السلام عليكم يا دكتور
النهاردة انا جبت دفتر المتابعة و في تحليل البول بس فحصوا البروتين و السكر و النيتريت و الدم و كلها و لله الحمد سليمه بس ما كانش فيها نسبة الmicroalbuminuria منفصلة ولو اني اتوقع انها تبع البروتين فهل تنصحني اعيد التحليل تاني لما انزل مصر و اطلب منهم نسبتها و لا كدة وضحت الامور بالنسبة للصداع لأن اكيد حضرتك عارف ان هنا في المانيا ما ينفعش اروح اعمل تحليل كده مع نفسي و اطلب اللي انا عايزاه
بالنسبة للهيموجلوبين فهو الحمد لله وصل اخيرا 12.6 بعد فترة علاج بالحديد حوالي 4 شهور و لسه انا باخد الحديد فيا ترى اكمل اخده طول الوقت ولا اوقفه و ابدا بالماتيرنال فايتامينز بعد ما اكمل ال12 اسبوع
اخر سؤال هو الادوية اللي زي ال ديسفلاتيل اللي بتكون عبارة عن مادة تمتز الغازات اللي في البطن و تسهل خروجها... داي ميثيكون... هل ممكن استعملها ولا لأ لاني احيانا بحس ان معدتي بس مش الامعاء اتملت هوا و الضغط جواها مؤلم جدا و الهواء اللي جواها مش بيقدر يخرج لعدة ساعات و قبل الحمل كنت باستعمله و كان بيريح جدا
18-10-2011, 11:36 PM
ضوابط المشاركة
العرض الشجري