كنت متوقع هذا السؤال

تقول شي تافه .. طالما هو شيء تافه فهل يستحق الموضوع كل هذا العناد ؟؟


والجواب كنت كاتبه ..

المسأله مسأله تقدير لرغبة الزوج .. بمعنى .. اذا طلبت مني خطيبتي شي معين _ مهما كان_ وعرفت من خلال سؤالها وطلبها المتكرر ان هذا الشيئ مره مهم بالنسبه لها .. ( وانا اقدر اسويه ) او على الاقل ماعندي اعذار مقنعه .. اذا طلبت مني هذا الشيئ .. اكيد راح اسويه لاني مستعد اتنازل عنه لأرضاء زوجتي لأنني فعلاً احبها ولا ارغب ان اخسرها علشان شيئ ( اقدر اسويه ) او شي تافه مقارنه برغبة خطيبتي القويه !


وانا معك لو كان الزوج قادر ان يسفر زوجته شهر عسل او يجعل العرس في قاعه افراح .. لكن الرجل رافص بدون مبرر !! .. ويعرف ان هذا الشيئ مهم جداً بالنسبه للطرف الاخر ( الزوجه ) .. فهذه بلا شك انانيه من الزوج وبالفعل _ على حسب تقديري_ انه لايملك الاستعداد او القدره على التنازل لزوجته عن اشياء اخرى مستقبلاً .. وهذي تعتب قطعاً انانيه ..

اكيد ان اي شي من هذا القبيل اعتبره تافه ( قاعة عرس, عبايه , شهر عسل ) اعتبره تافه مقارنه باني اتخلى عن شريك حياتي من اجل هذا السبب .. يعني بالعربي وشهي العبايه اذا كانت على الراس ولا على الكتف بالنسبه لرضى زوجي ... هل يعقل اني اخسر زوجي علشان هذا السبب ( لا تنسين ان الزوج ماشاء الله مب مقصر في اي حاجه ! )

يعني بالعربي هل تبيعين زوجك من اجل لبس عبايه والله ع الكتف ولا على الراس

نكون منطقيين شوي !


ارجوا ان تكون الفكره وصلت لك يا اختي الكريمه ...

مهي اجابة مقنعة .. تقدير الشريك ليس على حساب حقوقي او الاشياء الي تخصني !!

ممكن اجامل واسوي شي ماني مقتنعة فيه عشان زوجي .. لكن شي عابر وتحت ظروف معينة
لكن .. ليس شي دائم مدى الحياة ! ما اقدر امشي على سلوك معين ماني مقتنعة فيه مدى الحياة
بس عشان زوجي يبي !!

لو ان العباية كانت ضيقة - ملونة ومزركشة بشكل لافت للنظر ممكن يحق لزوجي
يتدخل .. اما مسالة الاختيار بين عباية راس او عباية كتف (واسعة وخالية من الزينة) فالامر
يرجع لي انا تماما .. ما لزوجي حق يفرض كلمته علي اي عباية البس ! يقول رايه اقتنعت انا
طبقت ما اقتنعت سويت الي انا مقتنعة فيه .. والمفروض هو يتقبل هالشي .. لسبب واحد على الاقل :
مو شرط يكون راضي عن كل شي اسويه بحياتي .. اسولب معيشتي وسلوكياتي وقناعاتي مو شرط
تكون مبرمجة على مزاجه !!

تقول :



اذا ابدا رايه وانا رفضت .. انتهى الموضوع خلاص بستمر معه ..

لكن ..

اذا وصل الامور لهالحد .. وسوا فيها مسالة حياة وموت !! والله ابيعه بالراحة ..
اصلا كونه رافض يتقبل هالشي (مع انه مو كبيرة من الكبائر) وكونه
وصل مرحلة العناد وفرض الراي وانه يربط بين معزتي له وبين هالشي .. معناها واضح .. معناها انه هو اصلا مستعد يستغني عني عشان هالعباية .. فشي طبيعي بيكون لي نفس ردة الفعل .. وابيعه بالراحة !

لان انسان كذا بدى حياته معي .. وعطى نفسه الحق يكون وصي علي بهالشكل البشع
كيف بطمئن بعدين انه بيكون متسامح ومرن ويتقبل الاختلافات ؟؟ كيف بطمئن ؟؟

الا اقطع الشك باليقين .. وكلن بطريقه !!

__________________
شتان .. بين من تسيره مبادئه ، ومن تسيره مصالحه

الرد بالاخضر طال عمرك