الندم مش هينفع حالياً ،، اللي هينفع دعائك ليها الدائم والصدقات

وده اللي محتاجاه منك اوي اوي دلوقتي ،، ده اللي باقي واللي هيعلي من مراتبها

انتي عملتي اللي عليكي على قدر ما تقدري ،، دي أم عارفة يعني ايه أم

يعني راضية عنك ومسامحاكي في اي وضع ،،

هو غصة موت الوالدين والضنا مش بتروح ابدا ،، بس هتخف مع الوقت

دايما هتحسي حاجة نقصاكي بس لا مناص والزمن هيخفف من وجع قلبك مش اكتر

وربنا يعينك ويعيننا ويرحم اهالينا جميعا ويخفف من عليكي وادعي ربنا كتير

وتخيلي هي كانت تحب تشوفك عاملة ازاي واعملي كدا وماتخيبيش ظنها وتربيتها فيكي

قدري وجود احبابك زوجك وابنك في الحياة واستمتعي بكل لحظة معاهم وامتني لوجودهم وعبري عن حبك ليهم

حوطي نفسك بأفراد ايجابيين عشان يساعدوكي تخرجي بسرعة

بصي على خلق ربنا في الكون وسبحيه واستغفريه

لإن كلنا هنموت ودي الحقيقة الوحيده في الدنيا

وربنا يبدل سيئاتها حسنات وينور لها قبرها

__________________