17-08-2012, 11:32 PM
|
المشاركة الأصلية كتبت بواسطة لينة العريکة
عزيزتی الانسه طفشانه
بصراحة تحسدين علی ادبک البارع فی الردود علی ما کتب انفا عزيرتی الزفة من اجمل الاشياء فی العرس وفيها بهجة و سرور لا يوصفان ومن حقک ان تحلمی بها و لکن بما ان العروس و العريس يکونان سوية فمی الطبيعی ان يتفقا علی الطريقة، ما قالت اختنا مدن السلام عين العقل من الممکن اختصار الزفة علی الاقرباء و الارحام بهذا سترضين ربک و زوجک و نفسک و لا تنسی اخيتی ان فخامة العرس و الزفة لن يقدم و لن يؤخر فی سعادتک ابدا |
17-08-2012, 11:39 PM
|
المشاركة الأصلية كتبت بواسطة الهدوء عنواني
شوفي ياختي في من تهجم عليكي وفي من يوافقك الرأي وكلو بالاول والاخير على حسب عادات وتقاليد الشخص
اتغاضي عن الي تهجم او ضايقك رده ((مايلفظ من قول الا لديه رقيب عتيد)) ليش هالاسلوب انسه والا والا يصير زفه وزعل ومدري ايش افرضي ان اهل زوجك مو راضين وبالذات امه وبالله عليكي من بدايتها بتدخلي زوجك بدوامه تمشي كلمتك او كلمة امه ...؟ ثاني شي الله واعلم مابفتيلك بحكم الزفه ويدخل عالحريم,, بس خذيها من باب خجل زوجك او نفسيته ماتتقبل هالشي وانتي بكذا بدل ماتكون ليلة عمر بتكون عليه تعاسة وتنكيد ومغصوب وبدون نفس.. الشي اذا ماجا بدون نفس ايش فايدته حتى لو انزف معك...؟ احترمي رغبته ولاتبغيه ياخذ فكره عنك مو حلوه من اولها وبيقول هذي من بدايتها بتسيطر علي,, وعن نفسي شخصيا ماؤيد الزفه ولا ابيها بس دام رغبة حرمتي كذا وبالذات لو كان مصره مثلك اكيد بدخل السعاده لها وبوافق بس الله واعلم بالضروف ماتدرين اهله موافقين ولا لا ومثل مانتم لكم عادات عادي تسووها تلقين هم عكسكم وبالاول والاخير الزفه وهالاشياء مظاهر مصيرها بتجلس شهر ببال المعازيم وبعدها ولافكرو فيكي وانتي الي بتعيشي باقي سنينك مع زوجك والله اعلم ياخذ بخاطرك عن هاليوم وبتقعد معاه سنين هذي مظاهر وانا اخوك وادري والله رغبتك وحلمك من الطفوله بس خلك قنوعه وتاكدي دامك بالدنيا مو كل مايتمناه المرء يدركه وانتي اكبر من كذا يانسه وغيرك تشتكي بالمنتديات وانتي شايفه مايدق بابها خاطب والحمدالله انتي بنعمه وانتي حاولي قد ماتقدري باسلوب حلو ودلع او قولي لزوجك برساله عالجوال (( حبيبي انا على ايدك تبدء صفحة حياتي وابيها باول صفحاتي واول ذكرى تكون زفتنا , ماتتصور يافلان قد ايش حلمي انزف لاتحرمني من هالامنيه واستحمل طلبي وخذني على قد عقلي , وانا كلي لك وتحت امرك بشورك بنعم او لا )) وانتي عاد ضيفي او احذفي الي يناسبك بس اهم شي الاسلوب يكون لطيف وسوائن وافق او ماوافق انتي اكبر من كذا قدامك شقه تزيني فيها وتعزمي صحباتك وتتفشخري قدامهم باثاثكم او اي شي ثاني ,, بس الا هالشي وانا اخوك لاتغصبي الرجال وتفتحي على نفسك باب من المشاكل وتخيلي انتي لو غصبك وقلك لا يعني لا ايش شعورك,, هذا نفسه اسلوبك الي تعاملي فيه تقوليله ابي زفه يعني زفه وزعلتي عليه وهو عارف انك زعلتي لانك انتي الي بتوريه انك زعلانه,, ومو حلو هالاسلوب لما يحس فيه الشخص مغصوب عليه ويارب يتمم الموضوع بالي يرضي الطرفين ولاتنسي تبشرينا على ايش استقريتو,, بالتوفيق يارب |
17-08-2012, 11:42 PM
|
المشاركة الأصلية كتبت بواسطة توفي وفيصل
امممممممم ..
