اقتباس:
المشاركة الأصلية كتبت بواسطة مجموعة إنساااان
أختي الكريمة لو اكتشفت انا ان زوجتي لديها مشروع من ورا علمي
وخاصه إذا كنت انا مو مقصر معها بشي
أقسم بالله انها ستحطم امور كثير بيني وبينها
إذا فعلا الموضوع عادي وما فيه مشكله ليه ما تخبرني مو انا زوجها وشريك حياتها
وبالمقابل مستحيل اسوي اي مشروع من ورا علم زوجتي هذه الحياة الزوجية الحقيقية
|
كتبت رد طويل عريض وانمسح!!!!
المهم:
تتخيل انه بيحطم امور كثيرة .. بالواقع ماراح يتحطم شي..
بالعكس راح يتحطم إذا كنت عارف انه لها مصدر دخل ثابت.. وعندها مبالغ محرزة ..
وتمر أنت بضاااائقة مالية .. ولا تساعدك بشي!!
هنا بيحز بخاطرك..
وأنت ماتدري شنو اللي منعها من مساعدتها لك!!
بتقول :
الله اكبر الحين انا حاط لها ومسوي لها ومو مقصر معاها وضاغط على نفسي عشانها !!
وهي ولا حاولت حتى لو مجرد بالكلام انا تساعدني !!!
انت مو طمعا بفلوسها لكن الظروف القاسية ودك بمساعدتها لك..
لكن لو ما تدري عن مشروعها بالعكس ماراح يصير بخاطرك عليها بشي..
اتصور بتكبر بعينك لصبرها على الوضع .. وتحملها معاك للظروف.. ومراعاتها لك وعدم طلبها مصرف منك..
ولو مريت بظروف قااااااااسية جدا وقدرت انها تطلعك من أزمة..
وعرفت انها تجمع الفلس لليوم النحس وفاجأتك بمساعدتها ..
هل راح تزعل منها انها طول هالعشرة ماعلمتك انها عندها دخل وقاعدة تجمعه لمثل هذا اليوم؟؟
ولا بتكبر بعينك؟؟
وقضية تخبي عنك وتخبي عنها هذي لاتستعجل بالأمور .. العشرة بتحكمك..
فرضا بعد الزواج اكتشفت انه زوجتك من النوع المسرف جدا..
تحبها وتعزها وتغليها ومو مقصر معاها وهي مثل العسل معاك وخلوقه بس عيبها الاسراف..
واسرافها راح يكوون عقبة امام تأمينك لمستقبلكم..
ماراح تقدر تجمع .. ولا تشتري سيارة ولا بيت ولا تسافرون وووو الخ.
وكل ماتجمع قرش قرشين إلا طاااااروا !!
راح تظطر انك تخبي عنها اي مصدر دخل غير راتبك.. أو أذا جتك زيادة بالراتب .. أو فتحت لك محفظة واشتغلت بالاسهم ماراح تعلممممممممها ..
مو عشان شي ماراح تعلمها ..
مو لعدم ثقتك ماراح تعلمها ..
مو بخل منك ماراح تعلمها ..
بالعكس عشان تامن لهم مستقبلهم بتظطر تخبي عنهم ولا تعلمها..
فالقضية حرية شخصية.. حب الشريك يطلع شريكه براحته.. حب يحتفظ فيه لنفسه براحته..
بشرط عدم التقصير من الطرف الاول بحق الطرف الثاني .
مو تخبي الزوجة مصدر الدخل وتكذب على الزوج انها بتروح لأهلها كل يوم وهي رايحه لمشروعها ..
ويصاحب هذا تقصير منها في أهتمامها بزوجها وببيتها وعدم قيامها بواجباتها من تربية ابنائها ووو الخ..
هنا في الحاله هذي نقول لا مو من حقها.. وغلطانه مليون بالمية..
ولو أكتشف الزوج سبب هالإهمال من حقه يتخذ أي إجرا تجاهها..
وكذلك الزوج .. لو يقحط على أهل بيته ويتحجج بالديون وهو كذاب.. ويخبي عنها مصدر دخله وبعدين تكتشف انه يسافر ولا متزوج عليها ولا ولا ولا
من حقها تزعل وماتنلام لو طاح من عينها..
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
08-03-2012, 01:41 PM
ضوابط المشاركة
العرض الشجري