بصراحة حاولت أبحث عن مشكلة أو خطأ من زوجتك الاولى مالقيت!!!
جميله.. ذكية.. خلوقة..مرتبة.. نظامية.. مو مرهقتك ماديا..كاتمة غيظها.. تمارس حياتك بحرية بدون قيود .. شتبي أكثر بالظبط؟؟
أتصور انه حبك الشديد لها تتمنى تعرف عنها كل شاردة وواردة وتسيطر عليها..
تبيها تنذل لك وتبقى بحاجتك عشان ترضي غرورك !!
اتوقع انك انت المعقد مو هي!!
يا اخي الحياة الزوجية حياة شراكة وليست ملكية لشخص دون الاخر.
أنت تقول ماتشكيلي:
- بكيفها احتمال ماعندها مشكله عشان تقولك .
- واحتمال انها من النوع اللي ماتحب تركز على المشكله عشان ماتتعب نفسها وتحب تنسى.
- واحتمال انها ماتشعر بالامان معاك لذلك مافتحت قلبها لك (وهذي مشكلتك انت مو مشكلتها اهيا)
الحل :
احتويها بصدق.. لاتضغط عليها بالفضفضة.. انت اشكيها بهمومك.. اظهر لها باااااااالغ حبك..فاجأها بشي تحبه..
النتيجة:
راح توصل للي تبيه منها من الفضفضة والسوالف وووو الخ.مع مرور الوقت قد تطول وقد تقصر.
بس تحتاج صبر ووقت ..
مشكلة الفلوس:
هي حرة وهذي خصوصيات مالك دخل فيها.
انت شنو ظارك؟؟
ممكن ابوها مقتطع لها من راتبه
ممكن اخوانها
ممكن تكون داخله جمعية
ممكن عندها مشروع وتترزق منه
ممكن شغاله بالاسهم
ممكن وممكن وممكن شنو المشكله!!!
مو لازم اعلم زوجي بمصادر دخلي لاني مو مجبورة اصرف على بيتي من فلوسي..
مثلا -انا ناوية اسوي مشروع وماراح اعلم زوجي عنه وبحاول قدر الامكان اني اخبي الشي هذا.
الحمد لله راتب زوجي قوي.. وكريم مو مقصر معاي.. وحاطني بعيونه..
لكن الشي هذا ماراح اقوله له..
حرة بكيفي ماراح اضره بالشي هذا ولا راح اهمل بيتي ولا راح اقصر معاه بحقوقه .. ولا راح اخدعه واخذ من فلوسه ..ابي احتفظ بالشي هذا لنفسي. شنو المشكله؟؟
بكرة بعيد الشر لو يروح من عيني بسم الله عليه.. ولا يتزوج علي ..ولا ننفصل .. ماتدور الدنيا فيني ما أدري شسوي بنفسي الا اكون مامنه مستقبلي وحياتي وحياة عيالي ولا احوجهم لاحد.
ومالها معنى اصارح زوجي باشيا قد تقع وقد لاتقع !!
شي داخل نفسي مو لازم اطلعه!
يعني تتصور بقوله أنا بامن مستقبلي مستقبل عيالي اذا مت!!
مو حلوة بحقه أبدا.
أما إذا أنت شاك بأخلاق زوجتك.. وما تأمنها وتتصور حقييقة انها ممكن تجيب لك مصيبه هذا شي ثاني..
واعتقد اللي وراهم مصايب واضحين جدا ما يحتاج فهلوة عشان تكشفهم..
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
07-03-2012, 03:07 PM
ضوابط المشاركة
العرض الشجري