي ..
و الشاشة أمامه و أمام زوجي ..

( هل الشئ هذا في الشرع و لا الدين ؟؟؟؟ أم إنها نظرة ذكورية ) ؟؟؟

المشاركة الأصلية كتبت بواسطة امير العزاب

اختي الموظف اعطى الجهاز زوجك احترام له حتى زوجك يعطيك الجهاز هذا امر طبيعي

يدل على لباقة الموظف واخلاقه العالية وليس كما تصورت

المشاركة الأصلية كتبت بواسطة روح الطير

أخوي أمير العزاب ..
عقبال ما تصير أمير المتزوجين

ترى أعرف أفرق بين إنه لو أعطى الجهاز لزوجي احتراما له حتى زوجي يعطيني الجهاز ..
و بين إنه يكون غير محترم لخصوصياتي ( لإني إمرأة ) ..

لكن كان بيسأل زوجي ( كم الرقم السري اللي تبغاني أدخله ؟ ) ..
و الجهاز ماسكه و يعطيه لزوجي و يتكلم معاه و يقول له ( دخل الرقم السري )
و لا كأني موجودة .. و الجهاز سلكه قصير و ما حأوصل له ، فاضطر زوجي يدخل الرقم ..
و أنا ما حأحرج زوجي و أقوم من مكاني و أدخل الرقم ..

و كان ممكن يقول لزوجي ( خليها تدخل الرقم السري ) ..
مو صعب ترى

.
.

و موقف ثاني حصل من نفس الموظف و بعد ما دخلنا البيانات و حدثناها ..
طلبت يطبع لي كشف الحساب تبع 3 أشهر ، طبعا كلمت زوجي و زوجي قال له ..
قام الموظف طبعها و أعطاها لزوجي و هي ( مكشوفة و واضحة )
لا هي مطبقة و لاشئ .. و الشاشة كمان ظاهرة لزوجي ..

و الموظف يدري إنه البيانات تخصني ..

.
.

و قبل كم سنة ، كنت يوم اتصل عالبنك .. و زوجي يكلم الموظف و يقول أنا زوجها ..
كان عادي الموظف يعطيه البيانات ..

بس دحين تعدلت معاملتهم ،، و صار ممنوع أحد غيري ( صاحبة الشأن ) يكلم الموظف ..
الموظف يطلب من زوجي إني أنا اللي أتكلم ، لإنه ممنوع و خصوصيات العميل ..

.
.

و موقف أخير ..

كنت بأسحب مبلغ كبير من حسابي .. و زوجي أعطاهم دفتر العائلة ..
و الموظف سحب لي المبلغ من غير ما يطلب إني أوقع من جديد على ورقة عشان يتأكد من التوقيع

يعني لو واحد بيسرق من حساب زوجته مثلا مثلا ..
فممكن ياخذ أخته + دفتر العائلة + بطاقة حساب زوجته و خلاص ..

.
.

ما أدري ؟
يمكن لإني شفت الفرق بالتعامل مع الخصوصيات بين هنا و في االخارج ..
و ما عندهم فرق بين إنك ( إمرأة ) أو ( رجل ) ..

المشاركة الأصلية كتبت بواسطة روح الطير

أخوي أمير العزاب ..
عقبال ما تصير أمير المتزوجين

ترى أعرف أفرق بين إنه لو أعطى الجهاز لزوجي احتراما له حتى زوجي يعطيني الجهاز ..
و بين إنه يكون غير محترم لخصوصياتي ( لإني إمرأة ) ..

لكن كان بيسأل زوجي ( كم الرقم السري اللي تبغاني أدخله ؟ ) ..
و الجهاز ماسكه و يعطيه لزوجي و يتكلم معاه و يقول له ( دخل الرقم السري )
و لا كأني موجودة .. و الجهاز سلكه قصير و ما حأوصل له ، فاضطر زوجي يدخل الرقم ..
و أنا ما حأحرج زوجي و أقوم من مكاني و أدخل الرقم ..

و كان ممكن يقول لزوجي ( خليها تدخل الرقم السري ) ..
مو صعب ترى

.
.

و موقف ثاني حصل من نفس الموظف و بعد ما دخلنا البيانات و حدثناها ..
طلبت يطبع لي كشف الحساب تبع 3 أشهر ، طبعا كلمت زوجي و زوجي قال له ..
قام الموظف طبعها و أعطاها لزوجي و هي ( مكشوفة و واضحة )
لا هي مطبقة و لاشئ .. و الشاشة كمان ظاهرة لزوجي ..

و الموظف يدري إنه البيانات تخصني ..

.
.

و قبل كم سنة ، كنت يوم اتصل عالبنك .. و زوجي يكلم الموظف و يقول أنا زوجها ..
كان عادي الموظف يعطيه البيانات ..

بس دحين تعدلت معاملتهم ،، و صار ممنوع أحد غيري ( صاحبة الشأن ) يكلم الموظف ..
الموظف يطلب من زوجي إني أنا اللي أتكلم ، لإنه ممنوع و خصوصيات العميل ..

.
.

و موقف أخير ..

كنت بأسحب مبلغ كبير من حسابي .. و زوجي أعطاهم دفتر العائلة ..
و الموظف سحب لي المبلغ من غير ما يطلب إني أوقع من جديد على ورقة عشان يتأكد من التوقيع

يعني لو واحد بيسرق من حساب زوجته مثلا مثلا ..
فممكن ياخذ أخته + دفتر العائلة + بطاقة حساب زوجته و خلاص ..

.
.

ما أدري ؟
يمكن لإني شفت الفرق بالتعامل مع الخصوصيات بين هنا و في االخارج ..
و ما عندهم فرق بين إنك ( إمرأة ) أو ( رجل ) ..