الله لا يضيع لك صبر انت ولجين معاك ...
أدعو ربي تكون نهاية هالمعارك لصالحكم وتقدروا توصلوا لطريقة تفاهم ..

أعرف اخي معنى كلامك تماما لأني من النوع اللي سهل اثارته وأعصابي حاميه . ومن كم يوم مريت بموقف وما أعرف كيف تمالكت أعصابي وما تسببت بحادث . الله المستعان .

وبالرغم من انه أحيانا تصيب وأحيانا تخيب لكني بظل احاول الى ان أصير أمسك أعصابي دااااائما .

واأسلوبي اللي لقيته نفعني أكثر شي أخذته من مستشارنا برضه ..

1- قبل اي نقاش لااااازم المعوذات والكرسي .
2- خلال النقاش أحط ببالي أمرين
ا- أنه الشخص اللي أمامي قاعد يستفزني وأنا ما راح أستجيب له ولا راح أعطيه طلبه .
ما اتوقع لحين تقصد تستفزك مثل شريكي .. يمكن بدون وعي وحتى تهرب من المواجهه .. لكن بكل الأحوال هي قاعدة تستفزك سواء قصدت أو لأ والنتيجة كانت توقف النقاش والهروب ..
فلما احط هذا ببالي أضرب بريك على طول وبتلقائية ما أتعمدها وأهدى حتى ما اخسر فرصتي للنقاش .
ب-




عندي مشوار وتأخرت عليه ..أعتذر

مزمز على اللي كتبته لك للحين ولما ارجع بكمل كلامي واشوف تعليقك

__________________

هذه صدقتي يعني هي راقبتها أي نقاش من بينا في البدايه تكون هاديه من غير ردة فعل لين ما تخليني أوصل لمرحلة صراخ تبدأ تتكلم ولكن دموعها تشتغل وياله تسمعين صوتها وهي ترد يكون الخوف واضح والله ساعات اقعد أمسك أيدها بقوه وقولها ارفعي صوتج ليش ترمسين بصوت واطي فجاه في غمضة عين تحصلينها طارت لجناحها .

__________________

الحمد لله على كل حال

[COLOR="Purple"]

باك

راح أفاجأك بتحليلي تراها هي تتصرف نفس تصرفك بالضبط لكن هلى أهدى .. يعني كأنك مشيت الشريط بالبطيء ... تتذكر عادل امام بمسرحية مدرسة المشاغبين وهو يضرب بسعيد صالح

1= انت تبدأ متحمس ومخك مستوعب وصاحي .. يعني على طبيعتك
وهي نفس الشي تبدأ متحمسه ومستوعبه .. يعني على طبيعتها ... مع انه طبيعتها تختلف عن طبيعتك كونها أهدى فتسمع وتحاول تستوعب كلامك وساكته عشان تسمعك وتفهم . مجرد بطء

2- بعدها يحتد الكلام وتوصلوا لمربط الفرس والوتر الحساس فتتوتر الأعصاب فتفقد سيطرتك على صوتك المنخفض وتبدا صوتك يعلى ونبرتك تحتد
وهي على نفس الخط تبدا تتوتر أكثر فتفقد سيطرتها على السكوت والاستماع فتتكلم وترد عليك لكنها تبكي لأنها منفعلة وخايفة ( تراها فعلا تكون خايفة منك )

3- انت تعصب أكثر لأنك تشوف امامك أسلوب مو متعود عليه ومو فاهمه مثل أي موقف أو سؤال شيء مجهول ما نفهمه يوترنا على طول .
وهي بالمقابل برضه ما فهمت ليه أنت عصبت لأنها ما تعودت .. متعودة انه اللي شايف شي غلط يتكلم ويقول وجهة نظره .. انت ليه تعصب لما هي تقول اللي عندها وكان مخالف لك ولقناعاتك ؟؟؟

انت تهرب للعصبية والتكسير وهي تهرب لغرفتها .

أسألك سؤال ... وش حادك على تحمل كل هذا ؟؟؟؟ بتقولي أحبها الى جانب الظروف

بقولك تراها نفسك بالضبط .. اللي حادها ما تقول ... بابا أبي أتطلق .. لأنها تحبك ومحتارة كيف تكسبك وترضيك بظل ظروفها ونفسيتها

الان بكمل لك كلامي اللي بديته بردي الأول .

ترى أخي أبو خليفة هي مو غلطانه .. صح تستفزك بصمتها واقتراحاتها .. لكن مثل ما أنت شايف أنت اللي قاعد يدور على حل للعصبية .. ولو كانت العصبية هي الصح ما كنت حاولت تحلها وتبعد عنها .

بقولك عن تجربتي وأتمنى انك تاخذ فيها بجدية ومثابرة لأنها جد تحتاج منك جهد حتى تسيطر على عصبيتك ..
العصبية شيء بغيض ربنا يبعده عنا . كنت أحيانا أتخيل لو أنه أحد ياخذ لي تصوير فيديو وانا معصبة وكيف بيكون شكلي .. وأحيانا كنت أشوف احد معصب قدامي وأقول لنفسي معقول هذا هو شكلي وانا منرفزة ...!!!!

أول شي

قراءة القرءان والوضوء والصلاة ... ما راح تصدق تأثيرهم الى أن تجربهم بكثرة وتشوف نتيجتهم على نفسيتك خلال الأيام كلها مو بس وقت أحد يستثير أعصابك .. وبالتالي بتلاقي تأثيرهم وقت حاجتهم وما راح تقعد تدور بمخك وتستحضر أساليب لتخفيف العصبية ... يعني بيصير الهدوء شيء متأصل فيك

ثاني شي .

فكر معي انت ليش تعصب منها ومن اقتراحاتها
يعني الواحد يعصب من اللي يصارخ عليه ومن اللي يمد يده عليه ... ليه يستفزك هدوءها ؟؟

ولي عودة أسوي فطور وارجع

__________________

__________________

الحمد لله على كل حال