رد : تعبنا كنساء من تحمل المسؤولية بمفردنا
اخت سيدة الموقف
ومن اوصل الرجل لهذه الحاله
ساحكى لك وخليك صبوره وصدرك واسع ..
عندى جاره زوجها مدرس بالسعوديه ..
طهق من تحكم الكفيل واراد العوده لمصر .. ماذا قالت زوجته ..قالت احنا لسه ماعملناش حاجه .. جدد العقد احنا عندنا متطلبات كتيره ..
سمع كلامها وسافر تانى ..
واحده اخرى اعرفها زوجها احيل للتقاعد وقبل الموعد قالتله انت حاتفضل قاعدلى فى البيت .. انا مااحبش كده .. لازم تشوفلك شغلانه تسليك وكمان الدخل نقص وعاوزين نعوضه ..
يبقى مين اللى طفش الراجل من البيت ..
بلاش دى ..
لو مصلحه يقضيها الرجل يفاجا انه قوبل بسخريه انت طول عمرك كده بنغرق فى شبر ميه .. دايما بينضحك عليك ..
اسكت انت انا عارفه انا باعمل ايه .. ايش فهمك فى تربية العيال ..انت تعرف ايه عن عيالك ..يوم سالت الواد عامل ايه او البنت عامله ايه وهكذا كلمات ماانزل الله بها من سلطان ..
عارفه ياسيده رد فعله حايكون ايه
مادام هى كده تشيل ويبدا رفض داخلى لا ارادى ويصبح متبلد وغير متعاون ويتركها تنغرس فى المشاكل ولو سالته رايه يقول اللى انتى شايفاه ..
لا يوجد رجل ضعيف الشخصيه ولكن هناك رجل فشل فى انتزاع حقوقه واستسلم وهى تشتكى انه ضعيف الشخصيه وانها شايله كل حاجه على دماغها ..
الست من دول لما يكون عندها ابن ذكر بتبث فيه مشاعر الرجوله واوعى حد ياخد حاجتك واللى يضربك اضربه وانت راجل ..
اما اذا كان زوجها تحاول ان تدمر كل صفات الرجوله فيه اذا كان سيظهر تلك الصفات عليها وعندما يصبح مسخ مستسلم تشتكى منه ..
ياسيده الام مدرسه .. اذا اعددتها اعددت شعبا طيب الاعراق ولكن افشل ما فى المراه الزوجه ..
ان كنتى تريدين رجلا يتحمل المسئوليه ادفعيه دفعا لتحملها ولا ترضى بان تحملى عته ايا كان مقدار التعب او الارهاق ..
لو وجد كلمات تشجيع منك وتركتيه لتحمل المسئوليه حتى لو اخطا وحتى لو تصرف غير ماتخططين فسينجح يوما وستجدينه شخصيه مبهره وسيكون سعيدا انه يكد فى سبيل هذه الاسره ..
وراء كل رجل عظيم امراه اما ان تدفعه للنجاح او امراه تهدمه .
10-09-2012, 03:44 PM
ضوابط المشاركة
العرض الشجري