قصة زواجي وطلاقي - منتدى عالم الأسرة والمجتمع

29-08-2011, 02:18 PM

#16

عضو مميز

تاريخ التسجيل: Apr 2006

المشاركات: 461

السلام عليكم

طيب يا اختي الغاليه شكلك من النوع اللي قلبه طيب و حلو منك انك لسى تربي عيالك

بس تدرين الكلام في الماضي ما ينفع بس في شي ممكن انورك فيه و أنور الأعضاء

السبب في الل صار لك كله من طرف واحد

اقتباس:

لكن قريبات زوجي كانو يكرهوني كره مو طبيعي وذا كنت في مجلس

اقتباس:

وفي يوم جت اخت زوجي عندنا وكنا نتكلم قالتلي اصدقي ان اخويه كان مررره متمسك فيك حتى بعد ما قلنا خلاص سيب البنت احنا ما نبغاها انا انصدمت قلت ليش ؟قالت بنت خالتي الله يهديها كانت تقول انك مشيك بطال وانك تخرجي مع شباب
وكلام كثير ونصحونا ان نفركش الخطوبه بس اخويه مارضي قال ما اتزوج غيرها وبعد ما عشرناكي شفناك طيبه ومحترمه ومنتي صاحبت حركات

طيب الواضح الحين ان السبب الرئيسي كان هنا

بقلك على شغله ليا عم توفى في شهر شعبان وهو حكاني عن ابويا ان صارت له قصة
وقتها كان خاطب بنت من اجمل بنات الحارة والكل يعرف عنها وجا يوم صاحبه (عارفه ايام زمان كانت العيشة بسيطه و الناس قلال والمدن صغيرة فصديقه وزميلة بالعمل كان جارهم) قاله انت ويش تبي بها البنت صدقني ما تنفعلك .. هنا ابويا قال ليش الرجال قاله لأني كنت اكلمها بالتلفون ... (ووقتها كان عندهم عيب ان البنت تكلم تلفون) ... هنا ابويا فسخ الخطوبة على طول ولما كلمه عمي وقاله احس ان الرجال كذاب ويبي يخرب عليك .. هنا ابويا رد رد مره مهم .. قال
أدري انه كذاب وانه يبي يخرب علي بس اهو دخل الشك في نفسي فما ابغى اظلم بنت الناس لأني ما اقدر اضبط اعصابي وقتها او ارتاح من الشك فيها..
و فعلاً مرت 4 شهور وتزوج الرجل تلك المرأة وعاش معاه الى اليوم 40 سنه

ويا اختي الغاليه في مثل يقول ان من البيان لسحر
ففي ناس يفهمون كيف يمشي المجتمع عدل ويسلكون نفسهم فيه عدل وماهمهم لو يدعسون على غيرهم او يخربون بيوت الناس عشان يوصلو للي يبون .. وهذا كان غرضهم..

طليقك بمقاومتهم لكلامهم وبحبه لك ما اعطاهم المجال عشان يوصلو للي يبونه ... لكن الشك دخل قلبه ولعب بحسبته ..

و صدقيني طليقك مو مسحور الا ان الشك دخل قلبه من بداية زواجكم والأمور اللي حدثت لك قبل الزواج عادية جداً ... وانتي لأنك كنتي معميه عن السبب فبحثتي عن اسباب منطقيه لما يحدث ووجدتي ان السحر اكثر حل معقول بما ان اقاربه يكرهونك..

لكن طليقك ظلمك وظلم نفسه بتسرعه وانتي كنتي ضحيه ... شوفي يوجد حل لمشكلة الشك كان التصرف السليم وقتها يوم عرفتي السبب اللي خلاه يشك والكلام اللي وصله ان تستشيروا اخصائي اجتماعي و تفكوا السبحه قدامه عشان يقدر يوصل لعلاج لدوامة الشك النفسيه اللي عاش بيها طيلقك .. اللي انهى زواجكم هو قلة الوعي بما يحدث ...

وعن نفسي كان اول ما عرفت ان الناس ذيك تكلمت علي مافي غير اني اروح لهم البيت وقدام اهل زوجي اغسلهم بالتهزئ .. واقول لزوجي على كل اللي صار واقطع رجلي من بيتهم عشان يعرف اني ما استهون بعرضي ولا بأي انسان تكلم فيه واطمن قلبه من ذي الناحيه..

(لا تقولي صلة رحم) تكفي مكالمات التلفون .. في من الأقارب من هم عقارب و ممكن يخربون حياتك ويهدون بيتك ... فلا ضرر ولا ضرار... وخلك بعيد حبك يزيد .. وناس يكرهوني ليش ازورهم اصلاً..

وطبعاً هذا كلام في الماضي ولا منه فايدة الحين ..

قولي الحمد لله انتي انسانه متعلمة وبوظيفتك وممكن تربين عيالك .. وحق النفقه جاي ولو فكرتي في الكلام اللي قلته لك وجا يوم طليقك يبي فيه يرجعك حاولي بطريقه غير مباشرة تطبيق الخطوات اللي قلت لك عليها وصدقيني بتنتهي كل المشاكل..

اتمنى لك الحياة السعيدة وحاولي تكوني منتبهه اكثر مستقبلاً لما يجري حولك

__________________
بلادي بلادي منارالهدى ومهد البطولة عبر المدى عليها ومنها السلام ابتدى وفيها تألق فجر الندى بأسم المهيمن حامي العلم وعزم السيوف وهدي القلم

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه