السلام عليكم..
اختي العزيزة الله يجمع بينكم على خير ان شاءالله دنيا واخرة ولايحرمكم من بعض...
انااصار لي تقريبا سنة و8شهور متزوجة وكانت فترة الملكة 8شهور وصادف خلالها يوم ميلاده وكان بيصادف في شهر رمضان وانا مااحب احتفل اصلا في نفس اليوم معاه ...
المهم طلبت كيكة بالفراولة على شكل قلب احمر وطلبت له سي فود وعشان اكمل اللون الاحمر جبت الكاسات وعبيتها بالفانتا اللي بالفراولة ...هذا بالنسبة للاكل..
اما بالنسبة للتجهيزات كان كل شي باللون الاحمر في بيت ابوي عندنا غرفة الطعام منفصلة عن المجلس وبينهم باب سحاب..المهم انا طفيت النور بالمجلس ووزعت الشموع الحمرة بالمجلس واستخبيت عنه بغرفة الطعام وقفلت الباب وهو ينطرني مو متوقع شي لاني ماخبرته باني راح احتفل معاه...
وجهزت غرفة الطعام عبيتها بالبالونات الحمرة في كل مكان بالغرفة وين مايمشي البالونات حول رجله وطفيت النور ووزعت شموع اللي اغلبها كانت حمرة وعلى شكل قلوب وشفايف في كل مكان بالغرفة ونثرت بطاقة كتبت له فيها عبارات حب مثل (احبك ياغلاي،الله لايحرمني منك،كل عام وانت الحب....وغيرها من العبارات)..وشغلت له موسيقى كلاسيك هادية
اما بالنسبة لي طبعا بما ان كل الحفلة حمرا انا استعديت وتعطرت وعملت شعري ولبست فستان ناعم احمر من اللي تنباع في مانجو وهالمحلات اللي اقصده مش فستان افراح لا فستان بسيط احمر وتزينت له..
وبعد ماادخل بالمجلس وانا كنت متخبية عنه في غرفة الطعام وتاخرت عليه شوي لاني كنت اكمل التجهيزات فهو عصب علي بس لما فتحت الباب وناديته انبسط وتغيرت ملامحه من الفرح لانه ماكان متوقع اني اسويه له هذا كله ....
اما بالنسبة للهدية فانا خذت له عطر مونت بلانك ومعه دهن العود وازرار وغلفتهم مع شوكولاته وعملت له البطاقة لحالي بس التغليف كان بمحل تغليف الهدايا وبس بعد يومين او3 مااذكر من تاريخ ميلاده كان هو برا البيت انا اتفقت مع اخته ورحت نزلت لها الهدية وقلت لها حطيها بغرفته ولما رجع البيت وشافها انبسط والحمدالله عجبته المفاجاة...
وهذا كل اللي صار...
![Smilie](/forums/images/smilies2/smile.gif)
والله يوفق الجميع ويسعدكم اللهم امين دنيا واخرة ويجمع بينكم على خير....
واذا بغيتوا شي حاضرين للحلوين.....
ـــــــــــــــــــــــــــــــــــ
اللهم اغننا بحلالك عن حرامك