طيب يمكن هو منحرج يمشي وياك بالزفه .. انزفي لحالك ..وبعدين يجي هو بلحاله مع الوالد .. ويمشي براحته ..وبدون احراج له .. |
18-08-2012, 12:05 AM
18-08-2012, 12:20 AM
|
المشاركة الأصلية كتبت بواسطة الهدوء عنواني
والله مالومك يانسه
وتفكيرك وكلامك عين الصواب والبنت معروف عنها تدقق حتى يمكن بالخط الي مكتوب على المواجيب وعاداتكم بكل القبائل وعلى قولة واحد من الاعضاء دخيله علينا واحنا نسويها وبكل القبائل صارت موضه عادي احلى شي عجبني بردودك انك مبتعده عن المثاليه وتكلمتي عن كل الي بخاطرك ^_^ والامور الي ذكرتيها غير الزفه والشقه وا وا وا والاشياء الي تمنيتي فيها افضل والله انها هذي هي الي تتمناها اي بنت وبالمقابل الرجل والمثاليات يشوفوها طبيعيه وعاديه وماهي عاديه واوافقك الراي بس الي بوجهه لكي من اخ لاخته: نتمنى الي ببالنا يتحقق ويصير ولو ماصارت ماهي نهاية زواج سعيد لسى قدامكم الحياه ماتدرين ربك يعوضك فيه بحسن اسلوبه وفلته وتمشياته ,, ولاتزعلي مني انتي لسى تفكيرك على قدك مافكرتي لقدام ولبعدين تفكري بالي يجي وايش يصير ومايصير ,, وسعي تفكيرك وخليه ارقى من كذا وبعد الزواج حتكون فيه اشياء مخفيه واكون صريح معك مثل عالفراش لما يطلبك يكون وقتك تدلعي فيه بالطلبات وقد ماتسعديه عالفراش بيسعدك اكثر والله ,, والوصول لقلب الرجل بها الشي بس هو ممكن مايفهم للمرأه وكيف يتعامل معاها ومشي امورك وانا اخوك بكره وبعدو بتفكري بالعيال باذن الله وتتعاندو باي مدرسه تدخلوهم هههههههههههه الله يحققلك ماتتمنيه يارب |
18-08-2012, 12:29 AM
|
المشاركة الأصلية كتبت بواسطة انسه طفشانه
اخيرا احد وقف بصفي ههههههههههههه
ان مع كل الي تنازلت عشانه وافقت الحين اتنازل ع زفته معي بنزف لحالي بس بشرط يدخل اخر الزواج واصور فيديو ونلبس دبل ونقطع كيك فيديو الزفه اخر شي بتنازل عنه ولازم يقتنع لان الحياه مشاركه نصيحه مني لك اذا ماكنت متزوج وخطبت بيوم من الايام انزف مع زوجتك ترا الزفه حلوه وتحس نفسك بجد عريس هههههههههههههه ولله يوفق بجد ماقصرت بردك |
امزح
,, قوليله الي ودك فيه يصير بس عاد لاتكسر بخاطري مره عالاقل قدملي نص الي اتمناه وتجي باخر الزفه ونقطع الكيك وكذا 
18-08-2012, 01:16 AM
18-08-2012, 01:36 AM
18-08-2012, 01:51 AM
)
18-08-2012, 01:55 AM
|
المشاركة الأصلية كتبت بواسطة حلو السجايا
مشاركتي الثانية في هذا الموضوع ؛ أختنا الفاضلة، اقدم لك اعتذاري عن أسلوبي في مشاركتي الأولى، ويعلم الله ما أردت إلا الخير لكِ، وربما كان أسلوبي فيه نوعٌ من الشدة، فاعتذر إليكِ .. أيها الإخوة الكرام، وأيتها الأخوات الفضليات، تسطيح الموضوع بهذه الطريقة لا يليق، أنتم الان تطرحون لها أفكاراً بديلة، ( وأصل ) القضية لم نتفق عليها !! هل يـجوز - شرعاً - دخول الرجل مع زوجته في الزفه أمام نساء غير محارمه ؟! هذا السؤال لابد من الوقوف عليه، والاجابة عنه ، أما أن نذهب ونتكلم في قضايا أخرى، وأصل القضية لم نتفق عليها !! المحاذير الشرعية في دخول الرجل مع زوجته للزفه أمام نساء غير محارمه كثيرةٌ جداً، وإن شئتم أن نتذاكرها، فلا مانع..ثم ننظر لبدائل شرعية مناسبة !! وأحسب أختنا الفاضلة صاحبة الموضوع [ وَقـًَـــافةٌ عند حدود الله ] .!! |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
